The forest-rich Lao PDR is home for many kinds of wild animals.
Even at present some wild animals are used as food.
Bush meat is an important protein source for residents who live in rural areas.
In the Lao PDR, “Wild Animal and Aquatic Law (WAＬ)” are put in place for wild animal conservation, and in the laws they are classified into three categories based on their conservation levels. And from the international viewpoint, International Union for Conservation of Nature and Natural Resources (IUCN) makes the IUCN Red List, and Washington Convention or CITES (Convention on International Trade of Endangered Species of Wild Fauna) has listed endangered wild animals.
Some local residents do not know that there is WAＬ for wildlife protection or they do not understand the contents correctly.
One of the reasons is that books in which wild animals are illustrated and materials on wild animal conservation are not common in the Lao PDR.
Eating of wild animals poses risks of parasitic zoonoses like COVID-19 and SARS. From the perspective of public health, it is also important to deepen local residents’ understanding of wild animals.
The newly developed Bush meat database is a free app and can be used in rural areas by using smartphones. We hope that the database we developed will be widely used in such facilities as agricultural offices and health facilities in the prefectures and districts in Laos. Access this database app from NAFRI Web site.

“This database is the result of JIRCAS and FRC joint research.”

https://eyn2d.glideapp.io

Fig. Example of App of “Lao Bushmeat”.

Scan the QR code and register the app in your smartphone. You can see the name and photo of the wild animals and their conservation levels in the Lao wild animal and aquatic laws, the IUCN Red List and CITES (Washington Convention).

Singkone Xayalath, Katsumi Hasada, Kenichiro Kimura

ວັນທີ່ 11/1/2017 ທ່ານ ລຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ລົງຊຸກຍູ້ວຽກງານການຄົ້ນຄວ້າທົດລອງ ຢູ່ທີສູນຄົ້ນຄວ້າການປະມົງ ແລະ ສະຖານີຂະຫຍາຍພັນສັດ ໜອງແຕ່ງ ເປັນກຽດຕ້ອນຮັບໂດຍ ທ່ານ ປອ ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກໍາ ແລະປ່າໄມ້ ແຫ່ງຊາດ. ຫົວໜ້າສູນ, ຮອງຫົວໜ້າສູນ ແລະ ພ້ອມດ້ວຍອ້າຍນ້ອງພະນັກງານພາຍໃນສູນ. ໂອກາດດັ່ງກ່າວທາງຫົວໜ້າສູນຄົ້ນຄວ້າການປະມົງ ແລະ ສະຖານີຂະຫຍາຍພັນສັດ ໄດ້ລາຍງານໃຫ້ຮູ້ກ່ຽວກັບສະພາບລວມຂອງສູນ ທີມີໜ້າທີ່ຄົ້ນຄວ້າທາງດ້ານແນວພັນສັດ ເພື່ອສະໜອງໃຫ້ແກ່ຊາວກະສິກອນ ເປັນຕົ້ນ: ແນວພັນງົວ, ໝູ, ສັດປີກ, ສັດນ້ຳ ແລະ ບັນດາແນວພັນສັດຕ່າງໆ. ນອກນີ້, ຍັງໄດ້ລາຍງານກ່ຽວກັບ ລະບົບໂຄງຮ່າງການຈັດຕັ້ງ, ຂໍ້ສະດວກ, ຂໍ້ຫຍຸ້ງຍາກ ແລະບາງບັນຫາທີ່ຍັງຄົງຄ້າງ. ພ້ອມດຽວກັນນີ້້ທ່ານ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ໃຫ້ທິດຊີ້ນໍາໂດຍສະເໜີໃຫ້ການນໍາຂອງສະຖາບັນຄົ້ນຄວ້າກະສິກໍາ ແລະປ່າໄມ້ ແຫ່ງຊາດ ກໍ່ຄືການນໍາຂອງສູນ ຈົ່ງໄດ້ສືບຕໍ່ແກ້ໄຂບັນຫາທີ່ເປັນຈຸດບົກຜ່ອງ ໃນການຈັດຕັ້ງປະຕິບັດວຽກງານໃຫ້ມີຄວາມເຂັ້ມແຂງ ໂດຍສະເພາະແມ່ນ ເອົາໃຈໃສ່ໃນການຄົ້ນຄວ້າແນວພັນສັດ ແລະ ສືບຕໍ່ຍົກລະດັບ ວິທີການການຄົ້ນຄວ້າຂື້ນຕື່ມ ເພື່ອໃຫ້ສາມາດຕອບສະໜອງດ້ານແນວພັນສັດຕ່າງໆ ໃຫ້ໄດ້ຫຼາຍຂື້ນ ແລະ ພຽງພໍກັບຄວາມຮຽກຮ້ອງຕ້ອງການຂອງສັງຄົມ ຊຶ່ງໃນປະຈຸບັນ ແມ່ນ ປະຊາຊົນຊາວກະສິກອນໄດ້ໃຫ້ຄວາມສຳຄັນໃນການນຳໃຊ້ແນວພັນເຂົ້າໃນການຜະລິດກະສິກຳຫລາຍຂຶ້ນ ຊຶງມັນເປັນທ່າແຮງໃນການສະໜັບໜູນວຽກງານການຄໍ້າປະກັນສະບຽງອາຫານ ແລະການຜະລິດເປັນສິນຄ້າ ທີທາງກະຊວງເຮົາໄດ້ກຳໜົດໄວ້.

ຂຽນຂ່າວໂດຍ: ກົມແກ້ວ ສີບຸນຫວັງ
ກວດແກ້ໂດຍ: ທ່ານ ມະໂນລັກ ບຸນສີຫາລາດ

ຂໍ່ານັບຊົມເຊີຍ “ກອງປະຊຸມສຳມະນາວ່າດ້ວຍ ບັນຫາ ແລະ ກາລະໂອກາດ ການປູກຢາງພາລາ” – at 26 ທັນວາ 2016 ນະຄອນຫຼວງວຽງຈັນ ສປປລາວ
(1) ກະຊວງກະສິກໍາ ແລະ ປ່າໄມ້ ໄດ້ຈັດກອງປະຊຸມສໍາມະນາບັນຫາ ແລະ ກາລະໂອກາດ ຢາງພາລາລາວ ພາຍໃຕ້ການເປັນປະທານຂອງທ່ານ ປອ. ລຽນ ທິແກ້ວ ລັດຖະມົນຕີກະຊວງ ກະສິກໍາ ແລະ ປ່າໄມ້, ທ່ານ ຊື ຊົງຮົວ ຜູ້ອໍານວຍການໃຫຍ່ ກຸ່ມບໍລິສັດ ພັດທະນາກະສິກໍາ ຢຸນນານ ສປປ ຈີນ ປະຈຳລາວ, ທ່ານ ວິໄລວັນ ພົມເຂ ປະທານສະມາຄົມຢາງພາລາລາວ ພ້ອມດ້ວຍບັນດາພາກສ່ວນທີ່ກ່ຽວຂ້ອງເຂົ້າຮ່ວມ;
(2) ກອງປະຊຸມສໍາມະນາໃນຄັ້ງນີ້ ແມ່ນເພື່ອປຶກສາບັນຫາກ່ຽວກັບຜູ້ປະກອບການ ແລະ ຊາວສ່ວນຢາງພາລາ ທີ່ພວມປະເຊີນຢູ່ໃນປັດຈຸບັນ ເປັນຕົ້ນແມ່ນລາຄາຢາງຕົກຕໍ່າ, ຂີດ ຫຼື ກີດຢາງອອກມາແລ້ວຂາຍບໍ່ອອກ, ຕະຫຼາດຮອງຮັບບໍ່ໝັ້ນທ່ຽງ, ຊາວສວນຢາງເກີດມີແນວຄິດຄອນແຄນ ມີທ່າອ່ຽງການຫັນປ່ຽນເນື້ອທີ່ດິນສວນໄປປູກພືດອື່ນໆຫຼາຍຂຶ້ນເຊັ່ນ: ປູກກ້ວຍ, ໝາກໜອດ ແລະອື່ນໆ;
(3) ໃນກອງປະຊຸມສໍາມະນາໃນຄັ້ງນີ້ ພ້ອມກັນປຶກສາຫາລື ກາລະໂອກາດທ່າອ່ຽງລວມຂອງຕະຫຼາດ ແລະ ລາຄາຢາງພາລາໃນພາກພື້ນ ແລະ ສາກົນ ລວມທັງວິທີການແກ້ໄຂໃນສະເພາະໜ້າ ແລະ ຍາວນານ;
(4) ປະຈຸບັນ ມີໂຮງງານປຸງແຕ່ງຢາງພາລາທີ່ຂຶ້ນທະບຽນທາງການມີທັງໝົດ 24 ແຫ່ງ, ເນື້ອທີ່ປູກທົ່ວປະເທດມີ 2,82 ແສນເຮັກຕາ, ໃນນີ້ຮູບແບບສໍາປະທານກວມເອົາ 46% ເນື້ອທີ່ສາມາດປາດຢາງໄດ້ໃນປີ 2016 ມີປະມານ 1,98 ແສນເຮັກຕາ, ໃນນີ້ ພາກເໜືອ 1,17 ແສນເຮັກຕາ, ພາກກາງ ມີ 38.000 ເຮັກຕາ ແລະ ພາກໃຕ້ມີ 48.000 ເຮັກຕາ;
(5) ຖ້າວ່າປະຊາຊົນຫາກໄດ້ປາດຢາງທັງໝົດທຸກຕົ້ນໃນເນື້ອທີ່ 1,17 ແສນເຮັກຕາ ຈະສາມາດໄດ້ຜົນຜະລິດຢາງພາລາປະມານ 309.150 ໂຕນ, ເນື່ອງຈາກວ່າ ປະຈຸບັນ ບັນຫາຢາງພາລາຢູ່ຕະຫຼາດ ແລະ ລາຄາຂອງຢາງພາລານີ້ ບໍ່ສະເພາະແຕ່ເປັນບັນຫາ ໃນ ສປປລາວ ເທົ່ານັ້ນ, ແຕ່ມັນຍັງເປັນບັນຫາ ຂອງພາກພື້ນ ແລະ ໃນໂລກອີກດ້ວຍ;
(6) ສະນັ້ນ, ກອງປະຊຸມໃນຄັ້ງນີ້ ຈຶ່ງໄດ້ເຊື່ອເຊີນເອົານັກຊ່ຽວຊານ, ນັກຄົ້ນຄວ້າ, ຜູ້ວາງນະໂຍບາຍ ແລະ ນັກທຸລະກິດທີ່ມີບົດຮຽນ ມີປະສົບການ ຈາກ ສປ ຈີນ ມາອະທິບາຍໃຫ້ຄວາມກ່ຽວກັບຢາງພາລາ;
(7) ຄຽງຄູກັບທ່າແຮງ ໃນການປູກຢາງພາລາ ພວກເຮົາຍັງມີສິ່ງທ້າທາຍຫຼາຍຢ່າງທີ່ຈະຕ້ອງໄດ້ຮັບການແກ້ໄຂໃຫ້ຂາດຕົວໄປ ເປັນຕົ້ນແມ່ນ:
1. ບັນຫາດ້ານຕະຫຼາດ ແລະ ລາຄາ,
2. ບັນຫາສີມືແຮງງານ,
3. ບັນຫາດ້ານປັບປຸງກໍາລັງການຜະລິດ, ດ້ານເຕັກນິກ, ມາດຖານຄຸນນະພາບຜົນຜະລິດ ແລະ ສະພາບແວດລ້ອມ;
(8) ຕ້ອງໄດ້ເອົາໃຈໃສ່ພັດທະນາວຽກງານໃນຂົງເຂດຢາງພາລາ ຢ່າງຄົບວົງຈອນ ແລະ ເອົາຈິງເອົາຈັງ

ພິທີສະເຫຼີມສະຫຼອງ ວັນອາຫານໂລກ 16 ຕຸລາ ສໍາລັບປີນີ້ໄດ້ຈັດຂຶ້ນ ທີ່ສະໜາມກິລາແຫ່ງຊາດ, ເມືອງ ໄຊຍະ, ແຂວງ ໄຊຍະບູລີ ເຊິ່ງກະຊວງກະສິກຳ ແລະ ປ່າໄມ້ ຮ່ວມກັບ ແຂວງ ໄຊຍະບູລີ, ອົງການອາຫານ ແລະ ການກະເສດ (FAO) ແລະ ອົງການສະຫະປະຊາຊາດ. ພາຍໃຕ້ການເປັນປະທານຂອງ ທ່ານ ປະລິນຍາເອກ ສອນໄຊ ສີພັນດອນ ຮອງນາຍົກລັດຖະ ມົນຕີ, ທ່ານ ປະລິນຍາເອກ ລຽນ ທີແກ້ວ ລັດຖະມົນຕີກະຊວງກະສິກຳ ແລະ ປ່າໄມ້, ທ່ານ ພົງສະຫວັນ ສິດທະວົງ ເຈົ້າແຂວງໆໄຊຍະບູລີ, ທ່ານ ນ. ຄາຣີນາ ອິມໂມເນນ ຜູ້ປະສານງານລະດັບຊາດຂອງອົງກການສະຫະປະຊາຊາດ (NUDP), ທ່ານ ດຣ ສະຕີເຟັນ ຣູດກາດ ຜູ້ຕາງໜ້າອົງການອາຫານ ແລະ ການກະເສດ ແຫ່ງສະຫະປະຊາຊາດ (FAO) ປະຈໍາ ສາທາລະນະລັດ ປະຊາທິປະໄຕ ປະຊາຊົນລາວ. ພ້ອມນີ້ຍັງມີທ່ານຫົວໜ້າກົມ, ຮອງກົມ, ພະແນກ ການອ້ອມຂ້າງແຂວງ ແລະ ພາກສ່ວນທີ່ກ່ຽວຂ້ອງອື່ນໆ ພ້ອມດ້ວຍພໍ່ແມ່ປະຊາຊົນແຂວງ ໄຊຍະບູລີ ເຂົ້າຮ່ວມ ຢ່າງພ້ອມພຽງ.

ການສະເຫຼີມສະຫຼອງວັນອາຫານໂລກໃນປີນີ້ ເປັນຄັ້ງທີ 36 (16 ຕຸລາ 1980-16 ຕຸລາ 2016) ທີ່ລາວເຮົາໄດ້ຈັດຂຶ້ນ ແລະ ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ຄົບຮອບ 23 ປີ (17-24 ຕຸລາ 1993-17-24 ຕຸລາ 2016) ພາຍໃຕ້ຫົວຂໍ້: “ການຜະລິດສະບຽງອາຫານ ແລະ ກະສິກຳ ຕ້ອງປັບຕົວໄປຕາມການປ່ຽນແປງຂອງດິນຟ້າອາກາດ”.

ໃນໂອກາດນີ້: ທ່ານເຈົ້າແຂວງໄດ້ເນັ້ນໜັກ: ໃຫ້ເຫັນກ່ຽວກັບຄວາມຕ້ອງການສຳລັບແຜນຍຸດທະສາດຂອງລັດຖະບານ ກ່ຽວກັບການພັດທະນາກະສິກຳ ແລະ ການແກ້ໄຂບັນຫາການປ່ຽນແປງດິນຟ້າອາກາດ ເຊິ່ງແຜນຍຸດທະສາດເຫຼົ່ານີ້ກໍ່ແມ່ນການຊ່ວຍເຫຼືອຊາວກະສິກອນຂະໜາດໜ້ອຍ, ທ່ານຜູ້ຕາງໜ້າອົງການອາຫານ ແລະ ການກະເສດໄດ້ເນັ້ນໜັກຕື່ມອີກໃຫ້ສະຫະປະຊາຊາດຊ່ວຍເຫຼືອກ່ຽວກັບ ການຫຼຸດຜ່ອນໄພພິບັດຈາກສະພາບອາກາດ ທີ່ສົ່ງຜົນກະທົບຕໍ່ການຜະລິດທາງດ້ານກະສິກຳ ຊຶ່ງກຳລັງທຳລາຍການຄ້ຳປະກັນສະບຽງອາຫານ ໃນ ສປປ ລາວ.

ທ່ານລັດຖະມົນຕີກະຊວງກະສິກຳ ແລະ ປ່າໄມ້ ທ່ານໄດ້ຍົກໃຫ້ເຫັນສະພາບຂອງ ສປປ ລາວ ໄດ້ຮັບຮອງເອົາເປົ້າໝາຍການພັດທະນາແບບຍືນຍົງ ເພື່ອຫຼຸດຜ່ອນຄວາມທຸກຍາກ ແລະ ໄພອຶດຫິວ ແລະ ການຕ້ານທານຕໍ່ການປ່ຽນແປງດິນຟ້າອາກາດ ແລະ ທ່ານຍັງໄດ້ຮຽກຮ້ອງໃຫ້ອົງການແນວລາວສ້າງຊາດ, ອົງການຈັດຕັ້ງມະຫາຊົນ, ອົງການປົກຄອງທ້ອງຖິ່ນທຸກຂັ້ນ ແລະ ອົງການຈັດຕັ້ງເສດຖະກິດ-ສັງຄົມຕ່າງໆ ສ້າງຂະບວນການເພື່ອເປັນການສະແດງພະລັງແຮງແຫ່ງຊາດ ສະໜັບສະໜູນກຂະບວນການຕໍ່ສູ້ກັບຄວາມທຸກຍາກ ແລະ ຕ້ານໄພອຶດຫິວໃຫ້ກວ້າງຂວາງ ດ້ວຍການປຸກ“ະດົມສົ່ງເສີມໃຫ້ມີການເຄື່ອນໄຫວກິດຈະກຳຕ່າງໆເປັນຂະບວນຕໍ່ເນື່ອງເຊັ່ນ: ການໂຮມຊຸມນຸມ, ຈັດຕັ້ງປະຖະກະຖາ, ສຳມະນາ, ຈັດງານກິລາ, ວັນນະຄະດີມວນຊົນ, ການວາງສະແດງ, ການອອກແຮງງານລວມ ແລະ ກິດຈະກຳອື່ນໆທີ່ເຫັນວ່າເໝາະສົມດ້ວຍຈິດໃຈປະຢັດມັດທະຍັດ, ຖືເອົາເນື້ອໃນເປັນຕົ້ນຕໍ, ຮູບການເປັນສຳຄັນ ພ້ອມທັງມີສະຕິລະວັງຕົວສູງ ແລະ ຮັບປະກັນໃຫ້ມີຄວາມສະຫງົບ ເປັນລະບຽບ ຮຽບຮ້ອຍໃນສັງຄົມ.

ໃນພິທີຍັງມີຂະບວນການຍ່າງເພື່ອສຸຂະພາບ, ການສະແດງສິນລະປະວັນນະຄະດີ, ການສະແດງຂອງຊ້າງ, ບຸດວາງສະແດງຜົນງານຂອງບັນດາກົມອ້ອມຂ້າງກະຊວງກະສິກຳ ແລະ ປ່າໄມ້, ພະແນກກະສິກຳ ແລະ ປ່າໄມ້ແຂວງ ໄຊຍະບູລີ, ບັນດາໂຄງ ການທີ່ຂຶ້ນກັບກະຊວງກະສິກຳ ແລະ ປ່າໄມ້, ຜູ້ປະກອບການ ແລະ ປະຊາຊົນເມືອງຕ່າງໆອ້ອມຂ້າງແຂວງໄຊຍະບູລີ ເຊິ່ງຜະລິດຕະພັນທີ່ນຳມາວາງສະແດງມີ: ແນວພັນພືດ, ແນວພັນສັດ, ຜະລິດຕະພັນໄມ້ແປຮູບ ແລະ ອື່ນໆ

ໃນວັນທີ 02 ກຸມພາ 2016 ທີ່ສະໂມສອນຂອງ ກະຊວງກະສິກໍາ ແລະ ປ່າໄມ້ໄດ້ມີການເປີດໂຕເວັບໄຊຂອງ ກະຊວງກະສິກຳ ແລະ ປ່າໄມ້ ຢ່າງເປັນທາງການຂື້ນ ພາຍໃຕ້ການເປັນປະທານຂອງ ທ່ານ ດຣ. ພວງປາຣິສັກ ປຣະວົງວຽງຄຳ, ລັດຖະມົນຕີຊ່ວຍວ່າການ ກະຊວງ ກະສິກຳ ແລະ ປ່າໄມ້ ທັງເປັນຄະນະຊີ້ນໍາວຽກງານຂໍ້ມູນຂ່າວສານໄອຊີທີຂອງກະຊວງ ເປັນຜູ້ກົດປຸ່ມເປີດເວັບໄຊ ຢ່າງເປັນທາງການ ພ້ອມດ້ວຍຄະນະກົມ, ຮອງກົມ, ກະຊວງອ້ອມຂ້າງ ແລະ ຄະນະວິຊາການ ທີ່ກ່ຽວຂ້ອງ ເຂົ້າຮ່ວມຫລາຍກ່ວາ 35 ທ່ານ. ເວັບໄຊກະຊວງ ແມ່ນເພື່ອເປັນບ່ອນເຊື່ອມໂຍງບັນດາລະບົບຂໍ້ມູນຂ່າວສານ ທີ່ກ່ຽວຂ້ອງກັບກະສິກຳ ແລະ ປ່າໄມ້ໃນລາວທີມີຢູ່ເຂົ້າໄວ້ນຳກັນເພື່ອໃຫ້ຜູ້ຊົມໃຊ້ສາມາດເຂົ້າເຖິ່ງໄດ້ງ່າຍ ແລະ ເປັນແຫລ່ງຂໍ້ມູນຂ່າວສານທີ່ເປັນທາງການ ຂອງວຽກງານການພັດທະນາກະສິກໍາເປັນບ່ອນສັງລວມ ແລະເຜີຍແຜ່ ບັນດາຂໍ້ມູນຂ່າວສານກ່ຽວກັບກະສິກຳໃນລາວ ແລະ ເປັນອີກບ່ອນໜຶ່ງໃນການຖ່າຍທອດບັນດາຄວາມຮູ້ແລະ ເຕັກໂນໂລຍີການຜະລິດກະສິກຳເພື່ອໃຫ້ສັງຄົມສາມາດເຂົ້າໄປນຳໃຊ້ໄດ້ງ່າຍ ແລະ ເປັນບ່ອນໂຄສະນາວຽກງານແລະພ້ອມທັງຊ່ວຍໃນການປະສານງານ ໃຫ້ແກ່ອົງການຈັດຕັ້ງທີຂຶ້ນກັບ ກໍ່ຄື ກົມ ພະແນກ ສູນ ໂຄງການຕ່າງໆ ໃນການເປີດໂຕເວັບໄຊຂອງ ກະຊວງກະສິກຳ ແລະ ປ່າໄມ້ ຄັ້ງນີ້ ທ່ານ ດຣ ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳແລະປ່າໄມ້ ໄດ້ຂື້ນນໍາສະເໜີແຜນການຈັດຕັ້ງວຽກງານການພັດທະນາລະບົບຂໍ້ມູນຂ່າວສານໄອຊີທີ ຂອງກະຊວງ  ທີ່ຜ່ານມາ ແລະ ໃນຕໍ່ໜ້າເພືອໃຫ້ເປັນໄປຕາມທິດຊີ້ນໍາຂອງຂັນເທິງໃຫ້ໄດ້ຮັບໝາກຜົນແລະມີປະສິດທິພາບ. ນອກຈາກນີ້ ທ່ານ ມະໂນລັກ ບຸນສີຫາລາດ ຮອງຫົວໜ້າສູນຄົ້ນຄ້ວານະໂຍບາຍກະສິກຳ ແລະ ປ່າໄມ້ ໃນນາມຫົວໜ້າກອງເລຂາຊີ້ນໍາວຽກງານຂໍ້ມູນຂ່າວສານໄອຊີທີຂອງກະຊວງ ໄດ້ໃຫ້ການສາທິດການນໍາໃຊ້ເວັບໄຊຂອງກະຊວງເພື່ອເປັນການໂຄສະນາ ແລະ ປະກາດໃນການນໍາໃຊ້ຂອງທີຢູ່ທາງເວັບໄຊກະຊວງກະສິກຳ ແລະ ປ່າໄມ້ ເພື່ອບໍ່ໃຫ້ເກີດຄວາມສັບສົນໃນການເຂົ້າຫາແຫລ່ງຂໍ້ມູນຂອງຜຸ້ຊົມໃຊ້ ຈົນຮອດຜູ້ທີຕ້ອງການເຜີຍແຜ່ຂໍ້ມູນອອກສູ່ຂ້າງ ຈະໄດ້ມີ ບ່ອນໃນການໂຄສະນາເຜີຍແຜ່ຢ່າງເປັນທາງການ ທາງດ້ານວຽກງານຂໍ້ມູນຂ່າວສານ ກະສິກຳແລະປ່າໄມ້ ຂອງລາວເຮົາ