ວຽກງານການເຜີຍແຜ່ຂໍ້ມູນຂ່າວສານ ແລະ ການຮ່ວມມືໂດຍການນຳໃຊ້ເຄື່ອງມືວິທະຍາສາດເຕັກໂນ ໂລ ຢີຂ່າວສານເປັນຕົວຊ່ວຍໃນວຽງານຕ່າງໆ. ສະນັ້ນການພັດທະນາລະບົບການເຜີຍແຜ່ ຂໍ້ມູນຂ່າວສານ ໃນສະຖາບັນ ຜ່ານລະບົບຂ່າວສານອິນເຕີເນັດທາງເວັບໄຊ ເຊິງເປັນເຄື່ອງມືອັນສຳຄັນໃນການເຜີຍແຜ່ ແລະປະຍັດເວລາ.ຊິ່ງໃນນັ້ນສະຖາບັນເອງກໍ່ໄດ້ພັດທະນາແຜ່ນງານ ດັ່ງກ່າວລົງສູ່ສູນອອ້ມຂ້າງ ໃຫ້ເຂົາ ເຈົ້າສາມາດນຳໃຊ້ ແລະ ໄດ້ມີການພັດທະນາລະບົບດັ່ງກ່າວດ້ວຍຕົນເອງ, ເຊິ່ງສູນຄົ້ນຄ້ວານະໂຍບາຍກະສິກຳ ແລະ ປ່າໄມ້ ທີ່ຂື້ນກັບ ສະຖາບັນຄົ້ນຄ້ວາ ກະສິກຳ ແລະ ປ່າໄມ້ແຫ່ງຊາດ ຈຶ່ງໄດ້ມີການພັດ ທະນາສ້າງເວັບໄຊຂອງສູນຂື້ນສຳເລັດຮຽບຮ້ອຍ ແລະ ເວັບໄຊດັ່ງກ່າວ ແມ່ນນອນຢູ່ພາຍໃຕ້ອັນດຽວກັບ ສະຖາບັນຄົ້ນຄ້ວາກະສິກຳ ແລະ ປ່າໄມ້ແຫ່ງຊາດໂດຍ ທ່ານ ສາມາດຄິກ http://afprc.nafri.org.la

ໃນຕອນບ່າຍຂອງວັນທີ 10 ພຶດສະພາ 2011 ທີ່ຜ່ານມານີ້ ຢູ່ທີ່ຫ້ອງການກະຊວງກະສິກຳ ແລະ ປ່າໄມ້ ໄດ້ຈັດພິທີເຊັນສັນຍາລົງນາມເອກະສານ ໂຄງການປັບປຸງຄວາມອາດສາມາດໃນການປັບຕົວເຂົ້າສູ່ສະພາບເດີມດ້ານກະສິກຳ ຈາກຜົນກະທົບຂອງການປ່ຽນແປງດິນຟ້າອາກາດ ຢູ່ສປປ ລາວ ໂດຍການໃຫ້ກຽດລົງນາມ ຂອງຝ່າຍລາວ, ທ່ານ ສຸລິວັນທອງ ກີ່ງແກ້ວ, ຮອງຫົວໜ້າ ສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ ແລະ ຝ່າຍສະຫະປະຊາຊາດ, ທ່ານນາງ ກຽວໂກະ ໂຍໂກສຸມາ, ຮອງຜູ້ຕາງໜ້າສະຫະປະຊາຊາດ ປະຈຳ ສປປລາວ. ພ້ອມດ້ວຍຜູ້ຕາງໜ້າບັນດາກົມ, ກອງ, ແລະ ໂຄງການທີ່ກ່ຽວຂ້ອງ ອ້ອມຂ້າງກະຊວງກະສິກຳ ແລະ ປ່າໄມ້ ຈຳນວນໜື່ງເຂົ້າຮ່ວມ ເພື່ອເປັນສັກຂີພະຍານໃນຄັ້ງນີ້ອີກດ້ວຍ.

ເພື່ອເຮັດໃຫ້ການປະຕິບັດວຽກງານ ແຜນການຂອງ ສະຖາບັນຄົ້ນຄວ້າ ກະສິກຳ ແລະ ປ່າໄມ້ ໄດ້ຮັບການຜັນຂະຫຍາຍເຂົ້າໃນວຽກງານຂອງບັນດາພະແນກການ ແລະ ສູນຄົ້ນຄວ້າ ກະສິກຳ ແລະ ປ່າໄມ້ ທີ່ຂຶ້ນກັບ ສຄກປ ໄດ້ນຳ ໄປປະຕິບັດ ຕາມແຕ່ລະໄລຍະ ແລະ ຖືກຕ້ອງສອດຄ່ອງກັບ ແຜນພັດທະນາ ກະສິກຳ ແລະ ປ່າໄມ້, ຍຸດທະສາດ ການຄົ້ນຄວ້າ ແລະ ແຜນການຄົ້ນຄວ້າ ກະສິກຳ ແລະ ປ່າໄມ້ໃນໄລຍະ 5 ປີຕໍ່ໜ້າ 2011 – 2015, ດັ່ງນັ້ນ ໃນວັນທີ່ 5 – 6 ພຶດສະພາ 2011 ຈຶ່ງໄດ້ຈັດ ກອງປະຊຸມ ສະຫຼຸບການຈັດຕັ້ງປະຕິບັດແຜນການ ແລະ ການເງີນ ສົກປີ 2009 – 2010 ແລະ ແຜນການປະຕິບັດ ສົກປີ 2010 – 2011 ຂອງສະຖາບັນ ຄົ້ນຄວ້າ ກະສິ ກຳ ແລະ ປ່າໄມ້ແຫ່ງຊາດ ຂຶ້ນຢ່າງເປັນທາງການ ຢູ່ທີຫ້ອງປະຊຸມ ຂອງສູນຄົ້ນຄວ້າທີ່ດິນກະສິກຳ ແລະ ປ່າໄມ້ (ສຄກປ), ໄດ້ຮັບກຽດເປັນປະທານກອງປະຊຸມໂດຍແມ່ນ ທ່ານ ດຣ. ບຸນຖອງ ບົຫອມ ຫົວໜ້າສະຖາບັນ ຄົ້ນຄວ້າ ກະ ສິກຳ ແລະ ປ່າໄມ້ແຫ່ງຊາດ, ຜູ້ເຂົ້າຮ່ວມກອງປະຊຸມໃນຄັ້ງນີ້ປະກອບມີ 3 ພະແນກການ, ຫ້ອງການສະພາວິທະຍາ ສາດ ແລະ 11 ສູນອອ້ມຂ້າງສະຖາບັນເຂົ້າຮ່ວມທັງໜົດ 63 ທ່ານ, ຍິງ 23 ທ່ານ.

ສະຖາບັນຄົ້ນຄວ້າກະສິກຳ ແລະປ່າໄມ້ແຫ່ງຊາດ ໂດຍແມ່ນ ສູນຄົ້ນຄວ້າເຂົ້າ ແລະພືດເສດຖະກິດ ເປັນຜູ້ດຳເນີນການຄົ້ນຄວ້າແນວພັນສາລີ. ກ່ອນປີ 2000 ຢູ່ສູນຄົ້ນຄວ້າພຶດພັກ ແລະໄມ້ໃຫ້ໝາກ (ສະຖານີຫາດດອກແກ້ວ ໃນເມື່ອກ່ອນ) ໄດ້ຄົ້ນຄວ້າທົດລອງຕົ້ນຕໍແມ່ນເລັ່ງໃສ່ ສ້າງແນວພັນສາລີປະສົມ ເອກະລາດ ເພື່ອການລ້ຽງສັດ HDK4 ແລະແນວພັນເພື່ອບໍລິໂພກ HDK3 ຊື່ງໄດ້ນຳໃຊ້ມາຮອດປະຈຸບັນນີ້. ນັບແຕ່ປີ 2002ເປັນຕົ້ນມາ ໄດ້ມີຄວາມພະຍາຍາມຫຼາຍເພື່ອຄົ້ນຄວ້າແນວພັນສາລີ ເພື່ອການລ້ຽງສັດ ແລະມາຮອດ ຕົ້ນລະດູຝົນປີ 2010 ນັກວິຊາການ ຂອງສູນຄົ້ນຄວ້າເຂົ້າ ແລະພຶດເສດຖະກິດ (ນາພອກ) ສາມາດຄັດເລືອກ ໄດ້ ຈຳນວນ 8ຄູ່ ທີ່ມີລັກຊະນະດີເດັ່ນຫຼາຍດ້ານ ຈື່ງໄດ້ນຳໄປທົດລອງປຽບທຽບພັນ ໃນລະດັບທ້ອງຖີ່ນ ຢູ່ແຂວງວຽງຈັນ, ອຸດົມໄຊ ແລະບໍ່ແກ້ວ. ຕໍ່ມາໃນທ້າຍລະດູຝົນປີ 2010 ໄດ້ນໍາລົງໄປສາທິດ ຢູ່ 6ແຂວງ 9ຈຸດ ຄື:ແຂວງວຽງຈັນ, ແຂວງອຸດົມໄຊ, ແຂວງຊຽງຂວາງ, ແຂວງຫຼວງນ້ຳທາ, ແຂວງບໍ່ແກ້ວ ແລະແຂວງໄຊຍະບູລີ. ນັກວິຊາການທີ່ໄດ້ຄົ້ນຄວ້າ ໄດ້ສະລຸບວ່າ: ແນວພັນສາລີລູກປະສົມວຽງຈັນ 450ແມ່ນປັບຕົວເຂົ້າກັບສະພາບແວດລ້ອມໄດ້ດີ ໂດຍສະເພາະ ເຂດພາກກາງ ຫາພາກເໜືອ ຂອງ ສປປ ລາວ, ໃຫ້ຜົນຜະລິດສູງ ແຕ່ 7-9ໂຕນ/ຮຕ, ມີຄວາມທົນທານຕໍ່ຄວາມແຫ້ງແລ້ງ ແລະຕ້ານທານຕໍ່ພະຍາດ ແລະແມງໄມ້.

ແນວພັນສາລີລູກປະສົມ ວຽງຈັນ 450 ເປັນແນວພັນສາລີ ເທື່ອທໍາອິດທີ່ ນັກຄົ້ນຄວ້າສາມາດຜະລິດໄດ້ ໃນຕະລອດໄລຍະເກືອບ 10ປີ ເພື່ອສະໜອງແນວພັນໃຫ້ຊາວສວນນຳໄປຜະລິດໃນອະນາຄົດ.

(ຮູບພາບກິດຈະກຳ)