ໃນວັນທີ 31 ສິງຫາ 2023 ສູນຄົ້ນຄວ້າປ່າໄມ້, ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ, ກະຊວງກະສິກຳ ແລະ ປ່າໄມ້ ຮ່ວມກັບ ອົງການກອງທຶນອະນຸລັກທຳມະຊາດໂລກປະຈໍາລາວ(WWF – Laos) ໄດ້ຈັດກອງປະຊຸມ ລາຍງານຜົນສຳເລັດຂອງການຈັດຕັ້ງປະຕິບັດກິດຈະກໍາໂຄງການ ຜະລິດ ແລະ ເກັບກູ້ຫວາຍ-ໄມ້ປ່ອງແບບຍືນຍົງໄລຍະ 6  ແລະ ປິດໂຄງການ ຂຶ້ນທີ່ຫ້ອງປະຊຸມຫ້ອງວ່າການປົກຄອງເມືອງ ລະມາມ, ແຂວງ ເຊກອງ, ໃຫ້ກຽດເປັນປະທານຮ່ວມຂອງທ່ານ ປອ ນາງ ໃຈ ບຸນພະນຸໄຊ ຫົວໜ້າສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ, ທ່ານ ຄຳພັນ ພະສະແຫວງ ຮອງຫົວໜ້າພະແນກ ກະສິກຳ ແລະ ປ່າໄມ້ ແຂວງ ເຊກອງ ແລະ ທ່ານ ລໍຣິສ ປາເລນຕີນີ ຫົວໜ້າອົງການກອງທຶນອະນຸລັກທຳມະຊາດໂລກປະຈໍາລາວ(WWF – Laos) ມີຜູ້ເຂົ້າຮ່ວມທັງໝົດ ຈຳນວນ 47 ໃນນັ້ນ ມີຍິງ 4 ທ່ານ, ຊຶ່ງມາຈາກກະຊວງ ການຕ່າງປະເທດ, ກົມປ່າໄມ້,  ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ, ສູນຄົ້ນຄວ້າປ່າໄມ້,ອົງການກອງທຶນອະນຸລັກທຳມະຊາດໂລກ (WWF) ,  ຄະນະຊີ້ນຳໂຄງການຂັ້ນແຂວງ, ຂັ້ນເມືອງຈາກ 7 ເມືອງ ຢູ່ໃນ 3 ແຂວງ (ແຂວງ ບໍລິຄຳໄຊ, ເຊກອງ ແລະ ສາລະວັນ), ຜູ້ປະສານງານໂຄງການຂັ້ນສູນກາງ, ຂັ້ນແຂວງ, ຂັ້ນເມືອງ, ແລະ ອົງການຈັດຕັ້ງທາງສັງຄົມ (ສະມາຄົມອະນຸລັກສິ່ງແວດລ້ອມ ແລະ ສ້າງຄວາມເຂັັ້ມແຂງໃຫ້ຊຸມຊົນ (ສອສຊ).

ຈຸດປະສົງເພື່ອສະຫຼຸບລາຍງານຜົນສຳເລັດ ແລະ ປິດໂຄງການຜະລິດ ແລະ ເກັບກູ້ຫວາຍ -ໄມ້ປ່ອງແບບຍືນຍົງໄລຍະ VI (ປີ 2022 ຫາ ປີ 2023).

ໂຄງການຜະລິດ ແລະ ເກັບກູ້ຫວາຍ-ໄມ້ປ່ອງແບບຍືນຍົງໄລະຍະ VI ແມ່ນໄດ້ຈັດຕັ້ງປະຕິບັດຢູ່ 30 ບ້ານ, ໃນ 7 ເມືອງ 3 ແຂວງຄື: ແຂວງ ບໍລິຄໍາໄຊ, ເຊກອງ ແລະ ສາລະວັນ, ໄດ້ຮັບທຶນສະໜັບສະໜູນຈາກອົງການກອງທຶນອະນຸຮັກທຳມະຊາດໂລກປະຈຳ ສປປ ລາວ (WWF-Laos), ບໍລິສັດ IKEA ແລະ ອົງການ SIDA ເພື່ອສືຕໍ່ຈັດຕັ້ງປະຕິບັດໂຄງການຜະລິດ ແລະ ເກັບກູ້ຫວາຍ-ໄມ້ປ່ອງແບບຍືນຍົງໄລຍະ VI (ປີ 2022 ຫາ ປີ 2023) ຊຶ່ງມີມູນຄ່າໂຄງການທັງໝົດຈຳນວນ 321,800ໂດລາ ສະຫະລັດ, ໂຄງການຜະລິດ ແລະ ເກັບກູ້ຫວາຍ-ໄມ້ປ່ອງ ແບບຍືນຍົງໄດ້ເລີ້ມຈັດຕັ້ງປະຕິບັດແຕ່ປີ 2006 ເປັນຕົ້ນມາຈົນຮອດປະຈຸບັນ (ເປັນໄລຍະເວລາທັງໝົດ 18 ປີ ລວມທັງໝົດ ມີ  6ໄລຍະ). ໂຄງການຜະລິດ ແລະ ເກັບກູ້ຫວາຍ-ໄມ້ປ່ອງ ແບບຍືນຍົງໄລຍະ VI ນີ້ ແມ່ນໄດ້ເລີ້ມແຕ່ ເດືອນ ເມສາ ປີ 2022 ຫາ ເດືອນ ສິງຫາ 2023 (1 ປີ 5 ເດືອນ) ຊຶ່ງເຫັນວ່າມີຫລາຍກິດຈະກໍາ ທີ່ ໄດ້ປະສົບຜົນສຳເລັດ ເປັນຢ່າງດີເຊັ່ນ:

• ວຽກງານທີ 1: ການຄຸ້ມຄອງຈັດສັນປ່າຫວາຍແບບຍືນຍົງ: ສຳເລັດການຈັດສັນຄຸ້ມຄອງຫວາຍ-ໄມ້ປ່ອງໃນເນື້ອທີ່ ໃນໄດ້ເພີ້ມ 1,000 ເຮັກຕາ ລວມທັງໝົດ 30.500 ກວ່າ ເຮັກຕາ ໃນ 30 ບ້ານເປົ້າໝາຍ.
• ໃນວຽກງານ ທີ 2: ການສົ່ງເສີມຄວາມຍືນຍົງ ແລະ ຄວາມຖືກຕ້ອງຕາມລະບຽບກົດໝາຍ ຂອງລະບົບຕ່ອງໂສ້ ການ ສະໜອງຫວາຍ ແລະ ໄມ້ປ່ອງ ແລະ ເຊື່ອມໂຍງກັບຕະຫຼາດ

ໃນວຽກງານນີ້ ແມ່ນແນ່ໃສ່ການສົ່ງເສີມ ການເກັບກູ້ຫວາຍຈາກແຫລ່ງທີ່ມີການຄຸ້ມຄອງຈັດສັນ, ມີແຜນການເກັບກູ້ ໃນແຕ່ລະປີ ໃຫ້ມີຄວາມຍຶນຍົງ ແລະ ບໍ່ໃຫ້ບົກແຫ້ງ ແລະ ການ ສະໜອງຫວາຍ-ໄມ້ປ່ອງຢ່າງຖືກຕ້ອງ ຕາມລະບຽບການ. ນອກນີ້ ຍັງມີການພັດທະນາ ຕ່ອງໂສ້ມູນຄ່າ ພ້ອມທັງການເຊື່ອມໂຍງທຸລະກິດ ລະຫວ່າງກຸ່ມຫັດຖະກຳຫວາຍ ແລະ ໄມ້ປ່ອງ ເພື່ອເຮັດໃຫ້ທຸລະກິດຫວາຍ ແລະ ໄມ້ປ່ອງມີຄວາມຍືນຍົງ ແລະ ມີການຂະຫຍາຍຕົວ ຊຶ່ງເຫັນໄດ້ວ່າ ມີຫລາຍກວ່າ 8 ຜະລິດຕະພັນ ໄດ້ມີການເຊື່ອມໂຍງທຸລະກິດລະຫວ່າງກຸ່ມຫັດຖະກຳຫວາຍ ໄມ້ປ່ອງ ແລະ ຜູ້ປະກອບການ.

• ວຽກງານທີ 3: ການສະໜັບສະໜູນການດຳລົງຊີວິດແບບຍືນຍົງ ແລະ ທົນຕໍ່ກັບສະພາບອາກາດໂດຍຜ່ານການປັບປຸງ ການຄຸ້ມຄອງຈັດສັນປ່າໄມ້ ແລະ ການເພີ້ມພູນ ທັກສະໃນການຜະລິດເຮັດຜະລິດຕະພັນຫວາຍ ແລະ ໄມ້ປ່ອງ, ເພື່ອເຮັດໃຫ້ຊາວບ້ານຢາກມີຄວາມຮັກສາປ່າຫວາຍ-ໄມ້ປ່ອງຂອງຂະເຈົ້າເອງ:

ຄຽງຄູ່ກັບ ການຄຸ້ມຄອງ ປົກປັກຮັກສາ ປ່າຫວາຍ ແລະ ໄມ້ປ່າໃນທຳມະຊາດແລ້ວ ທາງໂຄງການຍັງໄດ້ສະໜັບສະໜູນ ການປັບປຸງຊີວິດການຢູ່ຂອງຊາວບ້ານ ໂດຍແນ່ເສີມສ້າງຄວາມສາມາດໃຫ້ແກ່ຊາວບ້ານໃນ ການເກັບກູ້ຫວາຍ ແລະ ເຄື່ອງປ່າຂອງດົງແບບຍືນຍົງ, ການແປຮູບ ແລະ ການຈັກສານຫວາຍ, ໄມ້ປ່ອງ ແລະ ເຄື່ອງປ່າຂອງດົງ ທີ່ເປັນທ່າແຮງໃນການສ້າງລາຍຮັບໃຫ້ແກ່ຊາວບ້ານ. ຫລາຍກວ່າ 1.500 ຄອບຄົວ ຢູ່ບ້ານເປົ້າໝາຍຂອງໂຄງການສາມາດ ສ້າງລາຍຮັບ ຈາກບັນດາກິດຈະກຳຕ່າງໆ ຂອງໂຄງການ ຢູ່ 30 ບ້ານເປົ້າໝາຍ ໃນ 3 ແຂວງ ໃນປີ 2023, ໃນນັ້ນ ມີ 340 ຄອບຄົວ ສ້າງລາຍຮັບຈາກ ການຈັກສານ ທັງຜະລິດຕະພັນ ສຳເລັດຮູບ ແລະ ເຄີ່ງສຳເລັດຮູບ ສະໜອງ ໃຫ້ແກ່ຜູ້ປະກອບການ ແລະ ບັນດາຫ້າງຮ້ານຂາຍເຄື່ອງຫັດຖະກຳຕ່າງໆຢູ່ນະຄອນຫລວງວຽງຈັນ ແລະ ແຂວງອຶ່ນໆ. ນອກນັ້ນຍັງໄດ້ລາຍຮັບໃຫ້ຊາວບ້ານ ຈາກການປູກຫວາຍເອົາຍອດ ແລະ ການເກັບກູ້ ເຄື່ອງປ່າຂອງດົງ.

• ວຽກງານທີ 4: ການສຶກສາ ວິເຄາະ ບັນຫາ ຂໍ້ຫຍຸ້ງຍາກ ແລະ ກາລະໂອກາດ ໃນການພັດທະນາ ຕ່ອງໂສ້ມູນຄ່າເພີ່ມຫວາຍໃນລາວຢ່າງຮອບດ້ານ ເພື່ອເປັນການສະໜັບໜູນ ໃນການສ້າງແຜນງານ ແລະ ໂຄງການ ເພື່ອພັດທະນາ ປັບປຸງ ແກ້ໄຂ ຂໍ້ຫຍຸ້ງຍາກ ໃນຕໍ່ໜ້າ ແລະ ເພື່ອການເຕີບໃຫ່ຽຂະຫຍາຍ ຂອງຂະແໜງການຫວາຍ ແລະ ໄມ້ປ່ອງ ໃນ ສປປ ລາວ. ພ້ອມທັງປະກອບຄຳເຫັນຕໍ່ບົດສະຫຼຸບຜົນສຳເລັດຂອງໂຄງການ. ກອງປະຊຸມໄດ້ດຳເນີນໄປດ້ວຍບັນຍາກາດອັນຟົດຟື້ນ ແລະ ໄດ້ປິດລົງໃນເວລາ 12:00 ໂມງ ໃນວັນດຽວກັນ.

ພາບ-ຂ່າວໂດຍ: ຈັນທະສອນ ມະນີວົງ,

ສູນຂໍ້ມູນຂ່າວສານກະສິກຳ ແລະ ປ່າໄມ້

          ໃນຕອນເຊົ້າຂອງວັນທີ 18/08/2023 ເວລາ 8:00 ໂມງ ທີ່ຜ່ານມານີ້ ທີ່ຫ້ອງປະຊຸມຂອງສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ເປີດກອງປະຊຸມປະເມີນການກໍ່ສ້າງນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງ   ໜ່ວຍສູນຄົ້ນຄວ້ນພືດຜັກ ແລະ ໄມ້ໃຫ້ໝາກ ປະຈໍາປີ 2023, ໂດຍການເປັນປະທານຂອງ ສະຫາຍ ໄພທູນ ມູນເສນາ ຮອງເລຂາໜ່ວຍພັກ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ກອງປະຊຸມມີສະມາຊິກພັກເຂົ້າຮ່ວມທັງໝົດ 13 ສະຫາຍ, ຍິງ 5 ສະຫາຍ, ສໍາຮອງ 2 ສະຫາຍ ຍິງ 1 ສະຫາຍ ຈຸດປະສົ່ງ ເພື່ອປະເມີນການກໍ່ສ້າງ ໜ່ວຍພັກ, ປອດໃສ, ເຂັ້ມແຂງໜັກແໜ້ນໃນໄລຍະ 1 ປີ ຜ່ານມາຂອງສະມາຊິກພັກ ໜ່ວຍສູນຄົ້ນຄວ້າພືດຜັກ ແລະ ໄມ້ໃຫ້ໝາກ.

ກອງປະຊຸມໄດ້ດໍາເນີນໄປຕາມວາລະ ໂດຍເລິ່ມຈາກການລາຍງານຜົນສໍາເລັດຂອງກາານຈັດຕັ້ງປະຕິບັດການກໍ່ສ້າງໜ່ວຍ ພັກປອດໃສ, ເຂັ້ມແຂງ, ໜັກແໜ້ນ ຂອງສະຫາຍ ໄພທູນ ມູນເສນາ ຮອງເລຂາໜ່ວຍພັກ ຈາກນັ້ນກໍ່ໄດ້ເປີດກວ້າງໃຫ້ແຕ່ລະສະຫາຍປະກອບຄໍາຄິດເຫັນໃສ່ບົດລາຍງານຢ່າງກົງໄປກົງມາ ແລະ ກອງປະຊຸມກໍ່ເຫັນດີເປັນເອກະພາບສູງຕໍ່ກັບບົດລາຍງານ. ຈາກນັ້ນ, ສະຫາຍ ໄພທູນ ມູນເສນາ ຮອງເລຂາໜ່ວຍພັກ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ໃຫ້ທິດຊີ້ນໍາໃນການດໍາເນີນການປະເມີນ ແລະ ໃຫ້ຄະແນນເຊິ່ງກັນ ແລະ ກັນ ໂດຍສະຫາຍຍັງໄດ້ເນັ້ນຢໍ້າໃຫ້ແຕ່ລະສະຫາຍປະກອບຄໍາຄິດເຫັນຊ່ອງແສງເຊິ່ງກັນ ແລະ ກັນຢ່າງກົງໄປກົງມາ ເພື່ອສືບ ຕໍ່ການຈັດຕັ້ງປະຕິບັດບັນດາວຽກງານທີ່ໄດ້ຮັບຜົນສໍາເລັດ ແລະ ປັບປຸງແກ້ໄຂບັນດາຈຸດອ່ອນຂໍ້ຄົງຄ້າງ. ຈາກນັ້ນ,  ສະຫາຍ ໄພທູນ ມູນເສນາ ເລຂາໜ່ວຍພັກ ໜ່ວຍສູນຄົ້ນຄວ້າພືດຜັກ ແລະ ໄມ້ໃຫ້ໝາກ ຍັງໄດ້ອະທິບາຍລາຍລະອຽດຂອງເນື້ອໃນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ບົນຫຼັກການ 5 ດ້ານ ຄື: 1) ດ້ານຄຸນທາດການເມືອງ, ຄຸນສົມບັດສິນທໍາປະຕິວັດ  2) ດ້ານແນວຄິດ, 3) ດ້ານສະຕິຕໍ່ການຈັດຕັ້ງ ແລະ ການປະຕິ ບັດກົດລະບຽບຂອງພັກ , 4) ດ້ານແບແຜນນຳພາ ແລະ ວິທີເຮັດວຽກ 5) ດ້ານຄວາມຮັບຜິດຊອບໜ້າທີ່ການເມືອງ ເພື່ອເປັນບ່ອນອ້າງອີງໃນການປະເມີນໂດຍຕິດພັນກັບການຮ່ວມຊີວິດພາຍໃນອົງກອນ ແລະ ການຈັດຕັ້ງປະຕິບັດໜ້າທີ່ຮັບຜິດຂອງບັນດາສະມາຊິກພັກພາຍໃນໜ່ວຍ. ກອງປະຊຸມໄດ້ດໍາເນີນໄປດ້ວຍບັນຍາກາດອັນດີ, ມີການປະ ກອບຄໍາຄິດຄໍາເຫັນ ຕໍານິສົ່ງຂ່າວເຊິ່ງກັນ ແລະ ກັນຢ່າງເປັນຂະບວນຟົດຟື້ນໄດ້ທັງບັນຍາກາດ ແລະ ເນື້ອໃນ ເພື່ອໃຫ້ແຕ່ລະສະຫາຍໄດ້ນໍາເອົາຄໍາຄິດເຫັນ ແລະ ຂໍ້ສະເໜີແນະນໍາໄປປັບປຸງບັນດາຈຸດອ່ອນຂອງຕົນ ແລະ ພັດທະນາຕົວເອງໃນຕໍ່ໜ້າ. ຜົນຂອງການປະເມີນເຫັນວ່າມີປະເພດແຂງ 11 ສະຫາຍ, ຍິງ 4 ສະຫາຍ,  ປະເພດກາງ 2 ສະຫາຍ, ຍິງ 1 ສະຫາຍ ແລະ ໃນຕອນທ້າຍຂອງກອງປະຊຸມ ສະຫາຍ ໄພທູນ ມູນເສນາ ຍັງໄດ້ເນັ້ນໜັກໃຫ້ສະ ມາຊິກພັກສຳຮອງທັງ 2 ສະຫາຍ ໄດ້ເອົາໃຈໃສ່ໃນການປະຕິບັດວຽກງານທີ່ໄດ້ຮັບມອບໝາຍໃຫ້ປະສົບຜົນສໍາເລັດ ແລະ  ກອງປະຊຸມໄດ້ປິດລົງໃນ ເວລາ 12 :00 ໂມງ ດ້ວຍສໍາເລັດອັນຈົບງົບງາມ.

ຮຽບຮຽງໂດຍ: ນາລີ ແສງອຸ່ນແກ້ວ

             ສູນຄົ້ນຄວ້າພືດຜັກ ແລະ ໄມ້ໃຫ້ໝາກ

         ພືດຜັກມີຄວາມສຳຄັນທາງດ້ານເສດຖະກິດ, ມີຄຸນຄ່າທາງດ້ານໂພສະນາການສູ, ງມີວິຕະມິນ ແລະແຮ່ທາດຕ່າງໆທີ່ເປັນປະໂຫຍດຕໍ່ຮ່າງກາຍ. ນອກຈາກນັ້ນການປູກພືດຜັກ ເປັນການໃຊ້ປະໂຫຍດພື້ນທີ່ດິນ, ທີ່ໃຫ້ຜົນຕອບແທນສູງການຜະລິດພືດຜັກເປັນສິນຄ້າແມ່ນໜຶ່ງໃນກິດຈະກໍາທີ່ນອນໃນນະໂຍບາຍຂອງລັດຖະບານ ແລະ ຕອບສະໜອງກັບວາລະແຫ່ງຊາດ ໃນການສົ່ງເສີມຊາວກະສິກອນຂະໜາດນ້ອຍຜະລິດພືດຜັກ ເພື່ອຄໍ່າປະກັນສະບຽງອາຫານ ແລະ ເປັນສິນຄ່າສົ່ງອອກ ເພື່ອຫຼຸດຜ່ອນການນໍາເຂົ້າ ແລະ ຫຼຸດຜ່ອນອັດຕາເງີນເຟີ້,ບ້ານ ປົ່ງ,  ເມືອງຊະນະຄາມ, ແຂວງວຽງຈັນ ເປັນເມືອງໜຶ່ງທີ່ ມີມູນເຊື້ອດຸໝັ່ນ ແລະ ຕິດພັນກັບການກະສິກໍາ ໂດຍສະເພາະແມ່ນການປູກຜັກເປັນສິນຄ້າກວມເອົາ 87% ຂອງປະຊາການໃນບ້ານ, ໂດຍສາມາດຕອບສະໜອງຜະລິດຕະພັນພຶດຜັກທັງພາຍໃນເມືອງ ແລະ ສົງອອກຂາຍໃນຕະຫຼາດຂະໜາດໃຫ່ຍຫຼາຍແຫ່ງໃນນະຄອນຫຼວງວຽງຈັນ.     ໃນວັນທີ່ 17 ສິງຫາ 2023 ທີ່ຜ່ານມານີ້  ທາງທີມງານສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ທີ່ຂື້ນກັບສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ຮ່ວມກັບໂຄງການພັດທະນາເຕັກນິກການປັບປຸງພັນພືດຜັກຢູ່ ສປປ ລາວ (AFACI_Breeding) ໄດ້ຈັດຝຶກອົບຮົມໃນຫົວຂໍ້ ການເພິ່ມລາຍຮັບໃຫ້ແກຊາວກະສິກອນຂະໜາດນ້ອຍໂດຍການນໍາໃຊ້ແນວພັນ ແລະ ເຕັກນິກທີເໝາະສົມເຂົ້າການຜະລິດຜັກໃຫ້ເປັນສິນຄ້າໃຫ້ແກ່ຊາວກະສິກອນ ບ້ານຕົວແບບການຜະລິດພືດຜັກໃນເຮືອນຮົ່ມເປັນສິນຄ້າ, ບ້ານ ປົ່ງ, ເມືອງຊະນະຄາມ, ແຂວງວຽງຈັນ ໂດຍການເປັນປະທານຮ່ວມຂອງ ທ່ານ ວັນນະລີ ໄຊສົງຄາມ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງຊະນະຄາມ ແລະ  ປອ ທອງຄູນ ສີສະໄພທອງ ຜູ້ປະຈໍາການ ຫົວໜ້າສູນຄົ້ນຄວ້າພືດຜັກ ແລະ ໄມ້ໃຫ້ໝາກ ເຊິ່ງມີຜູ້ເຂົ້າຮ່ວມຈາກຫຼາຍພາກສ່ວນເຊັ່ນ: ຫ້ອງການກະສິກໍາ ແລະ ປ່າໄມ້ ເມືອງ, ນາຍບ້ານ ພ້ອມດ້ວຍຊາວກະສິກອນ ບ້ານປົ່ງ ແລະ ທີມງານຂອງສູນຄົ້ນຄວ້າພືດຜັກ ແລະ ໄມ້ໃຫ້    ໝາກ ລວມທັງໝົດຈໍານວນ  30 ທ່ານ, ຍິງ 17 ທ່ານ, ເຊິ່ງການຝຶກອົບຮົມໄດ້ເນັ້ນໃສ່ການນໍາໃຊ້ແນວພັນ ແລະ ເຕັກນິກ ໃໝ່ເຂົ້າໃນການຜະລິດເພື່ອເພິ່ມຜົນຜະລິດ ແລະ ຫຼຸດຕົ້ນທຶນການຜະລິດ ເພື່ອເຮັດໃຫ້ຊາວກະສິກອນມີລາຍຮັບເພິ່ມຂຶ້ນ ໂດຍສະເພາະການຜະລິດໃນຊວ່ງລະດູຝົນ. ເພື່ອເປັນການສົງເສີມຊາວກະສິກອນໃນການນໍາໃຊ້ແນວພັນພືດຜັກທີ່ເປັນຜະລິດຕະພັນຂອງລາວ, ທາງສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ທີ່ຂື້ນກັບສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ມອບປັດໃຈການຜະລິດເຊັ້ນ: ອຸປະກອນເຮືອນຮົ່ມແບບຕ່າງລະດັບ ຈໍານວນ 3 ຫຼັງ ແລະ ແນວພັນຜັກຈໍານວນໜຶ່ງໃຫ້ກັບຊາວກະສິກອນ ລວມທັງໝົດ ຈໍານວນ 20 ກິໂລກຼາມ, ລວມມູນຄ້າທັງໝົດແມ່ນ 17,960,000 ກີບ, ໂດຍການກ່າວມອບຂອງ ທ່ານ ປອ ທອງຄູນ ສີສະໄພທອງ ຜູ້ປະຈໍາການ ຫົວໜ້າສູນຄົ້ນຄວ້າພືດຜັກ ແລະ ໄມ້ໃຫ້ໝາກ ແລະ  ກ່າວຮັບໂດຍທ່ານ ສົມພົງ ຕ່າງໜ້າກຸ່ມຜະລິດພືດຜັກບ້ານ ປົ່ງ ເປັນຜູ້ກ່າວຮັບ ເພື່ອນໍາໄປຜັນຂະຫຍາຍ ແລະ ນໍາໃຊ້ເຂົ້າໃນການຜະລິດຜັກໃຫ້ເປັນສິນຄ້າ, ຄໍາປະກັນສະບຽງອາຫານ ແລະ ເປັນການຫຼຸດຜ່ອນການນໍາເຂົ້້າພືດຜັກຈາກຕ່າງປະເທດໃນອະນາຄົດ.

ຂຽນ ແລະ ຮຽບຮຽງໂດຍ:   ຕີ ວິໄລພັນ

ເບີໂທລະສັບ: 020 58837887, ອີເມວ: teevlp@yahoo.com, teevlphhrc@gmail.com

ກຸ່ມວຽກຄົ້ນຄວ້າພືດຜັກ, ສູນຄົ້ນຄວ້າພືດຜັກ ແລະ ໄມ້ໃຫ້ໝາກ

          ໃນຕອນເຊົ້າຂອງວັນທີ 15/08/2023 ເວລາ 8:00 ໂມງ ທີ່ຜ່ານມານີ້ ທີ່ຫ້ອງປະຊຸມຂອງສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດຂໍ້ແຂງຂັນ 5 ເປັນເຈົ້າ ຂອງໜ່ວຍ ກໍາມະບານ ສູນຄົ້ນຄວ້ນພືດຜັກ ແລະ ໄມ້ໃຫ້ໝາກ ປະຈໍາປີ 2023, ໂດຍການເປັນປະທານຮ່ວມຂອງ ສະຫາຍ ໄພທູນ ມູນເສນາ ຮອງເລຂາໜ່ວຍພັກ ຜູ້ຊີ້ນໍາວຽກ 3 ອົງການຈັດຕັ້ງມະຫາຊົນ, ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ແລະ ທ່ານ ດັດສະກອນ ຫົງສີວິໄລ ປະທານກໍາມະບານ ໜ່ວຍສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ເຊິ່ງກອງປະຊຸມມີສະມາຊິກກໍາມະບານເຂົ້າຮ່ວມທັງໝົດ 23 ສະຫາຍ, ຍິງ 10 ສະຫາຍ. ຈຸດປະສົ່ງ ເພື່ອປະເມີນ ແລະ ຕີລາຄາຜົນງານການຈັດຕັ້ງປະຕິບັດຂໍ້ແຂງຂັນ 5 ເປັນເຈົ້າ ໃນໄລຍະ 1 ປີ ຜ່ານມາ ຂອງສະມາຊິກກໍາມະບານ     ໜ່ວຍສູນຄົ້ນຄວ້າພືດຜັກ ແລະ ໄມ້ໃຫ້ໝາກ. ກອງປະຊຸມໄດ້ດໍາເນີນໄປຕາມວາລະ ໂດຍເລິ່ມຈາກນໍາສະເໜີຜົນສໍາເລັດຂອງການຈັດຕັ້ງປະຕິບັດຂໍ້ແຂງຂັນ 5 ເປັນເຈົ້າ ໃນໄລຍະຜ່ານມາ ແລະ ໄດ້ເປີດໂອກາດໃຫ້ແຕ່ລະທ່ານປະກອບຄໍາຄິດຄໍາເຫັນໃສ່ເນື້ອຂອງບົດລາຍງານ ແລະ ກອງປະຊຸມເຫັນດີເປັນເອກະພາບສູງຕໍ່ຜົນສໍາເລັດຂອງການຈັດຕັ້ງປະຕິບັດຂໍ້ແຂງຂັນ 5 ເປັນເຈົ້າ ໃນໄລຍະ 1 ປີຜ່ານມາ, ພ້ອມນັ້ນ ປະທານກໍາມະບານຂອງສູນໄດ້ນໍາສະ  ເໜີວິທີການຕີລາຄາໃຫ້ຄະແນນແຕ່ລະສະຫາຍ, ຈາກນັ້ນ, ສະຫາຍ ໄພທູນ ມູນເສນາ ຮອງເລຂາໜ່ວຍພັກ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ໃຫ້ທິດຊີ້ນໍາໃນການດໍາເນີນການຈັດຕັ້ງປະຕິບັດການຕີລາຄາ ແລະ ການໃຫ້ຄະແນນ ໂດຍທ່ານຍັງໄດ້ເນັ້ນຢໍ້າໃຫ້ແຕ່ລະສະຫາຍປະກອບຄໍາຄິດເຫັນຊ່ອງແສງເຊິ່ງກັນ ແລະ ກັນຢ່າງກົງໄປກົງມາ ແລະ ຍັງໄດ້ເນັ້ນຢໍ້າລາຍລະອຽດເນື້ອໃນຂອງຂໍ້ແຂ່ງຂັນ 5 ເປັນເຈົ້າ ຄື: 1) ເປັນເຈົ້າການຝຶກຝົນຫຼໍ່ຫຼອມ ທາງດ້ານການເມືອງ-ແນວຄິດ, 2) ເປັນເຈົ້າປະຕິບັດກົດໝາຍ ແລະ ລະບຽບການຂອງລັດ, 3) ເປັນເຈົ້າການພັດທະນາຕົນເອງ ແລະ ການຈັດຕັ້ງ, 4) ເປັນເຈົ້າການປົກປ້ອງສິດ ແລະ ຜົນປະໂຫຍດອັນຊອບທໍາ, 5) ເປັນເຈົ້າການປະຕິບັດໜ້າທີ່ວິຊາສະເພາະຢ່າງປະດິດສ້າງ ເພື່ອເປັນບ່ອນອ້າງອີງໃນການປະເມີນໃຫ້ຄະແນນ ໂດຍຕິດພັນກັບການຮ່ວມໃຊ້ຊີວິດພາຍໃນອົງກອນ ແລະ ການຈັດຕັ້ງປະຕິບັດໜ້າທີ່ຮັບຜິດຂອງບັນດາສະມາຊິກພາຍໃນໜ່ວຍ. ກອງປະຊຸມໄດ້ດໍາເນີນໄປດ້ວຍບັນຍາກາດອັນດີ, ມີການປະກອບຄໍາຄິດຄໍາເຫັນ ຕໍານິສົ່ງຂ່າວເຊິ່ງກັນ ແລະ ກັນຢ່າງເປັນຂະບວນຟົດຟື້ນໄດ້ທັງບັນຍາກາດ ແລະ ເນື້ອໃນ ເພື່ອໃຫ້ແຕ່ລະສະຫາຍໄດ້ນໍາເອົາຄໍາຄິດເຫັນ ແລະ ຂໍ້ສະເໜີແນະນໍາໄປປັບປຸງບັນດາຈຸດອ່ອນຂອງຕົນ ແລະ ພັດທະນາຕົວເອງໃນຕໍ່ໜ້າ. ຜົນຂອງການປະເມີນຕີລາຄາ ແລະ ໃຫ້ຄະແນນເຫັນວ່າທຸກທ່ານໄດ້ຮັບຄະແນນ ປະເພດ ດີຫຼາຍ ນອກຈາກນັ້ນກອງປະຊຸມຍັງໄດ້ມອບ ໃບຢັ້ງຢືນ ຂອງສະຫະພັນກໍາມະບານ ກະຊວງກະສິກໍາ ແລະ ປ່າໄມ້ ໃນການຈັດຕັ້ງປະຕິບັດເນື້ອໃນຂໍ້ແຂ່ງຂັນກໍາມະບານ 5 ເປັນເຈົ້າ ປະຈໍາປີ 2021 ໃຫ້ກັບສະມາຊິກກໍາມະບານແຕ່ລະທ່ານ ແລະ ກອງປະຊຸມກໍ່ໄດ້ປິດລົງໃນເວລາ 12 :00 ໂມງ ດ້ວຍໝາກຜົນສໍາເລັດອັນຈົບງາມ.

ຮຽບຮຽງໂດຍ: ຄໍາຈັນ ເດັດສະໄໝ

             ສູນຄົ້ນຄວ້າພືດຜັກ ແລະ ໄມ້ໃຫ້ໝາກ

         ໃນຕອນເຊົ້າຂອງວັນທີ 4/08/2023 ເວລາ 8:30 ໂມງ ທີ່ຜ່ານມານີ້ ທີ່ຫ້ອງປະຊຸມຂອງສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດ ວຽກງານພະນັກງານ – ລັດຖະກອນ ສູນຄົ້ນຄວ້ນພືດຜັກ ແລະ ໄມ້ໃຫ້ໝາກ ປະຈໍາປີ 2023, ໂດຍການເປັນປະທານຂອງ ທ່ານ ປອ ທອງຄູນ ສີສະໄພທອງ   ຜູ້ປະຈໍາການຫົວໜ້າ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໂດຍມີສະຫາຍ ໄພທູນ ມູນເສນາ ຄະນະຮັບຜິດຊອບບັ້ນສໍາຫຼວດກວດກາພັກເຂົ້າຮ່ວມ ເຊິ່ງກອງປະຊຸມມີພະນັກງານ – ລັດຖະກອນເຂົ້າຮ່ວມທັງໝົດ 17 ທ່ານ, ຍິງ 6 ທ່ານ. ຈຸດປະສົ່ງ ເພື່ອປະເມີນ ແລະ ຕີລາຄາຜົນງານການຈັດຕັ້ງຂອງພະນັກງານ-ລັດຖະກອນ  ສູນຄົ້ນຄວ້າພືດຜັກ ແລະ ໄມ້ໃຫ້ໝາກ.

ກອງປະຊຸມໄດ້ດໍາເນີນໄປຕາມວາລະ ໂດຍເລິ່ມຈາກນໍາສະເໜີຜົນສໍາເລັດຂອງການຈັດຕັ້ງປະຕິບັດຂອງສູນ ໃນໄລຍະ 1 ປີຜ່ານມາ, ພ້ອມນັ້ນ ປະທານ ຂອງກອງປະຊຸ່ມໄດ້ນໍາສະ ເໜີວິທີການຕີລາຄາໃຫ້ຄະແນນພະນັກງານແຕ່ລທ່ານ, ຈາກນັ້ນ, ທ່ານ ປອ ທອງຄູນ ສີສະໄພທອງ   ຜູ້ປະຈໍາການຫົວໜ້າ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ໃຫ້ທິດຊີ້ນໍາໃນການດໍາເນີນການຈັດຕັ້ງປະຕິບັດການຕີລາຄາ ແລະ ການໃຫ້ຄະແນນ ໂດຍທ່ານຍັງໄດ້ເນັ້ນຢໍ້າໃຫ້ແຕ່ລະທ່ານປະກອບຄໍາຄິດເຫັນຊ່ອງແສງເຊິ່ງກັນ ແລະ ກັນຢ່າງກົງໄປກົງມາ ແລະ ຍັງໄດ້ເນັ້ນຢໍ້າລາຍລະອຽດເນື້ອໃນຂອງປະເມີນຜົນໂດຍຜ່ານ ມາດຖານ: ຄຸນທາດການເມືອງ, ຄຸນສົມບັດສີນທຳປະຕິວັດ; ຄວາມຮູ້ຄວາມ, ຄວາມສາມາດ ແລະ ປະສົມການ; ຜົນສໍາເລັດໃໃນການປະຕິບັດວຽກງານ ເພື່ອເປັນບ່ອນອ້າງອີງໃນການປະເມີນໃຫ້ຄະແນນ ໂດຍຕິດພັນກັບການຮ່ວມໃຊ້ຊີວິດພາຍໃນອົງກອນ ແລະ ການຈັດຕັ້ງປະຕິບັດໜ້າທີ່ຮັບຜິດຂອງພະນັກງານ-ລັດກອນພາຍໃນສູນ. ກອງປະຊຸມໄດ້ດໍາເນີນໄປດ້ວຍບັນຍາກາດອັນດີ, ມີການປະກອບຄໍາຄິດຄໍາເຫັນ ຕໍານິສົ່ງຂ່າວເຊິ່ງກັນ ແລະ ກັນຢ່າງເປັນຂະບວນຟົດຟື້ນໄດ້ທັງບັນຍາກາດ ແລະ ເນື້ອໃນ ເພື່ອໃຫ້ແຕ່ລະທ່ານໄດ້ນໍາເອົາຄໍາຄິດເຫັນ ແລະ ຂໍ້ສະເໜີແນະນໍາໄປປັບປຸງບັນດາຈຸດອ່ອນຂອງຕົນ ແລະ ພັດທະນາຕົວເອງໃນຕໍ່ໜ້າ. ຜົນຂອງການປະເມີນຕີລາຄາ ແລະ ໃຫ້ຄະແນນເຫັນວ່າທຸກທ່ານໄດ້ຮັບຄະແນນ ປະເພດ ດີຫຼາຍ 15 ທ່ານ , ປະເພດດີ 1 ທ່ານ ແລະ ບໍ່ໄດ້ຈັດປະເພດ 1 ທ່ານ (ປີ່ນປົວສຸຂະພາບ) ນອກຈາກນັ້ນກອງປະຊຸມຍັງໄດ້ມອບ ໃບຍ້ອງຍໍ ຂອງລັດຖະມົນຕິ ກະຊວງກະສິກໍາ ແລະ ປ່າໄມ້ ໃນການປະຕິບັດຂໍ້ແຂ່ງຂັນ “3 ເນື້ອໃນ 4 ເປົ້າໝາຍ”ພາຍໃຕ້ຄຳຂວັນ”ຮັບປະກັນໃຫ້ໄວ;ຮັບປະກັນເຮັດໃຫ້ດີ;ຮັບປະກັນເຮັດໃຫ້ຫຼາຍ;ຮັບປະກັນໃຫ້ຖືກກົດໝາຍ”ໄດ້ຮັບຜົນສໍາເລັດເປັນຢ່າງດີປະຈໍາປີ 2020 ຂອງ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ໃຫ້ກັບພະນັກງານ-ລັດຖະກອນ ແຕ່ລະທ່ານ ແລະ ກອງປະຊຸມກໍ່ໄດ້ປິດລົງໃນເວລາ 12 :30 ໂມງ ດ້ວຍໝາກຜົນສໍາເລັດອັນຈົບງາມ.

ຮຽບຮຽງໂດຍ: ແສງດາລາ ມຸນນະລາດ

             ສູນຄົ້ນຄວ້າພືດຜັກ ແລະ ໄມ້ໃຫ້ໝາກ

          ໃນປະຈຸບັນເນື້ອທີການຜະລິດສາລີແຂງທົ່ວປະເທດປະມານ 110.910 ຮຕ (2021) ມີຄວາມຕ້ອງການເມັດພັນປະມານ 2.200 ໂຕນ, ແຕ່ສະຖາບັນ ມີຄວາມສາມາດໃນການຜະລິດພຽງແຕ່ ປີລະ 5 ຫາ 10 ໂຕນ (ບໍ່ຮອດ 1% ຂອງຄວາມຕ້ອງການ) ເນື່ອງຈາກມີຂໍ້ຈໍາກັດດ້ານພື້ນທີການຜະລິດເມັດພັນ (ພື້ນທີເຮັດການຄົ້ນຄວ້າ ແລະ ພື້ນທີຜະລິດເມັດພັນແມ່ນອັນດ່ຽວກັນ).

ອີງຕາມພາລະບົດບາດຂອງ ສະຖາບັນຄົ້ນຄວ້າກະສິກໍາ ປ່າໄມ້ ແລະ ພັດທະນາຊົນນະບົດ ໃນການຮັບຜິດວຽກງານຄົ້ນຄວ້າແນວພັນພືດ ແນວພັນສັດ ແລ້ວຕອບສະຫນອງແນວພັນຕ່າງໆ ໃຫ້ກັບສັງຄົມ, ພິເສດສະຖາບັນ ເປັນເສນາທິການໃນການຮັບຜິດຊອບ ຜັນຂະຫຍາຍ ແລະ ຈັດຕັ້ງປະຕິບັດ ວາລະແຫ່ງຊາດ ກ່ຽວກັບການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ (2021-2023) ໂດຍສະເພາະ ການຈັດຕັ້ງປະຕິບັດວາລະແຫ່ງຊາດ ດ້ານການຄົ້ນຄວ້າ ແລະ ຜະລິດ ແນວພັນພືດ, ແນວພັນສັດ ແລະ ແນວພັນໄມ້.

ເມື່ອເຫັນໄດ້ເຖີງບັນຫາແນວພັນ ທາງສະຖາບັນຈື່ງ ໄດ້ຫາຜູ້ປະກອບການທີ່ມີຄວາມສົນໃຈຮ່ວມມື ແລະ ໄດ້  ບໍລິສັດຈະເລີນຊັບການຄ້າຂາອອກ-ຂາເຂົ້າ ຈໍາກັດຜູ້ດຽວ ມີຈຸດປະສົງ ຕ້ອງການຮ່ວມມືໃນການຜະລິດເມັດພັນ ສາລີແຂງລູກປະສົມ ກັບ ສະຖາບັນ ເພື່ອຕອບສະຫນອງເມັດພັນທີ່ມີຄຸນນະພາບໃຫ້ກັບສັງຄົມ ແລະ ຕອບສະຫນອງວາລະແຫ່ງຊາດ ດ້ານການຄົ້ນຄວ້າ ແລະ ຜະລິດ ແນວພັນພືດ, ແນວພັນສັດ ແລະ ແນວພັນໄມ້,

ໃນຕອນເຊົ້າວັນທີ 4 ສິງຫາ 2023 ທີ່ຫ້ອງປະຊຸມສຳນັກສຳຖາບັນ ໄດ້ມີພິທີ ເຊັນສັນຍາຮ່ວມມືລະຫວ່າງ ສະຖາບັນຄົ້ນຄວ້າກະສິກໍາ ປ່າໄມ້ ແລະ ພັດທະນາຊົນນະບົດ, ກະຊວງກະສິກຳ ແລະ ປ່າໄມ້ ກັບ ບໍລິສັດຈະເລີນຊັບການຄ້າຂາອອກ-ຂາເຂົ້າ ຈໍາກັດຜູ້ດຽວ ເພື່ອຮ່ວມກັນທົດລອງຜະລິດເມັດພັນ ສາລີແຂງລູກປະສົມ LVN10. ໂດຍຮັບກຽດເປັນປະທານ ແລະ ລົງນາມເຊັນສັນຍາຂອງທ່ານ ປອ ນາງ ໃຈ ບຸນພະນຸໄຊ ຫົວໜ້າສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ແລະ ທ່ານ ຕ່ຽວກ່ວງອ່ານ ອໍານວຍການ ບໍລິສັດຈະເລີນຊັບການຄ້າຂາອອກ-ຂາເຂົ້າ ຈໍາກັດຜູ້ດຽວ, ມີທ່ານ ປອ ນາງ ຈັນທະຄອນ ບົວລະພັນ ຮອງຫົວໜ້າສະຖາບັນ, ທ່ານ ວົງວິໄລ ວົງຄຳຊາວ ຫົວໜ້າພະແນກບໍລິຫານ ແລະ ແຜນການ ພ້ອມດ້ວຍນັກຄົ້ນຄວ້າພະນັກງານວິຊາການທີ່ກ່ຽວຂ້ອງເຮົ້າຮ່ວມເປັນສັກຂີພະຍານໃນຄັ້ງນີ້ຢ່າງພ້ອມພຽງ.

ພາບ-ຂ່າວໂດຍ: ຈັນທະສອນ ມະນີວົງ

ສູນຂໍ້ມູນຂ່າວສານກະສິກຳ ແລະ ປ່າໄມ້

ໃນຕອນບ່າຍຂອງວັນທີ 2/08/2023 ເວລາ 13:30 ໂມງ ທີ່ຜ່ານມານີ້ ທີ່ຫ້ອງປະຊຸມຂອງສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດຂໍ້ແຂງຂັນ 4 ບຸກ ຂອງໜ່ວຍ ຊປປລ ສູນຄົ້ນຄວ້ນພືດຜັກ ແລະ ໄມ້ໃຫ້ໝາກ ປະຈໍາປີ 2023, ໂດຍການເປັນປະທານຮ່ວມຂອງ ສະຫາຍ ໄພທູນ ມູນເສນາ ຮອງເລຂາໜ່ວຍພັກ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ແລະ ສະຫາຍ ພັດທະນາ ແສງອຸ່ນແກ້ວ ເລຂາຊາວໝຸ່ມ ໜ່ວຍສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ກອງປະຊຸມມີສະມາຊິກຊາວໜຸ່ມເຂົ້າຮ່ວມທັງໝົດ 17 ສະຫາຍ, ຍິງ 7 ສະຫາຍ.

ຈຸດປະສົ່ງ ເພື່ອປະເມີນ ແລະ ຕີລາຄາຜົນງານການຈັດຕັ້ງປະຕິບັດຂໍ້ແຂງຂັນ 4 ບຸກໃນໄລຍະ 1 ປີ ຜ່ານມາຂອງສະມາຊິກຊາວໜຸ່ມ ໜ່ວຍສູນຄົ້ນຄວ້າພືດຜັກ ແລະ ໄມ້ໃຫ້ໝາກ. ກອງປະຊຸມໄດ້ດໍາເນີນໄປຕາມວາລະ ໂດຍເລິ່ມຈາກນໍາສະເໜີວິທີການໃນການຈັດຕັ້ງປະຕິບັດການຕີລາຄາ ແລະ ໃຫ້ຄະແນນແຕ່ລະສະຫາຍ ຂອງສະຫາຍເລຂາໜ່ວຍຊາວໜຸ່ມ ຂອງສູນ ຈາກນັ້ນ, ສະຫາຍ ໄພທູນ ມູນເສນາ ຮອງເລຂາໜ່ວຍພັກ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໄດ້ໃຫ້ທິດຊີ້ນໍາໃນການດໍາເນີນການຈັດຕັ້ງປະຕິບັດການຕີລາຄາ ແລະ ການໃຫ້ຄະແນນ ໂດຍທ່ານຍັງໄດ້ເນັ້ນຢໍ້າໃຫ້ແຕ່ລະສະຫາຍປະກອບຄໍາຄິດເຫັນຊ່ອງແສງເຊິ່ງກັນ ແລະ ກັນຢ່າງກົງໄປກົງມາ ເພື່ອສືບຕໍ່ການຈັດຕັ້ງປະຕິບັດບັນດາວຽກງານທີ່ໄດ້ຮັບຜົນສໍາເລັດ ແລະ ປັບປຸງແກ້ໄຂບັນດາຈຸດອ່ອນຂໍ້ຄົງຄ້າງ ຈາກນັ້ນ, ສະຫາຍ ພັດທະນາ ແສງອຸ່ນແກ້ວ ເລຂາຊາວໝຸ່ມ ໜ່ວຍສູນຄົ້ນຄວ້າພືດຜັກ ແລະ ໄມ້ໃຫ້ໝາກ ຍັງໄດ້ເນັ້ນຢໍ້າ ແລະ ໃຫ້ລາຍລະອຽດເນື້ອໃນຂອງຂໍ້ແຂ່ງຂັນ 4 ບຸກ ຄື: 1) ບຸກດ້ານການເມືອງແນວຄິດ, 2) ບຸກດ້ານຝຶກຝົນຮໍ່າຮຽນ, 3) ບຸກດ້ານການຈັດຕັ້ງ, 4) ບຸກດ້ານວິຊາຊີບ ວຽກເຮັດງານທໍາ ເພື່ອເປັນບ່ອນອ້າງອີງໃນການປະເມີນໃຫ້ຄະແນນ ໂດຍຕິດພັນກັບການຮ່ວມໃຊ້ຊີວິດພາຍໃນອົງກອນ ແລະ ການຈັດຕັ້ງປະຕິບັດໜ້າທີ່ຮັບຜິດຂອງບັນດາສະມາຊິກພາຍໃນໜ່ວຍ. ກອງປະຊຸມໄດ້ດໍາເນີນໄປດ້ວຍບັນຍາກາດອັນດີ, ມີການປະກອບຄໍາຄິດຄໍາເຫັນ ຕໍານິສົ່ງຂ່າວເຊິ່ງກັນ ແລະ ກັນຢ່າງເປັນຂະບວນຟົດຟື້ນໄດ້ທັງບັນຍາກາດ ແລະ ເນື້ອໃນ ເພື່ອໃຫ້ແຕ່ລະສະຫາຍໄດ້ນໍາເອົາຄໍາຄິດເຫັນ ແລະ ຂໍ້ສະເໜີແນະນໍາໄປປັບປຸງບັນດາຈຸດອ່ອນຂອງຕົນ ແລະ ພັດທະນາຕົວເອງໃນຕໍ່ໜ້າ. ຜົນຂອງການປະເມີນຕີລາຄາ ແລະ ໃຫ້ຄະແນນເຫັນວ່າທຸກສະຫາຍໄດ້ຮັບຄະແນນ ປະເພດ ແຂງ ແລະ ກອງປະຊຸມໄດ້ປິດລົງໃນເວລາ 17 :00 ໂມງ ດ້ວຍສໍາເລັດອັນຈົບງົບງາມ.

ຮຽບຮຽງໂດຍ: ຄໍາຈັນ ເດັດສະໄໝ

ສູນຄົ້ນຄວ້າພືດຜັກ ແລະ ໄມ້ໃຫ້ໝາກ

          ພືດຜັກ ເປັນພືດທີ່ມີຄວາມສຳຄັນທາງດ້ານເສດຖະກິດ, ມີຄຸນຄ່າທາງດ້ານໂພສະນາການສູງ ເປັນຕົ້ນວິຕະມິນ ແລະແຮ່ທາດຕ່າງໆທີ່ເປັນປະໂຫຍດຕໍ່ຮ່າງກາຍ. ນອກຈາກນັ້ນການປູກພືດຜັກ ເປັນການໃຊ້ປະໂຫຍດພື້ນທີ່ດິນ, ທີ່ໃຫ້ຜົນຕອບແທນສູງ. ປັດຈຸບັນຕົ້ນທຶນການຜະລິດພືດຜັກຂ້ອນຂ້າງສູງ. ເນື່ອງຈາກຫຼາຍປັດໃຈ ຕ້ອງໄດ້ ນໍາເຂົ້າ ໂດຍສະເພາະຝຸ່ນ, ແລະ ລາຄາກໍ່ມີການປັບຕົວເພິ່ມຂື້ນ 3-4 ເທົ່າ ແລະ ການຜະລິດພືດຜັກຂອງຊາວກະສິກອນໃນລະດູຝົນແມ່ນພົບບັນຫຼາຍຢ່າງ, ສະມັດຕະພາບຂອງຜົນຜະລິດຕໍ່າ, ມີການລະບາດຂອງພະຍາດ-ແມງໄມ້ ສົ່ງຜົນໃຫ້ຕົ້ນທືນການຜະລິດສູງ ແລະ ມີຄວາມສຽງທີ່ຈະຂາດທືນສູງ.

          ເພື່ອເປັນການແກ້ໄຂບັນຫາດັ່ງກ່າວ ແລະ ເປັນການຜັນຂະຫຍາຍວ່າລະແຫ່ງຊາດໃຫ້ປະກົດຜົນເປັນຈິງ,  ໃນວັນທີ່ 21 ກໍລະກົດ 2023 ທີ່ຜ່ານມາທີ່ບ້ານຊຽງມວກ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ທີ່ຂື້ນກັບສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ຮ່ວມກັບໂຄງການພັດທະນາເຕັກນິກການປັບປຸງພັນພືດຜັກຢູ່ ສປປ ລາວ (AFACI_Breeding) ໄດ້ຈັດຝຶກອົບຮົມໃນຫົວຂໍ້ ການເພິ່ມລາຍຮັບໃຫ້ແກຊາວກະສິກອນຂະໜາດນ້ອຍໂດຍການນໍາໃຊ້ແນວພັນ ແລະ ເຕັກນິກທີເໝາະສົມເຂົ້າການຜະລິດຜັກໃຫ້ເປັນສິນຄ້າໃຫ້ແກ່ຊາວກະສິກອນກຸ່ມຕົວແບບການຜະລິດພືດຜັກ ຂອງບ້ານ ຊຽງມວກ ແລະ ບ້ານ ນາໄຊ, ນະຄອນຫຼວງພະບາງ, ແຂວງຫຼວງພະບາງ, ໂດຍການເປັນປະທານຮ່ວມຂອງ ທ່ານ ດອນຫງຽມ ຄໍາມີຜົນ ຫົວໜ້າຫ້ອງການກະສິກໍາ ແລະ ປ່າໄມ້ ນະຄອນຫຼວງພະບາງ ແລະ  ປອ ທອງຄູນ ສີສະໄພທອງ ຮອງຫົວໜ້າສູນຄົ້ນຄວ້າພືດຜັກ ແລະ ໄມ້ໃຫ້ໝາກ ເຊິ່ງມີຜູ້ເຂົ້າຮ່ວມທັງໝົດ ຈໍານວນ  40 ທ່ານ, ຍິງ 11 ທ່ານ ຈາກຫຼາຍພາກສ່ວນ ເຊັ່ນ ຂະແໜງປູກຝັງ ພະແນກກະສິກໍາ ແລະ ປ່າໄມ້ ແຂວງຫຼວງພະບາງ, ຫ້ອງການກະສິກໍາ ແລະ ປ່າໄມ້ ນະຄອນຫຼວງພະບາງ, ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ແລະ ຊາວກະສິກອນກຸ່ມຜະລິດພືດຜັກບ້ານ ນາໄຊ ແລະ ບ້ານ ຊຽງມວກ, ເຊິ່ງການຝຶກອົບຮົມໄດ້ເນັ້ນໃສ່ການນໍາໃຊ້ແນວພັນ ແລະ ເຕັກນິກໃໝ່ເຂົ້າໃນການຜະລິດເພື່ອເພິ່ມຜົນຜະລິດ ແລະ ຫຼຸດຕົ້ນທຶນການຜະລິດ ເພື່ອເຮັດໃຫ້ຊາວກະສິກອນມີລາຍຮັບເພິ່ມຂຶ້ນ ໂດຍສະເພາະການຜະລິດໃນຊວ່ງລະດູຝົນ. ນອກຈາກນັ້ນ, ສູນຄົ້ນຄວ້າພືດຜັກ ແລະ ໄມ້ໃຫ້ໝາກ, ທີ່ຂື້ນກັບສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ຮ່ວມກັບໂຄງການພັດທະນາເຕັກນິກການປັບປຸງພັນພືດຜັກຢູ່ ສປປ ລາວ (AFACI_Breeding) ຍັງໄດ້ມອບອຸປະກອນເຮືອນຮົ່ມແບບຕ່າງລະດັບ ຈໍານວນ 3 ຫຼັງ ແລະ ແນວພັນຜັກຈໍານວນໜຶ່ງ ເຊັ່ນ: ໝາກເລັ່ນນ້ອຍຫາດດອກແກ້ວ 2022, ຜັກບົ່ວແບ່ງຫາດດອກແກ້ວ 01, ຖົ່ວຝັກຍາວຫາດດອກແກ້ວ 003, , ຜັກຊີ ແລະ ຜັກຫອມປ້ອມ ລວມທັງໝົດ ຈໍານວນ 50 ກິໂລກຼາມ, ລວມມູນ ທັງໝົດ 19,895,000 ກີບ, ໂດຍການກ່າວມອບຂອງ ທ່ານ ປອ ທອງຄູນ ສີສະໄພທອງ ຮອງຫົວໜ້າສູນຄົ້ນຄວ້າພືດຜັກ ແລະ ໄມ້ໃຫ້ໝາກ ແລະ  ກ່າວຮັບໂດຍທ່ານ ນາງ ຄໍາສະຫັນ ສາຍສໍາລານ ແລະ ທ່ານ ຊຽງວັນ ຕ່າງໜ້າກຸ່ມຜະລິດພືດຜັກບ້ານ ຊຽງມວກ ແລະ ບ້ານ ນາໄຊ ເປັນຜູ້ກ່າວຮັບ ເພື່ອນໍາໄປຜັນຂະຫຍາຍ ແລະ ນໍາໃຊ້ເຂົ້າໃນການຜະລິດຜັກໃຫ້ເປັນສິນຄ້າ.

ຂຽນ ແລະ ຮຽບຮຽງໂດຍ:   ຕີ ວິໄລພັນ

ເບີໂທລະສັບ: 020 58837887, ອີເມວ: teevlp@yahoo.com, teevlphhrc@gmail.com

ກຸ່ມວຽກຄົ້ນຄວ້າພືດຜັກ, ສູນຄົ້ນຄວ້າພືດຜັກ ແລະ ໄມ້ໃຫ້ໝາກ

          ກອງປະຊຸມເຄືອຂ່າຍອາຫານດັດແປງພັນທຸກຳອາຊຽນຄັ້ງທີ 20 (20th ASEAN GMF NET) ຈັດຂຶ້ນໃນລະຫວ່າງວັນທີ 11-12 ກຳລະກົດ 2023 ທີ່ ໂຮງແຮມແລນມາກ ໂດຍການເປັນເຈົ້າພາບຂອງ ສປປລ ລາວ, ຕົວແທນຈັດກອງປະຊຸມແມ່ນ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ, ກະຊວງກະສິກຳ ແລະ ປ່າໄມ້ (ແບບອອນລາຍ ແລະ ແບບເຊິ່ງໜ້າ) ໃຫ້ກຽດເປັນປະທານຂອງທ່ານ ນາງ ວຽງໄຊ ວັນສີລາລົມ, ຮອງຫົວໜ້າກົມອາຫານ ແລະ ຢາ, ກະຊວງສາທາລະສະສຸກ, ມີບັນດາຜູ້ແທນຈາກປະເທດສະມາຊິກ ອາຊຽນ, ຕາງໜ້າຈາກ ມະຫາວິທະຍາໄລແຫ່ງຊາດ, ມີຫົວໜ້າ, ຮອງຫົວໜ້າສູນອ້ອມຂ້າງສະຖາບັນ ພ້ອມດ້ວຍພະນັກງານນັກຄົ້ນຄວ້າທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ.

ຈຸດປະສົງຂອງກອງປະຊຸມ ແມ່ນປຶກສາຫາລື ແຜນການຈັດຕັ້ງປະຕິບັດ ແລະ ວາງແຜນວາລະອັນສໍາຄັນທີ່ຈະປະກອບສ່ວນໃນການພັດທະນາເຄືອຂ່າຍການກວດສອບອາຫານດັດແປງພັນທຸກໍາອາຊຽນ.

ການຜະລິດອາຫານແມ່ນມີຄວາມຫຍຸ້ງຍາກສະຫລັບສັບຊ້ອນຂຶ້ນກວ່າເກົ່າທຽບກັບທີ່ຜ່ານມາ. ນັ້ນ  ໝາຍຄວາມວ່າພືດຕັດແຕ່ງພັນທຸກໍາຕ່າງໆ ມີຫຼາກຫຼາຍ ແລະ ປ່ຽນແປງຢ່າງຕໍ່ເນື່ອງ ແລະ ເຮັດໃຫ້ການກວດສອບຫຍຸ້ງຍາກຂຶ້ນກວ່າເກົ່າທີ່ເປັນມາ. ພືດດັດແປງພັນທຸກໍາເປັນທີ່ກ່າວຂານກັນໃນບົດບາດການຄໍ້າປະກັນທາງດ້ານສະບຽງອາຫານໃນຂົງເຂດ ໂດຍການໄດ້ຮັບແນວພັນໃໝ່ທີ່ທົນທານພະຍາດ ແມງໄມ້ສັດຕູພືດ, ປັບຕົວຕໍ່ການປ່ຽນແປງສະພາບແວດລ້ອມ ເຊັ່ນ: ແຫ້ງແລ້ງ, ນໍ້າຖ້ວມ ແລະ ອື່ນໆ, ແຕ່ວ່າບັນດາປະເທດສະມາຊິກອາຊຽນແມ່ນມີຄວາມກັງວົນກ່ຽວກັບພືດດັດແປງພັນທຸກໍາ ຊຶ່ງອາດສົ່ງຜົນກະທົບຕໍ່ມະນຸດ ແລະ ສະພາບແວດລ້ອມ. ດ້ວຍເຫດນັ້ນ ການທົດສອບສິ່ງດັດແປງພັນທຸກໍາຈຶ່ງກາຍມາເປັນຂະບວນການທີ່ສໍາຄັນເພື່ຶອຢັ້ງຢືນຮັບປະກັນວ່າອາຫານດັດແປງພັນທຸກໍາມີຄວາມປອດໄພຕໍ່ການບໍລິໂພກ ແລະ ປະເມີນຜົນທີ່ບໍ່ຕ້ອງການຂອງອົງປະກອບຕ່າງໆ ທີມາຈາກສິ່ງດັດແປງພັນທຸກໍາ.

ກອງປະຊຸມຄັ້ງນີ້ ອາດສາມາດມີສົ່ງຜົນຢ່າງຫຼວງຫຼາຍໃນການພັດທະນາ ແລະ ຫາວີທີການແກ້ໄຂບັນຫາເພື່ອບັນດາປະເທດສະມາຊິກອາຊ່ຽນໂດຍການສ້າງຄວາມເຂັ້ມແຂງດ້ານເຕັກນິກວິຊາການໃນການທົດສອບອົງປະກອບອາຫານທີ່ມາຈາກສິ່ງດັດແປງພັນທຸກໍາ.

ພາບ-ຂ່າວໂດຍ: ຈັນທະສອນ ມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້

ກວດແກ້ໂດຍ: ທ່ານ ສຸລິວົງ ກອງມະນີວົງ, ຫົວໜ້າກຸ່ມງານ ຄຸ້ມຄອງຖານຂໍ້ມູນ ແລະ ຮູບແບບການຮຽນຮູ້

ສູນຂໍ້ມູນຂ່າວສານກະສິກຳ ແລະ ປ່າໄມ້