ໂຄງການຄົ້ນຄ້ວາ ແລະຜະລິດແນວພັນເຂົ້າ ແມ່ນໂຄງການໜື່ງທີ່ລັດຖະບານແຫ່ງ ສປປ ລາວ ໃຫ້ຄວາມສໍາຄັນເປັນພິເສດ ໃນການສະໜອງງົບປະມານ-ການຊຸກຍູ້ ໃຫ້ມີການຈັດຕັ້ງປະຕິບັດໂຄງການ ຢ່າງຮີບດ່ວນໃນຂອບເຂດທົ່ວປະເທດ. ແນໃສ່ໃຫ້ມີເມັດພັນເຂົ້າອອກສູ່ຊາວນາ, ຜູ້ປະກອບການຕ່າງໆ ແລະ ມີເມັດພັນເຂົ້າແຮໄວ້ໃນຍາມສຸກເສີນ (ໂດຍສະເພາະເວລາທີ່ເກີດອຸຖົກກະໄພນໍ້າຖ້ວມ ແລະ ແຫ້ງແລ້ງ . ). ສະນັ້ນ, ລະຫວ່າງວັນທີ 25 ພືດສະພາ -10ມິຖຸນາ 2012, ທ່ານ ດຣ. ບຸນຖອງ ບົວຫອມ ຫົວໜ້າ ສຄກປ ທີ່ເປັນຜຸູ້ຊີ້ນໍາໂຄງການ ແລະ ຄະນະຮັບຜິດຊອບໂຄງ ການໄດ້ລົງເຄື່ອນໄຫວ ວຽກງານ ການຄົ້ນຄ້ວາ ແລະ ຜະລິດແນວພັນເຂົ້າ ຮ່ວມພະແນກກະສິກໍາ-ປ່າໄມ້ ແຂວງ ແລະ ລົງຫາ ສູນ-ສະຖານີຜະລິດແນວພັນເຂົ້າໃນຂອບເຂດທົ່ວປະເທດ. ຈຸດປະສົງຂອງການລົງຫາແຕ່ລະແຂວງ ແມ່ນ ເພື່ອສະເໜີຈຸດສົງຂອງໂຄງການ, ປຶກສາການຈັດຕັ້ງປະຕິບັດໂຄງການ, ການນໍາໃຊ້ງົບປະມານ ແລະ ທັງເປັນການເຊັນຂໍ້ຕົກລົງຮ່ວມມືຜະລິດແນວພັນເຂົ້າລະຫວ່າງ ສຄກປ ແລະພະແນກ ກະສິກຳ ແລະປ່າໄມ້ ແຂວງຢ່າງເປັນທາງການ. ເພື່ອໃຫ້ ແຂວງ ເປັນເຈົ້າການ ໃນການຈັດຕັ້ງປະຕິບັດຢ່າງມີປະສິດທິຜົນ

    ສູນພັນວິສະວະກຳ ແລະ ເຕັກໂນໂລຊີຊີວະພາບແຫ່ງຊາດ (BIOTECH) ຮ່ວມກັບມູນນິທິຣັອກກີເຟນເລີ (Rockefeller Foundation), Generation Challenge Program (GCP), ມະຫາວິທະຍາໄລກະເສດສາດ, ມະຫາວິທະຍາໄລເຕັກໂນໂລຊີຣາສະມົງຄຸນລ້ານນາລຳປາງ, ມະຫາວິທະຍາໄລອຸບົນຣາສະທານີ ແລະ ກົມການເຂົ້າ ໄດ້ທ່າຍທອດຄວາມຮູ້ ແລະ ການໃຊ້ເຕັກໂນໂລຊີເຄື່ອງໝາຍໂມເລກຸນ ໃນການຄັດເລືອກ ແລະ ປັບປຸງພັນເຂົ້າ (Marker Assisted Selection) ໃຫ້ແກ່ໜ່ວຍງານຫລັກໃນການພັດທະນາພັນເຂົ້າ ຂອງປະເທດໃນເຂດລຸ່ມແມ່ນ້ຳຂອງ ເຊິ່ງປະກອບດ້ວຍ ກົມການເຂົ້າ (ປະເທດໄທ), NAFRI (ສປປ ລາວ), DAR (ມຽນມາ) ແລະ CARDI (ກຳປູເຈຍ).
ຜ່ານການຈັດຕັ້ງປະຕິບັດໂດຍການຈັດຝຶກອົບຮົມແບບ hand-on training ໄລຍະຍາວ ແລະ ການສະໜັບສະໜູນທືນການສຶກສາໃນລະດັບປະລິນຍາໂທ/ເອກ ເພື່ອພັດທະນາບຸກຄະລາກອນດ້ານການປັບປຸງພັນພ້ອມທັງສະໜັບສະໜູນໂຄງສ້າງພື້ນຖານໃນການທົດສອບລັກສະນະທີ່ສຳຄັນທາງເຂດຕະກຳ. ແຕ່ລະປະເທດຈະເລືອກປັບປຸງພັນເຂົ້າທີ່ໄດ້ຮັບຄວາມນິຍົມຂອງປະເທດຕົນເອງໂດຍເສີມຈຸດດີ ແລະ ແກ້ໄຂຈຸດອ່ອນຂອງພັນໃຫ້ມີຄຸນລັກສະນະທີ່ດີທັງທາງດ້ານກະເສດ ແລະ ການຕະຫລາດໄປພ້ອມກັນ.

ເພື່ອເປັນການຈັດຕັ້ງປະຕິບັດຕາມຂໍ້ຕົກລົງຂອງທາງ ສະຖາບັນຄົ້ນຄວ້າກະສິກຳແລະປ່າໄມ້ແຫ່ງຊາດ ແລະອົງການອາຫານແລະການກະເສດ ໂດຍການສະໜັບສະໜູນທຶນຈາກທາງລັດຖະບານຍີ່ປຸ່ນ ໃນການຈັດຕັ້ງປະຕິບັດວຽກງານການແລກປ່ຽນຂໍ້ມູນຂ່າວສານ ທາງດ້ານພັນທຸກຳພືດໃນລາວ ເພື່ອແນ່ໃສ່ການຄໍ້າປະກັນທາງດ້ານສະບຽງອາຫານແລະການອະນຸລັກຊັບພະຍາກອນພັນພືດ ພ້ອມກັນນີ້ກໍແມ່ນເພື່ອເປັນການຮັກສາແນວພັນ ທີເປັນອາຫານແລະສາມາດຕິດຕາມການນຳໃຊ້ ການຂະຫຍາຍເຊືອພັນທີມີຄຸນຄ່າທາງອາຫານ ແລະປະຫວັດຂອງສາຍພັນຕ່າງໆ. ສະນັ້ນໃນວັນທີ 09/05/12 ທີສະຖາບັນຄົ້ນຄວ້າໄດ້ມີ ກອງປະຊຸມປິດໂຄງການດັ່ງກ່າວນີ້ຂຶ້ນ ແລະເປັນການສະຫລຸບຕີລາຄາການຈັດຕັ້ງປະຕິບັດວຽກງານທີຜ່ານມາ ໂດຍການເປັນປະທານຂອງ ທ່ານ ຮສ. ດຣ. ລິນຄຳ ດວງສະຫວັນ ຮອງຫົວໜ້າ ສະຖາບນັຄົ້ນຄວ້າກະສິກຳລແະປ່າໄມ້ແຫ່ງຊາດ ແລະພະນັກງານຜູ້ຈັດຕັ້ງ ຄະນະສູນອ້ອມຂ້າງແລະມີສ່ວນຮ່ວມໃນການຈັດຕັ້ງໂຄງການກວ່າສາມປີຜາ່ນແລະໃນນີ້ ກອງປະຊຸມໃນເຫັນຄວາມສຳຄັນຂອງວຽກງານຂໍ້ມູນທາງດ້ານ ກຳມະພັນພືດທີມີແລະຄວນສືບຕໍ່ເພື່ອເປັນບ່ອນເກັບກຳຂໍ້ມູນດັ່ງກ່າວໄວ້.

   ການກະກຽມໃສ່ລະດູການຜະລິດນາປີ 2012 ນີ້ ແຜນງານຄົ້ນຄ້ວາເຂົ້າແຫ່ງຊາດ ໂດຍສະເພາະແມ່ນໂຄງການປັບປຸງປະສິດທິພາບການຜະລິດເຂົ້າ ໄດ້ຮ່ວມກັບຜູ້ປະສານງານແຂວງ ແລະ ເມືອງ ຮີບຮ້ອນລົງກວດກາຄຸນນະພາບເມັດພັນ ໃນລະດັບກຸ່ມຊາວນາ, ກວດ ກາການຄັດເມັດພັນໃນສູນຖະຖານີ ພ້ອມນໍາສົ່ງເມັດພັນເຂົ້າລົງໃຫ້ກຸ່ມຊາວນາທັງໃນ ແລະ ນອກກຸ່ມການຜະລິດຂອງໂຄງການ ທີ່ຖືກຜົນກກະທົບຈາກໄພນໍ້າຖ້ວມ (ພະຍຸນົກເຕັນ 2011) ຊື່ງເປັນການປະຕິບັດຕາມການຕົກລົງກັນລະຫວ່າງ ສະຖາບັບຄົ້ນຄ້ວາກະສິກໍາ ແລະ ປ່າໄມ້ ກັບອົງການທະນາຄານໂລກ ໃນການໃຊ້ເງີນສ່ວນໜື່ງຂອງໂຄງການຊື້ເມັດພັນເຂົ້າແຈກຢາຍໃຫ້ຊາວນາຈໍານວນ 240 ໂຕນ, ຄິດເປັນມູນຄ່າ 1.152ຕື້ກີບ. ເມັດພັນດັ່ງກ່າວແມ່ນມອບໃຫ້  ຊາວນາຈໍານວນ 4,000 ຄອບຄົວ ທີ່ນອນໃນ 40 ບ້ານ, 11 ຕົວເມືອງຂອງ 3 ແຂວງ (ຄໍາມ່ວນ, ສະຫສັນນະເຂດ ແລະ ຈໍາປາສັກ).