ໂຄງການປັບຕົວດ້ານກະສິກຳ ຕໍ່ສະພາບການປ່ຽນແປງດິນຟ້າອາກາດ (IRAS) ຈັດກອງປະຊຸມປຶກສາຫາລືກ່ຽວກັບຍຸດທະສາດການປັບຕົວການປ່ຽນແປງດິນຟ້າອາກາດໃນດ້ານກະສິກຳ ແລະ ນະໂຍບາຍທີ່ດິນແຫ່ງຊາດ ໃນວັນທີ 13 ພະຈິກ 2012, ທີ່ສູນຮ່ວມມືສາກົນລາວ-ຍີປຸ່ນ (ຫຼັກ 5) ໂດຍການເປັນປະທານຂອງ ທ່ານ ດຣ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳ ແລະ ປ່າໄມ້ ແຫ່ງຊາດ ເຊິ່ງມີຜູ້ເຂົ້າສ່ວນຈຳນວນ 45 ທ່ານ ທີ່ມາຈາກພາກສ່ວນອົງການຈັດຕັ້ງຂອງລັດ,  ອົງການພັດທະນາສາກົນ, ສະມາຄົມພັດທະນາທ້ອງຖີ່ນ ໃນກອງປະຊຸມນີ້ໄດ້ມີການປຶກສາຫາລືທີ່ປະເດັນຕ່າງໆທີ່ກ່ຽວພັນກັບຍຸດທະສາດການປັບຕົວຕໍ່ສະພາບການປ່ຽນແປງດິນຟ້າອາກາດໃນດ້ານກະສິກຳ ແລະ ນະໂຍບາຍທີ່ດິນແຫ່ງຊາດ ທີ່ຕິດພັນຕໍ່ການຜະລິດກະສິກຳແບບຄວາມຍືນຍົງ; ພ້ອມທັງປຶກສາຫາລືກ່ຽວກັບມາດຕະການໃນການຫຼຸດຜ່ອນຄວາມສ່ຽງໄພພິບັດ ແລະ ການປ່ຽນແປງສະພາບດິນຟ້າອາກາດ.

     ໃນວັນທີ 05-14 ພະຈິກ 2012, ໂຄງການປັບຕົວດ້ານກະສິກໍາ ຕໍ່ສະພາບການປ່ຽນແປງດິນຟ້າອາກາດ ໃນ ສປປ ລາວ ໄດ້ຈັດການຝຶກອົບຮົມ IT, ຄອມພິວເຕີ ແລະ ອີເມວຂັ້ນ ພື້ນຖານໃຫ້ພະນັກງານເມືອງພຽງ ແລະ ເມືອງປາກລາຍ ແຂວງໄຊຍະບູລີ ເຊິ່ງມີຜູ້ເຂົ້າຮ່ວມຫຼາຍກວ່າ 37 ຄົນ, ຈັດຂຶ້ນທີ່ຫ້ອງປະຊຸມພະແພກກະສີກຳ ແລະ ປ່າໄມ້ແຂວງໄຊຍະບູລີ, ເມືອງຈຳພອນ ແລະ ອຸທຸມພອນ ແຂວງສະຫວັນນະເຂດ ເຊິ່ງຜູ້ເຂົ້າຮ່ວມ 15 ທ່ານ ເຊິ່ງຈັດຂຶ້ນທີ່ຂະແໜງປູກຟັງແຂວງສະຫວັນນະເຂດ  ໂດຍການເປັນຄູຝຶກຂອງທີມງານ ICT ຂອງສະຖາບັນຄົ້ນຄວ້າກະສິກຳ ແລະ ປ່າໄມ້ ແຫ່ງຊາດ.
     ການຝຶກອົບຮົມໃນຄັ້ງນີ້ ເພື່ອເປັນການສະໜັບສະໜູນໃຫ້ແກ່ພະນັກງານວິຊາການຂັ້ນເມືອງ ຂອງໂຄງການ IRAS ສາມາດນຳໃຊ້ຄອມພິວເຕີ ແລະ ອີເມວ ໃນການຈັດການຂໍ້ມູນ ແລະ ນໍາໃຊ້ຄອມພີວເຕີຂັ້ນພື້ນຖານ, ທັງເປັນການສະໜັບສະໜູນໃຫ້ແກ່ພະນັກງານວິຊາການໃນການນຳໃຊ້ເຄື່ອງມືເທັກໂນໂລຢີ ທີ່ມີໃຫ້ເກີດປະໂຫຍດເຂົ້າໃນວຽກງານຂອງເຂົາເຈົ້າ ແລະ ຊ່ວຍອຳນວຍຄວາມສະ ດວກໃນການນຳໃຊ້ເຄື່ອງຄອມພິວເຕີ ເຂົ້າໃນວຽກງານໃຫ້ມີຄວາມວ່ອງໄວ ແລະ ມີປະສິດທິພາບ.

ການເຂົ້້າຮ່ວມ ຂະບວນການ ຍ່າງຕາມຮອຍກອງພັນທີ 2 ຂອງທະຫານຝາຍລາວ ຜ່າວົງປິດລ້ອມຂອງສັດຕູ ຢູ່ທີທົງໄຫຫີນ, ແຂວງຊຽງຂວາງ.
ເພື່ອເປັນການລະນຶກເຖິງມູນເຊື້ອ ຂອງນັກຮົມຜູ້ເສຍສະລະເຂົ້າໃນການຕໍ່ສູ້ກູ້ຊາດ   ອັນພິລະອາດຫານໃນການຜ່າວົງປິດລ້ອມຂອງສັດຕູ ແລະພ້ອມດ່ຽວກັນນັ້ນກໍ່ເປັນການລົງຊ່ວຍເຫລືອຊຸກຍູ້ຊາວໜຸ່ມຮາກຖານຂອງຊາວໜຸ່ມໃນແຕ່ລະຂະແໜງການ ໃນແຂວງຊຽງຂວາງ ແລະກໍ່ຍັງເປັນການພົບປະແລກປ່ຽນບົດຮຽນຂອງບັນດາຊາວໜຸ່ມແຮກສ່ຽວອີກດ້ວຍ. ການເຂົ້າຮ່ວມຂະບວນການໃນຄັ້ງນີ້ແມ່ນລວມມີ ຄະນະຕ່າງໜ້າຊາວໜຸ່ມທົ່ວປະເທດ ເຂົ້າຮ່ວມ ກວ່າ 600 ຄົນ, ຊາວໜຸ່ມກະຊວງກະສິກຳແລະປ່າໄມ້ ມີ 19 ສ/ຫ ພ້ອມກັນນີ້ ຊາວໜຸ່ມສະຖາບັນ 5 ສະຫາຍກໍ່ໄດ້ນຳເອົາເຄື່ອງຊ່ວຍເຫລືອ ຈາກການຊຸກຍູ້ຂອງ ບັນດາອ້າຍເອືອຍນ້ອງສະມາຊິກຊາວໜຸ່ມອ້ອມຂ້າງສະຖາບັນ ແລະເຄື່ອງຊ່ວຍເຫລືອຕ່າງໆທີທາງສະຖາບັນໄດ້ ໄປມອບໃຫ້ ຊປປລາວ ແຂວງຊຽງຂວາງ ລວມມີແນວພັນເຂົ້າ 150 ກິໂລ ປື້ມເຕັກນິກຕ່າງໆ 70 ຫົວ ແລະເຄື່ອງນຸ່ງຮົມ ຈຳນວນ 8 ແກັດ

ການຊຸກຍູ້ສະໜັບສະໜູນເພື່ອຊ່ວຍເຫລືອຊາວໜຸ່ມຜູ້ທຸກຍາກ ທີແຂວງຊຽງຂວາງ ຂອງສະຖາບັນຄົ້ນຄວ້າກະສິກຳ ແລະ ປ່າໄມ້ແລະກົມຄຸ້ມຄອງພັດທະນາທີດິນກະສິກຳ ໃຫ້ແກ່ຊາວໜຸ່ມສະຖາບັນ ເພື່ອໄປມອບຕໍ່ໃຫ້ຊາວໜຸ່ມແຂວງຊຽງຂວາງ, ຊຶງໃນນີ້ ທ່ານ ສຸລິວັນທອງ ກິງແກ້ວ ຕ່າງໜ້າຄະນະສະຖາບັນຄົ້ນຄວ້າກະສິກຳ ແລະ ປ່າໄມ້ ໄດ້ມອບເຄື່ອງອຸປະກອນເຄື່ອງນຸ່ງຮົມ, ອຸປະກອນກິລາ ແລະ ການຮຽນພ້ອມກັບງົບປະມານໃນການເຄື່ອນໄຫວຄັ້ງນີ້ ຕົກເປັນມູນຄ່າ ກວ່າ 12 ລ້ານກີບ, ແລະ ທ່ານ ກວ້າງ ດວງສິລາ ຕ່າງໜ້າໃຫ້ແກ່ ກົມຄຸ້ມຄອງ ແລະ ພັດທະນາມີດິນ ມອບເຄື່ອງນຸ່ງຮົມຈຳນວນໜຶ່ງ ໃຫ້ແກ່ຄະນະຊາວໜຸ່ມສະຖາບັນ ນອກຈາກນີ້ທາງຄະນະສູນຄົ້ນຄວ້າເຂົ້າ ແລະ ພືດເສດຖະກິດ ໄດ້ມອບແນວພັນເຂົ້າທ່າດອກຄຳ 150 ກິໂລ ແລະ ເຄື່ອງນຸ່ງຮົມຈຳນວນໜຶ່ງ ຕົກເປັນມູນຄ່າກວ່າ ໜຶ່ງລ້ານກີບ ໂດຍແມ່ນ ທ່ານ ນາງ ດຣ. ໃຈ ບຸນພະນຸໄຊ ເປັນຜູ້ມອບ