ເພື່ອເຮັດໃຫ້ບັນຍາກາດຂອງການສະເຫລີມສະຫລອງປີຊີວະນາໆພັນແລະສິ່ງແວດລ້ອມສາກົນ ແລະພ້ອມກັນນີ້ກໍ່ເພື່ອເປັນການສ້າງຂະບວນການວັນປູກຕົ້ນໄມ້ແຫ່ຊາດໃຫ້ມີສີສັນ. ໃນວັນທີ 2 ມິຖນາ 2011, ທີຫໍວັດຖະນາທຳແຫ່ງຊາດ ໂດຍການເປັນເຈົ້າພາບລະຫວ່າງ ອົງການນໍ້າແລະສິ່ງແວດລ້ອມ ແລະກະຊວງກະສິກຳແລະປ່າໄມ້ ໃນການຈັດກອງປະຊຸມສຳມະນາໃນຫົວຂໍ້: ປ່າໄມ້ແລະສິ່ງແວດລ້ອມ ໂດຍເປັນປະທານຂອງ ທ່ານ ນາງ ເຂັມແພງ ພົນເສນາ ລັດຖະມົນຕີປະຈຳສະນັກງານນາຍຍົກ ປະທານ ອົງການນໍ້າແລະສິ່ງແວດລ້ອມ ແລະ ທ່ານ ດຣ. ຕີ ພົມມະສັກ ລັດຖະມົນຕີຊ່ວຍວ່າການ ກະຊວງກະສິແລະປ່າໄມ້.  ກອງປະຊຸມໄດ້ດຳເນີນໄປດ້ວຍບັນຍາກາດອັນຟົດຟືນແລະໄດ້ມີການຮັບຝັງການນຳສະເໜີຈາກບັນດາກົມກອງອ້ອມຂ້າງຂອງແຕ່ລະພາກສ່ວນແລະໄດ້ເປີດມີການສົນທະນາໃນແຕ່ລະບັນຫາ ຂອງຜູ້ເຂົ້າຮ່ວມຈາກພາກສ່ວນຕ່າງໆທີໃຫ້ຄວາມສົນໃຈກວ່າ 200 ກວ່າຄົນ ແລະນອກນັ້ນຍັງໄດ້ມີກິດຈະກຳການອອກຮ້ານວາງສະແດງວຽກງານດ້ານຊີວະນາໆພັນຂອງພາກສ່ວນດັ່ງກ່າວ ແລະສະຖາບັນຄົ້ນຄວ້າກະສິກຳແລະປ່າໄມ້ແຫ່ງຊາດ ເອງກໍ່ໄດ້ເຂົ້າຮ່ວມ

ວຽກງານການເຜີຍແຜ່ຂໍ້ມູນຂ່າວສານ ແລະ ການຮ່ວມມືໂດຍການນຳໃຊ້ເຄື່ອງມືວິທະຍາສາດເຕັກໂນ ໂລ ຢີຂ່າວສານເປັນຕົວຊ່ວຍໃນວຽງານຕ່າງໆ. ສະນັ້ນການພັດທະນາລະບົບການເຜີຍແຜ່ ຂໍ້ມູນຂ່າວສານ ໃນສະຖາບັນ ຜ່ານລະບົບຂ່າວສານອິນເຕີເນັດທາງເວັບໄຊ ເຊິງເປັນເຄື່ອງມືອັນສຳຄັນໃນການເຜີຍແຜ່ ແລະປະຍັດເວລາ.ຊິ່ງໃນນັ້ນສະຖາບັນເອງກໍ່ໄດ້ພັດທະນາແຜ່ນງານ ດັ່ງກ່າວລົງສູ່ສູນອອ້ມຂ້າງ ໃຫ້ເຂົາ ເຈົ້າສາມາດນຳໃຊ້ ແລະ ໄດ້ມີການພັດທະນາລະບົບດັ່ງກ່າວດ້ວຍຕົນເອງ, ເຊິ່ງສູນຄົ້ນຄ້ວານະໂຍບາຍກະສິກຳ ແລະ ປ່າໄມ້ ທີ່ຂື້ນກັບ ສະຖາບັນຄົ້ນຄ້ວາ ກະສິກຳ ແລະ ປ່າໄມ້ແຫ່ງຊາດ ຈຶ່ງໄດ້ມີການພັດ ທະນາສ້າງເວັບໄຊຂອງສູນຂື້ນສຳເລັດຮຽບຮ້ອຍ ແລະ ເວັບໄຊດັ່ງກ່າວ ແມ່ນນອນຢູ່ພາຍໃຕ້ອັນດຽວກັບ ສະຖາບັນຄົ້ນຄ້ວາກະສິກຳ ແລະ ປ່າໄມ້ແຫ່ງຊາດໂດຍ ທ່ານ ສາມາດຄິກ http://afprc.nafri.org.la

ໃນຕອນບ່າຍຂອງວັນທີ 10 ພຶດສະພາ 2011 ທີ່ຜ່ານມານີ້ ຢູ່ທີ່ຫ້ອງການກະຊວງກະສິກຳ ແລະ ປ່າໄມ້ ໄດ້ຈັດພິທີເຊັນສັນຍາລົງນາມເອກະສານ ໂຄງການປັບປຸງຄວາມອາດສາມາດໃນການປັບຕົວເຂົ້າສູ່ສະພາບເດີມດ້ານກະສິກຳ ຈາກຜົນກະທົບຂອງການປ່ຽນແປງດິນຟ້າອາກາດ ຢູ່ສປປ ລາວ ໂດຍການໃຫ້ກຽດລົງນາມ ຂອງຝ່າຍລາວ, ທ່ານ ສຸລິວັນທອງ ກີ່ງແກ້ວ, ຮອງຫົວໜ້າ ສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ ແລະ ຝ່າຍສະຫະປະຊາຊາດ, ທ່ານນາງ ກຽວໂກະ ໂຍໂກສຸມາ, ຮອງຜູ້ຕາງໜ້າສະຫະປະຊາຊາດ ປະຈຳ ສປປລາວ. ພ້ອມດ້ວຍຜູ້ຕາງໜ້າບັນດາກົມ, ກອງ, ແລະ ໂຄງການທີ່ກ່ຽວຂ້ອງ ອ້ອມຂ້າງກະຊວງກະສິກຳ ແລະ ປ່າໄມ້ ຈຳນວນໜື່ງເຂົ້າຮ່ວມ ເພື່ອເປັນສັກຂີພະຍານໃນຄັ້ງນີ້ອີກດ້ວຍ.

ເພື່ອເຮັດໃຫ້ການປະຕິບັດວຽກງານ ແຜນການຂອງ ສະຖາບັນຄົ້ນຄວ້າ ກະສິກຳ ແລະ ປ່າໄມ້ ໄດ້ຮັບການຜັນຂະຫຍາຍເຂົ້າໃນວຽກງານຂອງບັນດາພະແນກການ ແລະ ສູນຄົ້ນຄວ້າ ກະສິກຳ ແລະ ປ່າໄມ້ ທີ່ຂຶ້ນກັບ ສຄກປ ໄດ້ນຳ ໄປປະຕິບັດ ຕາມແຕ່ລະໄລຍະ ແລະ ຖືກຕ້ອງສອດຄ່ອງກັບ ແຜນພັດທະນາ ກະສິກຳ ແລະ ປ່າໄມ້, ຍຸດທະສາດ ການຄົ້ນຄວ້າ ແລະ ແຜນການຄົ້ນຄວ້າ ກະສິກຳ ແລະ ປ່າໄມ້ໃນໄລຍະ 5 ປີຕໍ່ໜ້າ 2011 – 2015, ດັ່ງນັ້ນ ໃນວັນທີ່ 5 – 6 ພຶດສະພາ 2011 ຈຶ່ງໄດ້ຈັດ ກອງປະຊຸມ ສະຫຼຸບການຈັດຕັ້ງປະຕິບັດແຜນການ ແລະ ການເງີນ ສົກປີ 2009 – 2010 ແລະ ແຜນການປະຕິບັດ ສົກປີ 2010 – 2011 ຂອງສະຖາບັນ ຄົ້ນຄວ້າ ກະສິ ກຳ ແລະ ປ່າໄມ້ແຫ່ງຊາດ ຂຶ້ນຢ່າງເປັນທາງການ ຢູ່ທີຫ້ອງປະຊຸມ ຂອງສູນຄົ້ນຄວ້າທີ່ດິນກະສິກຳ ແລະ ປ່າໄມ້ (ສຄກປ), ໄດ້ຮັບກຽດເປັນປະທານກອງປະຊຸມໂດຍແມ່ນ ທ່ານ ດຣ. ບຸນຖອງ ບົຫອມ ຫົວໜ້າສະຖາບັນ ຄົ້ນຄວ້າ ກະ ສິກຳ ແລະ ປ່າໄມ້ແຫ່ງຊາດ, ຜູ້ເຂົ້າຮ່ວມກອງປະຊຸມໃນຄັ້ງນີ້ປະກອບມີ 3 ພະແນກການ, ຫ້ອງການສະພາວິທະຍາ ສາດ ແລະ 11 ສູນອອ້ມຂ້າງສະຖາບັນເຂົ້າຮ່ວມທັງໜົດ 63 ທ່ານ, ຍິງ 23 ທ່ານ.