ຕອນເຊົ້າ ຂອງວັນທີ 03 ສິງຫາ 2012 ຢູ່ທີ່ສະໂມສອນໃຫຍ່ຂອງສະຖາບັນຄົ້ນຄວ້າກະສິກຳ ແລະ ປ່າໄມ້ ແຫ່ງຊາດ  ໄດ້ຈັດພິທີເຜີຍແຜ່ເອກະສານກ່ຽວກັບລະບຽບຂອງລັດຖະກອນ. ໃຫ້ກຽດເຜີຍແຜ່ເອກະສານຄັ້ງນີ້ ໂດຍ ທ່ານ ດຣ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳ ແລະ ປ່າໄມ້ ແຫ່ງຊາດ, ໃນນັ້ນມີບັນດາຫົວໜ້າພະແນກ, ຫົວໜ້າສູນ ແລະ ພະນັກງານທົ່ວສະຖາບັນເຂົ້າຮ່ວມທັງໝົດ 285 ທ່ານ.
 ຈຸດປະສົງ ໃນການເຜີຍແຜ່ເອກະສານໃນຄັ້ງນີ້ ເພື່ອໃຫ້ທຸກຄົນເຊື່ອມຊືມ ແລະ ເຂົ້າໃຈແຈ້ງຕື່ມກ່ຽວກັບທັດສະນະແນວທາງຂອງພັກ ແລະ ນະໂຍບາຍຂອງລັດຖະບານຕໍ່ວຽກງານຄຸ້ມຄອງລັດຖະກອນໃນໄລຍະໃໝ່ ໃຫ້ມີຄວາມເຂົ້າໃຈ ແລະ ເປັນເອກະພາບໃນການຈັດຕັ້ງປະຕິບັດ, ເອກະສານທີ່ນຳມາເຜີຍແຜ່ໃນຄັ້ງນີ້ມີທັງໝົດ 20 ໝວດ 98 ມາດຕາ (ຂໍ້ມູນລະອຽດອ່ານເພີ້ມໃນຈົດໝາຍຂ່າວ ສະບັບທີ 134 ເດືອນ ສິງຫາ ປີ 2012)

ໃນຕອນເຊົ້າ ວັນທີ 30 ກໍລະກົດ 2012 ໄດ້ຈັດກອງປະຊຸມລາຍງານ ການຈັດຕັ້ງປະຕິບັດການຄຸ້ມຄອງກຸ້ງພື້ນເມືອງ ບ້ານນາໂພ ເມືອງ ປາກແຊງ ແຂວງ ຫຼວງພະບາງ ເຊິ່ງມີຈໍານວນຄົນເຂົ້າຮ່ວມທັງໝົດ 95 ກ່ວາທ່ານ ໃນນັ້ນມີແຂກທີ່ຖືກເຊີນເຂົ້າຮ່ວມຈາກຫຼາຍຂະແໜງການ ເຊັ່ນ: ພະແນກແຜນການ ແລະ ການຮ່ວມມື ກະຊວງ ກະສິກຳ ແລະ ປ່າໄມ້ ແຜ່ນການ ແລະ ການລົງທື່ນ, ສະຖາບັນຄົ້ນຄວ້າ ກະສິກຳ ແລະ ປ່າໄມ້ ແຫ່ງຊາດ ສູນຄົ້ນຄວ້າການປະມົງ, ນັກຂ່າວວຽງຈັນທ່າມ, ໂທລະພາບແຫ່ງຊາດ, ແຂວງ , ເມືອງ, ບ້ານ ແລະ ປະຊາຊົນເຂດບ້ານນາໂພ ເຂົ້າຮ່ວມຢ່າງພ້ອມພຽງ.
ຈຸດປະສົງ ເພື່ອປະເມີນຜົນຂອງການປະກາດໃຊ້ກົດລະບຽບການຄຸ້ມຄອງໃນການຈັບກຸ້ງໃນໄລ່ຍະ 1 ປີ ຜ່ານມາ ແລະ ປະເມີນຜົນອີກ 2 ປີຕໍ່ໜ້າປະຊາກອນກຸ້ງຈະເພີ່ມຂຶ້ນ ຫຼື ຫຼຸດລົງ (ຂໍ້ມູນລະອຽດອ່ານເພີ້ມໃນຈົດໝາຍຂ່າວ ສະບັບທີ 134 ເດືອນ ສິງຫາ ປີ 2012)

ກອງປະຊຸມປະເມີນຜົນການຈັດຕັ້ງປະຕິບັດໂຄງການໄດ້ໄຂຂື້ນຢ່າງເປັນທາງການທີ່ໂຮງແຮມແກຣນ, ທີ່ເມືອງປາກເຊ, ແຂວງຈໍາປາສັກ, ໂດຍການເປັນປະທານຂອງ ທ່ານ ສຸລິວັນທອງ ກີ່ງແກ້ວ ຮອງຫົວໜ້າ ສຄກປ, ເຂົ້າຮ່ວມໃນກອງປະຊຸມມີ ຮອງຫົວໜ້າ ສຄກປ, ຕາງໜ້າກົມແຜນການ, ຕາງໜ້າໂຄງການ LUFSIP ແລະ NURiFaR, ຫົວໜ້າ ແລະ ຄະນະພະແນກກະສິກໍາ ແລະ ປ່າໄມ້ 4ແຂວງ (ຄໍາມ່ວນ, ສະຫວັນ ນະເຂດ, ສາລະວັນ ແລະ ຈໍາປາສັກ) ທີ່ຈັດຕັ້ງປະຕິບັດໂຄງການ, ພ້ອມທ່ານຜູ້ປະ ສານງານໂຄງການຂັ້ນແຂວງ, ຜູ້ປະສານງານໂຄງການຂັ້ນເມືອງ, ແລະ ຕົວແທນກຸ່ມຊາວນາ, ຊື່ງລວມຜູ້ເຂົ້າຮ່ວມ 89 ຄົນເປັນຍີງ 17 ຄົນ.
ຈູຸດປະສົງ ຂອງກອງປະຊຸມ: ເພື່ອສະຫຼູບ ແລະ ປະເມີນຜົນການຈັດຕັ້ງປະຕິບັດໂຄງການໃນ 6 ລະດູການຜະລິດໃຫ້ເມືອງ, ແຂວງລາຍງານ. 
ແລກປ່ຽນ-ຖອດຖອນບົດຮຽນຮ່ວມລະຫວ່າງຜູ້ປະສານງານ, ເຈົ້າໜ້າທີ່ ທີ່ກ່ຽວຂອງ ແລະ ຊາວນາຜູ້ຜະລິດ (ກັນອັນດີ, ອັນທີ່ຂາດຕົກບົກຜ່ອງ, ອັນຄວນປັບປຸງ ແລະ ແກ້ໄຂໃນການຈັງຕັ້ງປະຕິບັດ).  (ຂໍ້ມູນລະອຽດອ່ານເພີ້ມໃນຈົດໝາຍຂ່າວ ສະບັບທີ 134 ເດືອນ ສິງຫາ 2012)

ໃນຕອນເຊົ້າ ວັນທີ່ 13 ກໍລະກົດ ທີ່ຜ່ານມານີ້ ຈຸແມ່ຍິງ ສູນຄົ້ນຄວ້າການປະມົງ ກໍ່ຄືສະຖາບັນຄົ້ນຄວ້າກະສິກໍາ ແລະ ປ່າໄມ້ ແຫ່ງຊາດ ກໍ່ໄດ້ເຂົ້າຮ່ວມສ້າງຂະບວນການ ໃນວັນປ່ອຍປາແຫ່ງຊາດ ຢູ ແຂວງ ບໍລິຄຳໄຊ ອ່າງຫວ້ຍສຽດຈໍານວນ 12 ສະຫາຍ.

ໂດຍການເປັນປະທານຂອງ ທ່ານ ຮສ. ດຣ. ຄຳຜາດ ສຸລິນພູມີ ລັດຖະມົນຕີຊ່ວຍວ່າການ ກະຊວງກະສິກຳ ແລະ ປ່າ ໄມ້, ທ່ານ. ປ້ານນ້ອຍ ມະນີ ເຈົ້າ ແຂວງ ບໍລິຄຳໄຊ ແລະ ເຈົ້າ ແຂວງ ເງອານ ແລະ ຮາຕິງ ຂອງ ສສ ຫວຽດນາມ.  ເຊິ່ງເປັນແຂວງແຮກສ່ຽວກັບ ແຂວງບໍລິຄຳໄຊ. ແຂກທີ່ເຂົ້າຮວ່ມ: ມີເມືອງ, ແຂວງ, ພະແນກການອ້ອມຂ້າງ ແລະ ປະຊາຊົນເຂົ້າຮ່ວມທັງໝົດ 250 ກວ່າຄົນ ຢູອ່າງຫວ້ຍສຽດ.
ຈຸດປະສົງ ເພື່ອທົດແທນຈຳນວນປາໃນທຳມະຊາດ ແລະ ເພື່ອຄວາມຍືນຍົງ ໃນການນຳໃຊ້ຊັບພະຍາກອນສັດນ້ຳຢ່າງມີປະສິດຕິພາບ. (ຂໍ້ມູນລະອຽດອ່ານເພີ້ມໃນຈົດໝາຍຂ່າວ ສະບັບທີ 134  ເດືອນ ສິງຫາ 2012 ).