ເພື່ອເຮັດໃຫ້ການຈັດຕັ້ງປະຕິບັດການຜະລິດເມັດພັນເຂົ້າ ໃຫ້ສາມາດບັນລຸໄດ້ຕາມເປົ້າໝາຍຂອງລັດຖະບານ ກໍຄືຂອງກະຊວງ ກະສິກໍາ ແລະ ປ່າໄມ້ ທີ່ແນໃສ່ການຫັນເປັນອຸສະຫະກໍາ ແລະ ທັນສະໃໝຂອງຂະແໜງກະສິກໍາ ພ້ອມກັນນີ້ກໍ່ເພື່ອເປັນການຍົກຜະລິດຕະພາບແຮງງານ ແລະ ການຜະລິດໃຫ້ມີປະສິດຕິພາບຂຶ້ນກວ່າເກົ່າ. ສະນັ້ນໃນວັນທີ 5 ມີນາ 2012 ສະຖາບັນ ຄົ້ນຄວ້າ ກະສິກໍາ ແລະ ປ່າໄມ້ ໃນນາມຜູ້ຊີ້ນໍາ ແລະ ຈັດຕັ້ງປະຕິບັດໂຄງການປັບປຸງ ປະສິດທິພາບການຜະລິດເຂົ້າ (RPIP) ແລະ ໂຄງການປັບ ປຸງຄໍ້າປະກັນສະບຽງອາຫານເຂດເນີນສູງ (LUFSIP), ທີ່ໄດ້ ຮັບທຶນສະໜັບສະໜູນ ຈາກອົງການທະນາຄານໂລກ ແລະ ສະຫະພາບເອີຣົບ ໄດ້ຈັດພິທີມອບຮັບກົນຈັກກະສິກໍາ ໃຫ້ແກ່ສູນ-ສະຖານີຄົ້ນຄວ້າ ແລະ ຜະລິດເມັດພັນເຂົ້າທົ່ວປະເທດ. ເປັນກຽດເຂົ້າຮ່ວມ ແລະ ເປັນປະທານ ແລະ ມອບຮັບໃນຄັ້ງນີ້ ທ່ານ ວິໄລວັນ ພົມເຂ ລັດຖະມົນຕີວ່າການກະຊວງກະສິກໍາ ແລະ ປ່າໄມ້, ຊ່ອງໜ້າບັນດາແຂກ, ຫົວໜ້າກົມ, ກອງ ແລະ ສຄກປ ອ້ອມ ຂ້າງກະຊວງກະສິກໍາ ແລະ ປ່າໄມ້.

ໃນວັນທີ 30 ມີນາ ສອງສະຖາບັນຂອງສອງກະຊວງໄດ້ສ້າງສາຍສຳພັນຫັດແໜ້ນຄວາມສາມັກຄີໃຫ້ເລິກເຊິງຂຶ້ນກວ່າເກົ່າ ໂດຍການຈັດຂະບວນການກິລາບານເຕະມິດຕະພາບ ລະຫວ່າງສະຖາບັນຄົ້ນຄວ້າ່ກະສິກຳແລະປ່າໄມ້ແຫ່ງຊາດ ຊຶ່ງນຳທີມໂດຍ ດຣ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳແລະປ່າໄມ້ ແຫ່ງຊາດ ແລະ ທ່ານ ດຣ ລີເວີ ຫົວໜ້າ ສະຖາບັນ ຄົ້ນຄວ້າເສດຖະກິດແຫ່ງຊາດ ກະຊວງແຜນການແລະການລົງທຶນ. ຊຶ່ງໄດ້ມີນັກກິລາອາວຸໂສ ຊາວໜຸ່ມເຂົ້າຮ່ວມກວ່າ 30 ທ່ານ ແລະບັນຍາກາດຂອງຂະບວນການດັ່ງກ່າວ ແມ່ນເຕັມໄປດ້ວຍຄວາມຮັກແພງແລະສ້າງຄວາມໃກ້ຊິດຂອງພະນັກງານໃນສອງສະຖາບັນ ຊຶ່ງເປັນການສ້າງໂອກາດໃຫ້ເຂົາເຈົ້າໄດ້ແລກປ່ຽນບົດຮຽນຊຶງກັນແລະກັນໄດ້ຫລາຍຂຶ້ນ    

ໃນຕອນ​ເຊົ້າ ຂອງ ວັນ​ທີ່ 5 / 3 /​ 2012 ທີ​ຜ່ານ​ມາ ໂຄງການປັບປຸງລະບົບການຜະລິດ ແລະ ການຕະຫຼາດ ​ໄດ້​ເປີດກອງປະຊຸມ ເພື່ອວາງແຜນປະຈໍາປີ ແລະ ປະເມີນກາງໂຄງການ ຂຶ້ນທີ່​ຫ້ອງ​ປະຊຸມ​ຂອງ​ພະ​ແນ​ກກະສິກໍາ ​ແລະ ປ່າ​ໄມ້ ​ແຂວງ​ສະ​ຫວັນນະ​ເຂດ. ​ໃຫ້ກຽດ​ເປັນ ​ປະທານ​ເປີດ​ພິທີ​​ ໂດຍ ທ່ານ ວິໄລສຸກ ເຄນນະວົງ ຫົວໜ້າ​ ພະແນກ ກະສິກໍາ ແລະ ປ່າໄມ້ ແຂວງ ສະຫວັນນະເຂດ, Dr. John Dixon ຜູ້​ຈັດການ​ແຜ​ນການ​ຄົ້ນຄວ້າ​ດ້ານ​ລະບົບ​ການ​ປູກ​ພືດ ​ແລະ ​ເສດຖະກິດ ຂອງ ອົງການ ACIAR,  ດຣ. ວັນທອງ  ແພງວິຈິດ ຫົວໜ້າພະແນກ ຄົ້ນຄວ້າທົດລອງສຄກປ, Prof. Dr. Len Wade ຫົວໜ້າໂຄງການ​ປັບປຸງ​​ລະບົບ​ການ​ຜະລິດ ​ແລະການ​ຕະຫຼາດ​.