ກອງປະຊຸມດັ່ງກ່າວແມ່ນໄດ້ຈັດຂືນໃນວັນທີ 11 ເດືອນ ກັນຍາ 2019 ທີຫໍປະຊຸມ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ໂດຍໃຫ້ກຽດເປີດກອງປະຊຸມຂອງທ່ານ ປະລິນຍາເອກ ພວງປາຣີສັກ ປຣາວົງວຽງຄໍາ ຮອງລັດຖະມົນຕີກະຊວງກະສິກຳ ແລະ ປ່າໄມ ແລະ Mr Dominique Vigie ຜູ້ຕ່າງໜ້າຈາກສະຖານທູດອົດສະຕາລີ ປະຈຳລາວ. ຈຸຸດປະສົງຂອງກອງປະຊຸມຄັ້ງນີ້ກໍ່ເພື່ອເປັນການສ້າງໂອກາດໃຫ້ແກ່ຜູ້ຈັດຕັ້ງປະຕິບັດວຽກງານທາງດ້ານການຜະລິດພືດຜັກໃນແຕ່ລະປະເທດໃນມີການແລກປ່ຽນບົດຮຽນແລະ ປະສົບການຂອງຕົນໃຫ້ ແກ່ແຕ່ລະພາກສ່ວນໄດ້ຮຽນຮູ້ ແລະ ຖອດຖອນບົດຮຽນ ພ້ອມທັງເປັນການສ້າງເຄື່ອຂ່າຍໃຫ້ແກ່ບັນດາອົງກອນ ຜູ້ຈັດຕັ້ງປະຕິບັດວຽກງານຕົວຈຶ່ງ ບໍ່ວ່າຈະເປັນ ພາກລັດເອກະຊົນ ຂະແໜງການສຶກສາ ຈົນຮອດ ກຸ່ມຊາວກະສິກອນ ຜູ້ປະກອບການເກັບຊື້ ສະມາຄົມ ໄດ້ຮູ້ຈັກແລະແລກປ່ຽນຄວາມຄິດເຫັນເຂົ້າໃຈສະພາບຂອງແຕ່ລະຂອດການຜະລິດຂອງລະບົບຕ່ອງໂສ້ການຜະລິດ. ຊຶງໃນປີນີ້ເປັນປີ ທີ 4 ໃນການຈັດກອງປະຊຸມດັ່ງກ່າວ ແລະເປັນຄັ້ງທີສອງຂອງລາວທີໄດ້ຮັບກຽດເປັນເຈົ້າພາບ ແລະຄັ້ງນີ້ ໄດ້ມີຫຼາຍກວ່າ 130ຄົນ ໄດ້ເຂົ້າຮ່ວມ ຊຶງມາຈາກບັນດາປະເທດເຂດພາກພື້ນເຊັ່ນ ອົດສະຕາລີ ກຳປູເຈ້ຍເກົາຫຼີ, ຫວຽດນາມ, ກອງປະຊຸມໄດ້ໃຊ້ເວລາໜຶ່ງວັນ ເພື່ອມີການນຳສະເໜີແລະສົນທະນາ ໃນການແລກປ່ຽນບົດຮຽນ ຊຶງຜົນຂອງກອງປະຊຸມເຫັນໄດ້ວ່າການຜະລິດພືດຜັກປອດສານພິດ ແມ່ນກຳລັງໄດ້ຮັບຄວາມສົນໃຈທັງກຸ່ມຜູ້ຜະລິດ ແລະ ຜູ້ບໍລິໂພກແຕ່ຍັງມິຫຼາຍຂອດໃນການສະໜັບສະໜູນບໍ່ວ່າທັງພາກລັດແລະເອກະຊົນຕ້ອງໄດ້ເອົາໃຈໃສ່ຊ່ວຍຍູ້ດັນພ້ອມທັງ ສ້າງຈິດສຳນຶກໃຫ້ແກ່ສັງຄົມເພື່ອເຫັນຄວາມສຳຄັນແລະຜົນກະທົບຕ່າງໆທີການນຳໃຊ້ສານເຄມີເຂົ້າໃນການຜະລິດກະສິກຳ

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ຮ່ວມກັບສະມາຄົມການຄ້າ ໄອຊີທີລາວ ໄດ້ເປີດງານວາງສະແດງ ເຕັກໂນໂລຊີສື່ສານຂໍ້ມູນຂ່າວສານ ປະຈໍາປີ 2019 (Lao ICT EXPO 2019) ຂຶ້ນຢ່າງເປັນທາງການ, ພາຍໃຕ້ຄໍາຂັວນ “ສ້າງ ແລະ ສົ່ງເສີມ ການຫັນເປັນ ດີຈີຕອນໃນລາວ (Create and Promote Lao Digital Transformation)”, ໃນວັນທີ 25 ມິຖຸນາ 2019 ນີ້, ທີ່ໂຮງແຮມດອນຈັນພຣາເລດ, ນະຄອນຫຼວງວຽງຈັນ, ຊຶ່ງງານວາງສະແດງຈະໄດ້ດໍາເນີນເປັນເວລາ 05 ວັນ, ລະຫວ່າງວັນທີ 26 – 30 ມິຖຸນາ 2019. ໃຫ້ກຽດເປັນປະທານເປີດງານໂດຍ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ທັນສະໄໝ ກົມມະສິດ ລັດຖະມົນຕີກະຊວງ ປທສ ມີບັນດາແຂກທີ່ຖືກເຊີນມາຈາກບັນດາກະຊວງ, ອົງການທຽບເທົ່າ, ບັນດາສະຖາບັນການສຶກສາ ແລະ ບັນດາບໍລິສັດຕ່າງໆເຂົ້າຮ່ວມ.

ງານວາງສະແດງໃນປີນີ້ມີບູດມາວາງສະແດງຫຼາຍກວ່າ 54 ບູດວາງສະແດງ ຈາກຜູ້ປະກອບການດ້ານໂທລະຄົມມະນາຄົມ-ໄອຊີທີ ທັງພາຍໃນ ແລະ ຕ່າງປະເທດ ທີ່ໄດ້ນໍາເອົາຜະລິດຕະພັນອອກໃໝ່ ແລະ ທັນສະໄໝ ກ່ຽວກັບ ລະບົບສື່ສານໂທລະຄົມ, ລະບົບໂປຼແກຼມຮັບໃຊ້ການຫັນເປັນດີຈີຕອນ, ລະບົບການປ້ອງກັນຄວາມປອດໄພທາງດ້ານ ໄຊເບີ, ເຄື່ອງອຸປະກອນ ໄອຊີທີ ຕ່າງໆ, ພ້ອມນັ້ນກໍ່ມີການວາງສະແດງຂອງບັນດາກະຊວງ, ອົງການ, ບໍລິສັດ ກ່ຽວກັບ ຜົນສໍາເລັດຂອງການນໍາໃຊ້ ໄອຊີທີ ເຂົ້້າໃນວຽກງານຕ່າງໆຂອງຕົນ. ນອກນີ້, ຍັງມີກອງປະຊຸມສໍາມະນາລະດັບສາກົນ Lao Digital Transformation Forum, ກອງປະຊຸມປຶກສາຫາລື ການຮ່ວມມືພັດທະນາ ໄອຊີທີ ຂອງບັນດາປະເທດລຸ່ມແມ່ນໍ້າລ້ານຊ້າງ-ແມ່ນໍ້າຂອງ ແລະ ງານສໍາມະນາວິຊາການສະເພາະດ້ານ ເຊັ່ນ: ການບໍລິຫານລັດດ້ວຍເອເລັກໂຕຼນິກ, ການນໍາໃຊ້ ໄອຊີທີ ເຂົ້້າໃນການສຶກສາ, ການນໍາໃຊ້ ໄອຊີທີ ໃນຂະແໜງການເງີນ, ບັນຫາຄວາມປອດໄພຂອງສື່ສັງຄົມອອນລາຍ, ການຄ້າ ແລະ ການດໍາເນີນທຸລະກິດ ດ້ານໄອຊີທີ. ໃນໂອກາດດຽວກັນ, ຍັງເປັນເວທີທີ່ສຳຄັນໃນການສ້າງໂອກາດ ໃຫ້ຜູ້ປະກອບການ, ຜູ້ຜະລິດ, ຜູ້ບໍລິການ, ຜູ້ຊົມໃຊ້ ແລະ ຜຸ້ຄຸ້ມຄອງ ICT ໄດ້ມາພົບປະແລກປ່ຽນບົດຮຽນ, ຄວາມຮູ້, ຄວາມເຂົ້້າໃຈ ແລະ ສ້າງການພົວພັນຮ່ວມມື ທາງດ້ານການຄ້າ ແລະ ການພັດທະນາຮ່ວມກັນ. ພິເສດກວ່ານັ້ນໃນປີນີ້, ຍັງຈະມີງານປະກວດ ລາງວັນລາວໄອຊີທີ 2019 (Lao ICT Award 2019) ເພື່ອເປັນຕົວແທນຂອງ ສປປ ລາວ ສົ່ງເຂົ້າແຂ່ງຂັນກັບບັນດາປະເທດອາຊຽນ ຊີງລາງວັນ ASEAN ICT Award 2019.
ຕາງໜ້າຂະແໜງການກະສິກຳ ແລະ ປ່າໄມ້, ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ( NAFRI ) ໄດ້ເຂົ້າຮ່ວມງານວາງສະແດງດັ່ງກ່າວໂດຍນຳເອົາບັນດລະບົບຖານຂໍ້ມູນທີ່ກ່ຽວຂ້ອງກັບກະສິກຳ ແລະ ປ່າໄມ້ ເຊັ່ນ: ຖານຂໍ້ມູນກະສິກຳ ແລະ ປ່າໄມ້ ລາວ ( LAD ) lad.nafri.org.la, ຖານຂໍ້ມູນຫ້ອງສະໝຸດອີເລັກໂທຣນິກ ( NALIS ) nalis.nafri.org.la ຖານຂໍ້ມູນເຕັກນິກການຜະລິດກະສິກຳ ແລະ ປ່າໄມ້, ລະບົບຖານຂໍ້ມູນຊີວະນາໆພັນກະສິກຳໃນ ສປປປ ລາວ ( PHAKHAO LAO ) www.phakhaolao.la ແລະ ບັນດາສື່ສີ່ງພີມຕ່າງໆ ທີ່ກ່ຽວຂ້ອງກັບວຽກງານ ICT ເຂົ້າຮ່ວມວາງສະແດງ. ພ້ອມກັນນີ້ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ໄດ້ສົ່ງລະບົບຖານຂໍ້ມູນຄວາມຮູ້ທາງດ້ານຊີວະນາໆພັນກະສິກຳ ໃນ ສປປ ລາວ ( PHAKHAO LAO ). ເຂົ້າຮ່ວມປະກວດງານ Lao ICT Award 2019. ໂດຍມີການສົ່ງເຂົ້າປະກວດທັງໝົດ 10 ພາກສ່ວນ ແລະ ສາມາດຍາດມາໄດ້ຮອງຊະນະເລີດ ອັນດັບທີ 4 ຈາກຜູ້ເຂົ້າຮ່ວມ 10 ລະບົບໃນຮອບສຸດທ້າຍ ໂດຍຈາກທັງໝົດທີຜ່ານການຮອບຄັດເລືອກທຳອິດ 35 ລະບົບ.

ຮຽບຮຽງໂດຍ: ສຸລິວົງ ກອງມະນີວົງ

ຮູບພາບໂດຍ: ຈັນທະສອນ ມະນີວົງ

20 ປີ ຄົບຮອບແຫ່ງການສ້າງຕັ້ງສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ມີຫຼາຍຜົນງານອັນພົ່ນເດັ່ນແລະເປັນທີຍອມຮັບຂອງສັງຄົມທັງພາຍໃນແລະຕ່າງປະເທດເຮັດໃຫ້ການພັດທະນາວຽກງານກະສີກຳປ່າໄມ້ ແລະຊົນນະບົດນັບມືນັບດີຂື້ນໄປເລື່ອຍໆ. ສະນັ້ນໃນວັນທີ 25-28 ເມສາ 2019 ຈຶ່ງໄດ້ມີພີທີສະເຫຼີມສະຫລອງ ຄົບຮອບຂອງການສ້າງຕັ້ງເພື່ອເປັນການຍ້ອງຍໍຜົນງານແລະສະແດງຂີດໝາຍຂອງການພັດທະນາວຽກງານການຄົ້ນຄວ້າກະສິກຳແລະປ່າໄມ້ຂື້ນ ໂດຍການເປັນປະທານຂອງ ທ່ານ ສົມດີ ດວງດີ ຮອງນາຍົົກລັດຖະມົນຕີ, ລັດຖະມົນຕີກະຊວງການເງິນ ພ້ອມດ້ວຍ ທ່ານ ບັນດີດ ສາດສະດາຈານ ປອ ບໍວຽງຄຳ ວົງດາລາ ລັດຖະມົນຕິ ກະຊວງວິທະຍາສາດແລະເຕັກໂນໂລຍີ ເຂົ້າຮ່ວມເປັນປະທານ ແລະຍັງມີ ບັນດາຮອງລັດຖະມົນຕິ ກະຊວງກະສິກຳແລະປ່າໄມ້ ບັນດາ ຫົວໜ້າກົມຮອງກົມອ້ອມຂ້າງເຂົ້າຮ່ວມພ້ອມດ້ວຍແຂກທີຖືກເຊີນທັງພາຍໃນແລະຕ່າງປະເທດ ຫລາຍກວ່າ 260 ທ່ານ. ໃນພິທີດັ່ງກ່າວ ທ່ານ ຫົວໜ້າ ສະຖາບັນຄົ້ນຄວ້າກະສີກຳ,ປ່າໄມ້ແລະພັດທະນາຊົນນະບົດໄດ້ ຂື້ນລາຍງານຜົນງານອັນພົ້ນເດັ່ນຫຼາຍດ້ານຂອງວຽກງານການຄົ້ນຄວ້າກະສິກຳ,ປ່າໄມ້ແລະພັດທະນາຊົນນະບົດ ຜ່ານມາຊຶ່ງມີຫຼາຍໝາກຜົນ ທີສັງຄົມໄດ້ນຳໃຊ້ເຂົ້າໃນການຜະລິດກະສິກຳໂດຍສະເພາະວຽກງານແນວພັນແລະເຕັກໂນໂລຍີການຜະລິດ ເຮັດໃຫ້ຊາວກະສິກອນໃນຫຼາຍທ້ອງຖິ່ນສາມາດເອົາໄປນຳໃຊ້ສ້າງຫຼາຍຮັບໃຫ້ເຂົາເຈົ້າເພື່ອກ້າວໄປສູ່ການຜະລິດໃຫ້ກຸ່ມກິນແລະເຫຼືອເປັນສິນຄ້າ ທີສຳຄັນ ເພິ່ນຍັງໄດ້ເນັ້ນໃຫ້ເຫັນເຖິ່ງຄວາມສຳຄັນຂອງການລົງທືນໃນຂົງເຂດການຄົ້ນຄວ້າກະສິກຳປ່າໄມ້ແລະພັດທະນາຊົນນະບົດສາມາດຕອບແທນຄືນ4 ທົບຂອງການລົງທືນ ສູ່ປະຊາຊົນ

ກວ່າ 16 ປີ ຂອງການແລກປ່ຽນ ແລະ ການຮ່ວມມື ທາງດ້ານການພັດທະນາວຽກງານການຄົ້ນຄວ້າກະສກຳ ແລະ ປ່າໄມ້ ລະຫວ່າງ ສະຖາບັນຄົ້ນຄວ້າກະສິກຳ, ປ່າໄມ້ແລະພັດທະນາ ຊົນນະບົດແລະມະຫາວິທະຍາໄລ ນາໂກຢາ ປະເທດຢີປຸ່ນທີໄດ້ສ້າງຜົນງານຂອງການຮ່ວມມືແລະແລກປ່ຽນຊຶງກັນແລະກັນ. ບໍ່ວ່າຈະເປັນການນຳເອົາຜົນຂອງການຄົ້ນຄວ້າທົດລອງ ມາແລກປ່ຽນປະສົບການຜ່ານການປະຊຸມສຳມະນາຕ່າງ ຈົນໄປຮອດການສ້າງບຸກຄະລາກອນທາງດ້ານການຄົ້ນຄວ້າສະເພາະດ້ານ ຊຶງຜ່ານມາ ກໍ່ໄດ້ມີພະນັກງານຂອງທາງສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ໄດ້ຈົບການສືກສາຂັ້ນປະລິນຍາເອກ ຈາກມະຫາວິທະຍາໄລດັ່ງກ່າວ 2 ຄົນ ແລະ ກຳລັງສືບຕໍ່ຍົກລະດັບການສຶກສາ ປະລິນຍາເອກ ແບບຮຽນທາງໄກ ອີກ 3 ຄົນແລະສືບຕໍ່ຂະຫຍາຍສູ່ພາກສ່ວນອືນທີກ່ຽວຂ້ອງອີກດ້ວຍ. ສະນັ້ນ ໃນວັນທີ 14 ມັງກອນ 2019 ໄດ້ມີພິທີເຊັ່ນຂໍ້ຕົກລົງ ແລະ ບົດບັນທຶກຄວາມເຂົ້າໃຈ ຂອງທັງສອງສະຖາບັນ ຂື້ນທີ ສຳນັກ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດຂຶ່ນ ໂດຍການເຂົ້າຮ່ວມໃນພິທີໃນຄັ້ງນີ້ຈາກ ທ່ານ ປອ ບຸນຖອງ ບົວຫອມ ຫົວໜ້າສະຖາບັນຄົ້ນຄວເາກະສິກຳ, ປ່າໄມ້ ແລະ ພັດທະນາຊົນນະບົດ ແລະ ຕ່າງໜ້າຈາກທາງ ມະຫາວິທະຍາໄລນາໂກຢາ ແລະ ທີມງານ ແມ່ນ ທ່ານ ສາດສະດາຈານ ປອ ກາໂຊຮິໂຕະ ກາວາກິຕະ ຄະນະບໍດີ ຂອງ ໂຮງຮຽນວິທະຍາສາດກະສິກຳ ແລະ ທ່ານ ສາດສະດາຈານ ປອ ໂຄຮີນ ໂອກະໂມໂຕະ ຄະນະບໍດີ ໂຮງຮຽນ ການສຶກສາທາງດ້ານສິ່ງແວດລ້ອມ ຊຶງການເຊັ່ນບົດບັນທຶກ ແລະ ຂໍ້ຕົົກລົງດັ່ງກ່າວກໍ່ແມ່ນ ເພື່ອເຮັດໃຫ້ການຮ່ວມມື ແລະ ການແລກປ່ຽນ ທາງດ້ານການຄົ້ນຄວ້າກະສິກຳ ແລະ ປ່າໄມ້ລະຫວ່າງສອງສະຖາບັນໄດ້ມີແນວທາງ ແລະ ກອບແຜນງານໃນການເຮັດວຽກໃຫ້ມີຄວາມລຶກຊຶງ ແລະ ລົງເລີກ ກ້າວໄປສູ່ການສ້າງແຜນໂຄງການຮ່ວມມືດ້ານການຄົ້ນຄວ້າຮ່ວມກັນໃຫ້ຫຼາຍຂື້ນ ແລະ ຜັນຂະຫຍາຍລົງສູ່ວຽກງານອັນລະອຽດກວ່າເກົ່າ.

ການທັດສະນະສຶກສາຄັ້ງນີ້ເພື່ອແລກປ່ຽນບົດຮຽນ ດ້ານກະສີກໍາ-ປ່າໄມ້ ໃນເຂດເມືອງປາກຊ່ອງ, ເພື່ອເຮັດໃຫ້ບັນດາຄະນະນໍາຈາກສະຖາບັນຕ່າງໆ ໄດ້ນໍາເອົາບົດຮຽນໃນການທັດສະນະສືກສາໄປປັບໃຊ້ໃນການຮຽນການ-ສອນໃຫ້ເໝາະສົມກັບສະພາບທ້ອງຖີ່ນຂອງຕົນ.
ການທັດສະນະສືກສາ ແລກປ່ຽນບົດຮຽນຄັ້ງນີ້ມີ ບໍລິສັດອາດາມຊີດ ອີນເຕີໄພຣເຊສ ອີນເຕີນາເຊີເນລ ຈໍາກັດ, ບໍລິສັດກະເສດຮ່ວມມືລາວ-ຈີນ, ສວນມົນຕາ ຈໍາປາລາວ ແລະ ສູນຄົ້ນຄ້ວາກະສິກໍາ-ປ່າໄມ້ ພາກໃຕ້ (ຫັຼກ 35) ທີ່ເມືອງປາກຊ່ອງ ແຂວງ ຈໍາປາສັກ, ໃນຄັ້ງວັນທີ 6 ທັນວາ 2018.
ນໍາພາໂດຍ ທ່ານ ເພັດສະໝອນ ຖານະສັກ ຮອງຫົວໜ້າກົມຈັດຕັ້ງ ແລະ ພະນັກງານ, ຄະນະນໍາຈາກ 5 ສະຖາບັນການສືກສາ ທີ່ຂື້ນກັບກະຊວງກະສິກໍາ ແລະ ປ່າໄມ້ (ຄະນະອໍານວຍການ, ຄະນະວິຊາ, ຄະນະຫ້ອງການ) ແລະ ຊຽ່ວຊານໂຄງການ Support to the Reform of the Agriculture and Forestry Colleges (SURAFCO) ມີຈໍານວນຜູ້ເຂົ້າຮ່ວມທັງໝົດ 72 ຄົນ, ຍີງ 20 ຄົນ, ເຊິ່ງໃນນີ້ມີຜູ້ເຂົ້າຮ່ວມຈາກກົມຈັດຕັ້ງ ແລະ ພະນັກງານ ກະຊວງກະສິກຳ ແລະ ປ່າໄມ້ 3 ທ່ານ, ຍິງ 0 ທ່ານ, ຈາກໂຄງການ SURAFCO ຈໍານວນ 5 ທ່ານ, ຍິງ 5 ທ່ານ, ວິທະຍາໄລກະສິກໍາ-ປ່າໄມ້ ຈໍາປາສັກຈໍານວນ 17 ທ່ານ, ຍິງ 3 ທ່ານ, ວິທະຍາໄລກະສິກໍາ-ປ່າໄມ້ພາກເໜືອຈໍານວນ 13 ທ່ານ, ຍິງ 2 ທ່ານ, ວິທະຍາໄລກະສິກໍາ-ປ່າໄມ້ ສະຫວັນນະເຂດຈໍານວນ 12 ທ່ານ, ຍິງ 3 ທ່ານ, ວິທະຍາໄລກະສິກໍາ-ປ່າໄມ້ ບໍລິຄໍາໄຊຈໍານວນ 12 ທ່ານ, ຍິງ 5 ທ່ານ ແລະ ໂຮງຮຽນຊົນລະປະທານຊັ້ນສູງທ່າງ່ອນຈໍານວນ 10 ທ່ານ, ຍິງ 2 ທ່ານ ພາຍໃຕ້ການສະນັບສະໜູນຂອງໂຄງການ SURAFCO ເພື່ອປັບປຸງຄຸນນະພາບການຮຽນການສອນ.
ໃຫ້ກຽດຕ້ອນຮັບຄະນະການນໍາໃນຄັ້ງນີ້ ໂດຍ Assistant professor of water management Montree Khamchoo ຄະນະກຳມະການບໍລິຫານສວນມົນຕາຈໍາປາລາວ, Mr. Ni Weibi ຜູ້ອໍານວຍການບໍລິສັດກະເສດຮ່ວມມືລາວ-ຈີນ, ທ່ານ ນັດຕະພົນ ມະໂນລາ ຮອງອໍານວຍການບໍລິສັດອາດາມຊີດອີນເຕີໄພຣເຊສ ອີນເຕີນາເຊີເນລ ຈໍາກັດ, ທ່ານ ອິນປັນ ແຫວນອິນເພັດ ຫົວໜ້າສູນຄົ້ນຄ້ວາກະສິກຳ ແລະ ປ່າໄມ້ພາກໃຕ້. ໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດກິດຈະກຳຂອງບໍລິສັດດັ່ງກ່າວເຖິງຄວາມເປັນມາ, ສະພາບການການຜະລິດ, ຈຸດດີ, ຂໍ້ຄົງຄ້າງ, ບົດຮຽນທີ່ຖອດຖອນໄດ້, ສິ່ງທ້າທາຍ ແລະ ຄວາມຄາດຫວັງຂອງບໍລິສັດໃນອານາຄົດ.
ດ້ານເຕັກນິກການຜະລິດເມັດພັນພືດ, ການຜະລິດພືດຜັກເພື່ອການສົ່ງອອກ ແລະ ຂະບວນການຜະລິດກະເຟຄຸນນະພາບ. ນອກຈາກນັ້ນທາງຄະນະນໍາຈາກ 5 ສະຖາບັນຍັງໄດ້ປືກສາຫາລືເຫັນດີຮ່ວມກັນກ່ຽວກັບການຮ່ວມມືກັບບັນດາຜູ້ປະກອບການໃນ

ອານາຄົດເຊັັ່ນການທັດສະນະສືກສາ, ການຝືກງານຂອງນັກສຶກສາ, ການຝຶກອົບຮົມຄູ ແລະ ຕະຫຼາດແຮງງານໃຫ້ແກ່ນັກສືກສາທີ່ຮຽນຈົບ.

ໂດຍ: ວິທະຍາໄລກະສິກໍາ ແລະ ປ່າໄມ້ ຈໍາປາສັກ
ໂທ ແລະ ແຟັກ : 031 212 258, 031 260078

ການໃຊ້ສື່ສິ່ງພີມມີຄວາມສຳຄັນຫຼາຍໃນປະຈຸບັນ ເຖີງແມ່ນວ່າຈະມີຫຼາຍຄົນຕັ້ງຂໍ້ສັງເກດວ່າ ສື່ສິ່ງພິມ (ເອກະສານ) ແມ່ນມີຈຳນວນຫຼຸດລົງ ຫຼື ອາດຈະຫາຍໄປໃນອະນາຄົດ ເນື່ອງຈາກວ່າເທັກໂນໂລຍີໃນລະບົບອອນລາຍ (ອິນເຕີເນັດ) ໄດ້ເຂົ້າມາແທນທີ່, ຢ່າງໃດກໍ່ຕາມຈາກການສັງເກດເຫັນວ່າການເຂົ້າເຖິງເທັກໂນໂລຍີ ຂອງປະຊາຊົນລາວບັນດາເຜົ່າ ແມ່ນຍັງມີຂໍ້ຈຳກັດ. ດັ່ງນັ້ນຫຼາຍໆໜ່ວຍງານທັງພາກລັດ ແລະ ເອກະຊົນ ໄດ້ໃຊ້ສື່ສິ່ງພິມໃນການກະຈາຍຂໍ້ມູນຂ່າວສານ, ເນື່ອງຈາກວ່າສາມາດເກັບຮັກສາໄວ້ເປັນຫຼັກຖານ.
ໃນລະຫວ່າງວັນທີ 10-12 ທັນວາ 2018 ທີ່ຫ້ອງປະຊຸມຂອງສູນຂໍ້ມູນຂ່າວສານ, ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ (ສກປພ), ໄດ້ເປີດຝຶກອົບຮົມເຕັກນິກການຂຽນສື່ສິ່ງພິມໃຫ້ແກ່ພະນັກງານຄູອາຈານຈາກວິທະຍາໄລກະສິກຳ ແລະ ປ່າໄມ້ຈຳປາສັກ ຈຳນວນ 10 ທ່ານ, ຍິງ 6 ທ່ານ, ໃຫ້ກຽດເປັນປະທານຮ່ວມໂດຍ ທ່ານ ນາງ ຂັນທະລີ ຈັນທະລັງສີ ຮອງຂະແໜງບໍລິຫານ ສູນຂໍ້ມູນຂ່າວສານ, ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ແລະ ທ່ານ ບຸນນາກ ໝື່ນອາດອາສາ ຮອງອໍານວຍການວິທະຍາໄລກະສິກໍາ ແລະ ປ່າໄມ້ ຈໍາປາສັກ.
ການຝຶກອົບຮົມໃນຄັ້ງນີ້ໄດ້ຮັບສະໜັບສະໜູນຈາກໂຄງການ SURAFCເພື່ອສ້າງຄວາມອາດສາມາດຂອງຄູອາຈານໃນການຂຽນຈົດໝາຍຂ່າວ ແລະ ວາລະສານ, ເພື່ອແນ່ໃສ່ການເຜີຍແຜ່ຂໍ້ມູນຂ່າວສານຕ່າງໆຂອງວິທະຍາໄລກະສິກໍາ ແລະ ປ່າໄມ້ ຈໍາປາສັກ ອອກສູ່ສາຍຕາຂອງມະຫາຊົນໃນອະນາຄົດ. ຜ່ານການຝຶກອົບຮົມໃນຄັ້ງນີ້ ສັງເກດເຫັນວ່າບັນດາຄູອາຈານເຂົ້າໃຈຂັ້ນຕອນເວົ້າລວມ ເວົ້າສະເພາະແມ່ນຫຼັກການໃນຂຽນບົດຂ່າວ ແລະ ວາລະສານ (ການເຄື່ອນໄຫວຂອງການນໍາ, ການຈັດກອງປະຊຸມ, ການເຄື່ອນໄຫວກິດຈະກໍາຕ່າງໆ, ເຕັກນິກດ້ານວິຊາການ, ວຽກດີຄົນເດັ່ນ ແລະ ອື່ນໆ) ແລະ ສາມາດຂຽນຂໍ້ມູນຂ່າວສານຕ່າງໆອອກຕີພິມໃນວາລະສານຂອງ ສກປພ. ໄດ້ ແລະ ປິດລົງດ້ວຍຜົນສໍາເລັດອັນຈົບງາມ.

ໂດຍ: ວິທະຍາໄລກະສິກໍາ ແລະ ປ່າໄມ້ ຈໍາປາສັກ
ໂທ ແລະ ແຟັກ : 031 212 258, 031 260078

ພິທີສະຫຼອງວັນອາຫານໂລກ ຄັ້ງທີ່ 38, ວັນສາກົນ ແລະ ສັບປະດາແຫ່ງຊາດ ເພື່ອລົບລ້າງຄວາມທຸກຍາກ ຄັ້ງທີ່ 15 ປະຈໍາປີ 2018.
ວັນທີ 16 ຕຸລາ 2018 ນີ້, ຢູ່ທີ່ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ, ນະຄອນຫຼວງວຽງຈັນ, ກະຊວງກະສິກໍາ ແລະ ປ່າໄມ້ ຮ່ວມກັບ ອົງການສະຫະປະຊາຊາດປະຈຳ ສປປ ລາວ ໄດ້ຈັດງານສະເຫຼີມສະຫຼອງ ສອງວັນສຳຄັນຄື ວັນອາຫານໂລກ 16 ຕຸລາ ແລະ ວັນສາກົນ ສັບປະດາແຫ່ງຊາດເພື່ອລຶບລ້າງຄວາມທຸກຍາກ 17 – 24 ຕຸລາ

ໂດຍໄດ້ຮັບກຽດເຂົ້າຮ່ວມຂອງ ທ່ານ ປະລິນຍາເອກ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປລາວ, ພ້ອມດຽວກັນນີ້ ກໍ່ໄດ້ຮັບກຽດ ຮວມເປັນປະທານຂອງ ທ່ານ ປະລິນຍາເອກ ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້, ພ້ອມດ້ວຍ ທ່ານ ປະລິນຍາເອກ ພວງປາຣີສັກ ປຣາວົງວຽງຄໍາ ຮອງລັດຖະມົນຕີກະຊວງກະສິກໍາ ແລະ ປ່າໄມ້ ແລະ ຍັງມີ ທ່ານ ປະລິນຍາເອກ ມິວຊິນຍຸນ Myo-Zin Nyunt, ຮັກສາການຜູ້ປະສານງານ ຈາກອົງການສະຫະປະຊາຊາດ ປະຈໍາລາວ. ທ່ານ ນາງ Allinson Hope Moore ຜູ້ຕ່າງໜ້າຈາກອົງການ ອາຫານ ແລະ ການກະເສດ ປຳຈໍາພາກພື້ນ ອາຊີປາຊີພິກ ແລະ ພ້ອມດ້ວຍຜູ້ເຂົ້າຮ່ວມຈາກບັນດາກົມຂອງກະຊວງ ແລະ ພາກສ່ວນທີ່ກ່ຽວຂ້ອງ.

ການສະເຫລີມສະຫລອງວັນອາຫານໂລກໃນປີນີ້, ຈັດຂຶ້ນພາຍໃຕ້ຄຳຂວັນ “ການກະທຳຂອງພວກເຮົາຄືອານາຄົດຂອງພວກເຮົາ, ໂລກທີ່ປາສະຈາກຄວາມອຶດຫິວ ພາຍໃນປີ 2030 ແມ່ນມີຄວາມເປັນໄປໄດ້” ແລະ ວັນສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ພາຍໃຕ້ຄໍາຂວັນ “ມາຮ່ວມມືກັນ ຊ່ວຍເຫລືອກຸ່ມຄົນທີ່ດ້ອຍໂອກາດທີ່ສຸດ ເພື່ອພ້ອມກັນສ້າງໂລກ ທີ່ມີການເຄົາລົບກຽດສັກສີ ແລະ ສິດທິມະນຸດຢ່າງທົ່ວເຖິງ”. ພາຍໃນງານໄດ້ຈັດໃຫ້ມີຫລາກຫລາຍກິດຈະກຳ ເປັນຕົ້ນ ແມ່ນງານວາງສະແດງ ແລະ ຈຳໜ່າຍສິນຄ້າສິນຄ້າກະສິກຳ ແລະ ຈັດງານສຳມະນາໃນຫົວຂໍ້ຕ່າງໆ

ໃນລະຫວ່າງວັນທີ 8-12 ຕຸລາ 2018 ສູນຂໍ້ມູນຂ່າວສານກະສິກຳ ແລະ ປ່າໄມ້ ໄດ້ຈັດຝຶກອົບຮົມການຄຸ້ມຄອງ ແລະ ນຳໃຊ້ເວັບໄຊ໌ ໃຫ້ແກ່ພະນັກງານພະແນກກະສິກຳ ແລະ ປ່າໄມ້ ແຂວງຫົວພັນ ຜູ້ທີ່ຮັບຜິດຊອບໃນວຽກງານການຄຸ້ມຄອງ ແລະ ບໍລິຫານເວັບໄຊ໌ ເຊິ່ງມີຜູ້ເຂົ້າຮ່ວມຝຶກອົບຮົມທັງໝົດ 4 ທ່ານ ໃນການຝຶກອົບຮົມການຄຸ້ມຄອງ ແລະ ນຳໃຊ້ເວັບໄຊ໌ຄັ້ງນີ້ແມ່ນ ເພື່ອແນໃສ່ໃຫ້ ພະແນກກະສິກຳ ແລະ ປ່າໄມ້ ແຂວງຫົວພັນ ມີລະບົບການຄຸ້ມຄອງ, ບໍລິຫານເວັບໄຊ໌ເປັນມາດຕະຖານ ແລະ ເຮັດໃຫ້ພະນັກງານວິຊາການຜູ້ຮັບຜິດຊອບວຽກງານດັ່ງກ່າວ ສາມາດຄຸ້ມຄອງ, ພັດທະນາເນື້ອຫາຂໍ້ມູນຂ່າວສານຂອງກະຊວງ ທີ່ຕ້ອງການນຳຂຶ້ນສູ່ເວັບໄຊໃນການເຜີຍແຜ່ຂໍ້ມູນຂ່າວສານໃຫ້ມີຄວາມສະດວກວອງໄວ ແລະ ເຮັດໃຫ້ເວັບໄຊ ພະແນກມີການແລກປ່ຽນຂໍ້ມູນຂ່າວສານທັງພາຍໃນ ແລະ ພາຍນອກ ແລະ ອັບເດດຂ່າວຢ່າງເປັນສະໝຳສະເໝີ, ພ້ອມກັນນີ້ກໍ່ເປັນການສ້າງຄວາມເຂັ້ມແຂງໃຫ້ແກ່ພະແນກຕໍ່ກັບທາງດ້ານການພັດທະນາຂໍ້ມູນຂ່າວສານ ໃຫ້ມີຫຼາຍຮູບແບບຂອງການເຜີຍແຜ່ໂຄສະນາ ໃນການຈັດການຂໍ້ມູນເນື້ອຫາໃນເວັບໄຊໃນຂັ້ນພື້ນຖານ.
ໃນການຈັດຝຶກອົບຮົມ ການຈັດການຂໍ້ມູນເທິງເວັບໄຊ໌ ຂອງພະແນກກະສິກຳ ແລະ ປ່າໄມ້ແຂວງຫົວພັນ ໂດຍໃຊ້ລະບົບ CMS ໃນການຈັດການ ໃນຄັ້ງນີ້ແມ່ນໄດ້ນຳໃຊ້ທິດສະດີ ແລະ ປະກອບການເຮັດໂຕຈິງໄປພ້ອມ ຫຼັງຈາກສຳເດັດການຝຶກອົບຮົມເຫັນໃດ້ວ່າ ນັກສຳມະນາກອນ ສາມາດຄຸ້ມຄອງ, ບໍລິຫານຈັດການ ແລະ ພັດທະນາເນືອຫາຂໍ້ມູນຂ່າວສານ ພະແນກຂອງຕົນໄດ້ ໃນການເຜີຍແຜ່ຂໍ້ມູນຂ່າວສານອອກສູ່ສັງຄົມ.

ທີ່ຢູ່ເວັບໄຊຂອງພະແນກ: http://pafohp.maf.gov.la

ໃນວັນທີ່ 10 ຫາ 14 ກັນຍາ 2018 ຢູ່ທີຫ້ອງປະຊຸມ ໂຮງແຮມ ວັນຊະນະ ລີເວີຊາຍ ສູນຄົ້ນຄວ້າປ່າໄມ້ ກໍຄືສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ເປີດກອງປະຊຸມ ລິເລີ່ມໂຄງການ ອະນຸລັກພັນຖຸກຳຕະກຸນໄມ້ຂະຍຸງ ເພື່ອປັບປຸງຊີວິດການເປັນຢູ່ໃນເຂດແມ່ນ້ຳຂອງ “Conserving Rosewood genetic diversity for resilient livelihoods in the Mekong” ໃຫ້ກຽດເປັນປະທານໂດຍທ່ານ ປອ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ່າກະສິກຳ ແລະ ພັດທະນາຊົນນະບົດ. ທ່ານ H.E. Mr Hugh EVANS ເອກອັກຄະລັດຖະທູດອັງກິດປະຈຳລາວ. ທ່ານ Dr. David Boshier ຫົວຫນ້າໂຄງການ ແລະ ມີຜູ້ແທນຈາກ ສສ ຫວຽດນາມ, ກຳປູເຈຍ, ໄທ ແລະ ບັນດາຊ່ຽວຊານຈາກມະຫາລິທະຍາໄລ ອອກຟອດ ປະເທດອັງກິດ ແລະ ກົມອ້ອມຂ້າງກະຊວງກະສິກຳ ແລະ ປ່າໄມ້ເຂົ້້າຮ່ວມຢ່າງພ້ອມພຽງ.

ສູນຄົ້ນຄວ້າປ່າໄມ້ ກໍຄືສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ຮັບການອະນຸມັດຈາກລັດຖະມົນຕີກະຊວງກະສິກໍາ ແລະປ່າໄມ້ (ຂໍ້ຕົກລົງສະບັບເລກທີ 2078/ກປ ລົງວັນທີ 07 ກັນຍາ 2018) ວ່າດ້ວຍການອະນຸມັດ ການຈັດກອງປະຊຸມລິເລີ່ມໂຄງການ “Conserving Rosewood genetic diversity for resilient livelihoods in the Mekong”; ໃນນາມທີ່ ສູນຄົ້ນຄວ້າປ່າໄມ້, ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ຈະເປັນຄູ່ຮ່ວມຈັດຕັ້ງປະຕິບັດໂຄງການ ແລະ ຈະໄດ້ຈັດຕັ້ງປະຕິບັດຮ່ວມກັບບັນດາສະມາຊິກປະເທດອື່ນໆຄື: ສສ ຫວຽດນາມ, ກຳປູເຈຍ, ໄທ ແລະ ບັນດາຊ່ຽວຊານຈາກມະຫາລິທະຍາໄລ ອອກຟອດ ປະເທດອັງກິດ ເປັນເວລາ 2.5 ປີ ຄືແຕ່ປີ 2018 ຫາ 2021.

ຈຸດປະສົງຂອງກອງປະຊຸມດັ່ງກ່າວແມ່ນ ເພື່ອ:

• ປຶກສາຫາລື ກິດຈະກໍາຂອງໂຄງການ,
• ປຶກສາຫາລື ແລະ ແຜນການຈັດຕັ້ງປະຕິບັດໂຄງການ,
• ສ້າງຄວາມຄວາມເຊື່ອໝັ້ນ ແລະ ການພົວພັນກັນລະຫວ່າງຄູ່ຮ່ວມຈັດຕັ້ງປະຕິບັດໂຄງການ,
• ການສ້າງເຄື່ອຂ່າຍ ແລະ ການເຊື່ອມໂຍງກັບໂຄງ ການອື່ນໆທີ່ຄ້າຍຄືກັນ ທີ່ຈັດຕັ້ງປະຕິບັດກ່ຽວກັບການອະນຸລັກພັນທຸກໍາໄມ້, ແລະ
• ປຶກສາຫາລືກ່ຽວກັບ ລະບົບການສະຫຼຸບ-ລາຍງານການຈັດຕັ້ງປະຕິບັດໂຄງການ.

ກອງປະຊຸມດັ່ງກ່າວໄດ້ມີການປະຊຸມສະເພາະດ້ານກ່ຽວກັບການຈັດຕັ້ງປະຕິບັດໂຄງການ ຈໍານວນ 3 ວັນ ແລະ ລົງຢ້ຽມຢາມພື້ນທີ່ສວນປູກລວມພັນໄມ້ຂະຍຸງ ທີ່ສູນຄົ້ນຄວ້າປ່າໄມ້ 1 ວັນ ແລະ 1 ວັນ ແມ່ນຈັດປະຊຸມເຜີຍແຜ່ການຈັດຕັ້ງປະຕິບັດໂຄງການ ເພື່ອໃຫ້ໂຄງການອື່ນໆ ແລະ ອົງການຈັດຕັ້ງອື່ນໆ ທີ່ກໍາລັງຈັດຕັ້ງປະຕິບັດກິດຈະກໍາ ທີ່ຄ້າຍຄືກັນໄດ້ເຂົ້າໃຈ ແລະ ສາມາດແລກປ່ຽນບົດຮຽນນໍາກັນໄດ້.

ໂຄງການດັ່ງກ່າວແມ່ນຈັດຕັ້ງປະຕິບັດຜ່ານເຄືອຂ່າຍອະນຸລັກພັນທຸກໍາປ່າໄມ້ອາຊີປາຊີຟິກ ແລະ ໄດ້ຮັບທືນສະໜັບສະໜູນໂດຍ ອົງການ Darwin Initiative ປະເທດອັງກິດ ແລະ ພາກວິຊາວິທະຍາສາດພືດ ມະຫາວິທະຍາໄລອອກຟອດ ເປັນຫົວໜ້າໂຄງການ.