ສູນຄົນຄວ້າພືດຜັກ ແລະ ໄມ້ໃຫ້ໝາກ ຜ່ານລັກສູກການຝຶກອົບຮົມໃນການຜະລິດພືດຜັກ ແລະ ໄມ້ໃຫ້ໝາກເປັນສິນຄ້າ

          ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ເຊິງຂື້ນສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ          ມີບົດບາດເປັນໜ່ວຍວິຊາການ ເຮັດໜ້າທີ່ຄົ້ນຄວ້າທາງດ້ານແນວພັນ, ເຕັກນິກການປູ ແລະ ຂະຫຍາຍພັນພືດຜັກ ແລະ ໄມ້ໃຫ້ໝາກ, ຄົ້ນຄວ້າເຕັກນິກຫຼັງການເກັບກ່ຽວ, IPM, ອິງໃສ່ແຜນ 2 ງານສະໜັບສະໜູນສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດໃນແຜນງານທີ (5) ແລະ ແຜນງານທີ (6) ໃນການພັດທະນາລະບົບຂໍ້ມູນຂ່າວສານ ແລະ ສ້າງຄວາມເຂັ້ມແຂງໃຫ້ກັບນັກວິຊາການຂອງສູນ, ແຂວງ, ເມືອງ ແລະ ຊາວກະສິກອນໃນການເພີ່ມຄວາມຮູ້ທາງດ້ານການຜະລິດພືດຜັກ ແລະ ໄມ້ໃຫ້ໝາກໃຫ້ເປັນສີນຄ້າ ເພື່ອຄໍ່າປະກັນສະບຽງອາຫາານ, ຫຼຸດຜ່ອນການນໍາເຂົ້າ ແລະ ເປັນສິນຄ້າສົ່ງອອກໃນອະນາຄົດ ເພື່ອຜັນຂະຫຍາຍແຜນດໍາເນີນງານໃນການຈັດຕັ້ງຜັນຂະຫຍາຍວາລະແຫ່ງຊາດ ກ່ຽວກັບ ການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ຂອງກະຊວງກະສິກຳ ແລະ ປ່າໄມ້ ຈະສຸມໃສ່ 2 ວຽກຈຸດສຸມໃຫຍ່ ຄື: 1) ຊຸກຍູ້ສົ່ງເສີມການຜະລິດກະສິກໍາ ເພື່ອທົດແທນການນໍາເຂົ້າ ທັງຫຼຸດຜ່ອນການໄຫຼອອກເງິນຕາໄປຕ່າງປະເທດ ແລະ  2) ສຸມໃສ່ການຊຸກຍູ້ການຜະລິດກະສິກໍາຕິດພັນກັບການປຸງແຕ່ງເປັນສິນຄ້າ ເພື່ອສົ່ງອອກໄປຕ່າງປະເທດ ນໍາເອົາເງິນຕາເຂົ້າມາໃຫ້ຫຼາຍຂຶ້ນ.             ໃນວັນທີ່ 7 ມີຖຸນາ 2023 ນີ້ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ຈັດຕັ້ງການຜ່ານຫຼັກສູດການຝຶກອົບຮົມໃຫ້ຊາວກະສິກອນ ແລະ ຜູ້ປະກອບການ ເພື່ອເປັນບົດຮຽນໃນການຈັດຕັ້ງປະຕິດໃນການຜະລິດໃນພື້ນທີ່ການຜະລິດ. ໂດຍການເປັນປະທານຂອງ ທ່ານ ບຸນເພັງ ສີຫອມຈັນ ຄະນະສູນຄົ້ນຄວ້າພືດຜັກ ແລະ ໄມ້ໃຫ້ໝາກ ພ້ອມດ້ວຍນັກວິຊາການຂອງສູນເຂົ້າຮ່ວມ ທັງໝົດ 22 ທ່ານ. ຈຸດປະສົງໃນການນໍາສະເໜີ ແລະ ຜ່ານຫຼັກສູດໃນການຝຶກອົບຮົມໃນຄັ້ງນີ້ ເພື່ອປະກອບຄໍາຄິດຄໍາເຫັນ ແລະ ປັບປຸງຫຼັງສູດໃຫ້ດີຂື້ນ, ເຂົ້າໃຈງ່າຍ ແລະ ມີຄຸນນະພາບ, ເຊິງຫຼັກສູດໃນການຝຶກອົບຮົມໃນຄັ້ງນີ້ປະກອບມີ 10 ຫຼັກສູດ, ພືດຜັກມີ 2 ຫຼັກສູດ, ໄມ້ໃຫ້ໝາກມີ 2 ຫຼັກສູດ, ປ້ອງກັນພືດມີ 2 ຫຼັກສູດ, ເຕັກນິກຫຼັງການເກັບກຽວມີ 2 ຫຼັງສູດ ແລະ ການແປຮູບ-ປຸງແຕ່ງຜະລິດຕະພັນຂອງພືດຜັກ ແລະ ໄມ້ໃຫ້ໝາກ 2 ຫຼັກສູດ. ຫຼັກສູດການຝຶກອົບຮົມດັ່ງກ່າວນີ້ຈະໄດ້ນໍາໄປຝຶກ ຫຼື ສອນໃຫ້ກັບພະນັກງານທ້ອງຖິ່ນ ແລະ ຊາວກະສິກອນໃນຂອບເຂດທົ່ວປະເທດ. ການຜ່ານຫຼັກສູດໃນຄັ້ງນີ້ທາງນັກວິຊາການຂອງສູນແມ່ນໄດ້ພັດປ່ຽນກັນປະກອບຄໍາຄິດຄໍາເຫັນໃສ່ໃນແຕ່ລະຫຼັກສູດແບບກົງໄປກົງມາ ແລະ ເປັນວິທະຍາສາດ ເພື່ອໃຫ້ແຕ່ລະຫຼັກສູດສົມບູນຂື້ນ ແລະ ສາມາດເຂົ້າໃຈໄດ້ງ່າຍ, ວັນແທດເໝາະກັບສະພາບຕົວຈິງ, ກອງປະຊຸມໃນຄັ້ງນີ້ໄດ້ດໍາເນີນໄປເປັນເວລາໜຶ່ງວັນ ແລະ ເຕັມໄປດ້ວຍບັນຍາກາດອັນຝົດຟື້ນ ແລະ ມີຜົນສໍາເລັດອັນຈົບງາມ.

ຂຽນ ແລະ ຮຽບຮຽງໂດຍ:   ຕີ ວິໄລພັນ

ເບີໂທລະສັບ: 020 58837887, ອີເມວ: teevlp@yahoo.com, teevlphhrc@gmail.com

ສູນຄົ້ນຄວ້າພືດຜັກ ແລະ ໄມ້ໃຫ້ໝາກ