Monthly Archives: July 2020

ຄະນະ ຊປປລ ຮາກຖານ ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດຮ່ວມກັບ ຊປປລ ຮາກຖານຫ້ອງການກະຊວງກະສິກຳ ແລະ ປ່າໄມ້ສ້າງຂະບວນການສຳມະນາແລກປ່ຽນບົດຮຽນດ້ານວິຊາການຢູ່ສູນພັດທະນາ ແລະ ບໍລິການດ້ານການກະເສດ

img_1494

ຂະບວນການສຳມະນາແລກປ່ຽນບົດຮຽນດ້ານວິຊາການລະຫວ່າງ ຄະນະ ຊປປລ ຮາກຖານສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ແລະ ຊປປລ ສູນພັດທະນາ ແລະ ບໍລິການດ້ານການກະເສດຫ້ວຍຊອນ – ຫ້ວຍຊົ້ວໄດ້ຈັດຂື້ນໃນວັນທີ 15 ກໍລະກົດ 2020 ທີ່ຫ້ອງປະຊຸມສູນພັດທະນາ ແລະ ບໍລິການດ້ານການກະເສດຫ້ວຍຊອນ – ຫ້ວຍຊົ້ວ ໃນເວລາ 13:00 ໂມງ. ໂດຍການເປັນປະທານຂອງ ສະຫາຍ. ບຸນຈັນ ກົມບຸນຍະສິດ ຮອງເລຂາຄະນະບໍລິຫານງານ ຊປປລ ກະຊວງກະສິກຳ ແລະ ປ່າໄມ້, ສະຫາຍ. ມະໂນລັກ ບຸນສີຫາລາດ ເລຂາ ຄະນະ ຊປປລ ຮາກຖານສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ ແລະ ສະຫາຍ. ວົງສະຫວັນ ວົງໄກສອນ ເລຂາ ຄະນະ ຊປປລ ຮາກຖານຫ້ອງການກະຊວງກະສິກຳ ແລະ ປ່າໄມ້. ນອກນັ້ນຍັງມີບັນດາສະຫາຍເລຂາ, ຮອງເລຂາ, ຄະນະໜ່ວຍ ແລະ ສະມາຊິກ ຊປປລ ທັງສອງຮາກຖານກໍ່ໄດ້ເຂົ້າຮ່ວມຈຳນວນທັງໝົດ 46 ສະຫາຍ.

ຈຸດປະສົງໃນການສ້າງຂະບວນການສຳມະນາແລກປ່ຽນບົດຮຽນດ້ານວິຊາການໃນຄັ້ງນີ້ແມ່ນເພື່ອເປັນການ ແລກປ່ຽນບົດຮຽນທາງດ້ານວິຊາການ ໃນການພັດທະນາກະສິກຳ ໄລຍະໃໝ່ຂອງຊາວໜຸ່ມ ໃຫ້ມີຄວາມເຂັ້ມແຂງພ້ອມທັງເປັນການ ສ້າງຂະບວນການຕ້ອນຮັບກອງປະຊຸມໃຫຍ່ 3 ຂັ້ນ ຂອງຄະນະພັກກະຊວງ ແລະ ກອງປະຊຸມໃຫຍ່ ຂອງຊາວໜຸ່ມກະຊວງກະສິກຳ ແລະ ປ່າໄມ້ ທີ່ຈະໄຂຂື້ນໃນໄວໆນີ້ໃຫ້ມີຄວາມຟົດຟື້ນເຕັມໄປດ້ວຍຄວາມໝາຍຄວາມສຳຄັນຢ່າງເລິກເຊີ່ງ.  ການສ້າງຂະບວນການສຳມະນາແລກປ່ຽນບົດຮຽນດ້ານວິຊາການໃນຄັ້ງນີ້ໄດ້ມີການນຳສະເໜີບັນດາເຕັກນິກການຜະລິດກະສິກຳທັງໝົດ 5 ຫົວຂໍ້ຈາກຄະນະ ຊປປລ ຮາກຖານ ສກປພ 3 ຫົວຂໍ້ ແລະ  2 ຫົວຂໍ້ ຈາກຊປປລ ສູນພັດທະນາ ແລະ ບໍລິການດ້ານການກະເສດຫ້ວຍຊອນ – ຫ້ວຍຊົ້ວ ດັ່ງນີ້:

  1. ໂອກາດແລະທ່າແຮງໃນການຜະລດິຖາ່ນຂາວເປັນສິນຄ້າຂອງສປປລາວ ນຳສະເໜີໂດຍ: ຊປປລ ຮາກຖານ ສກປພ
  2. ເຕັກນິກການປູກໝາກແຕງເມລອນ ນຳສະເໜີໂດຍ ຊປປລ ສູນພັດທະນາ ແລະ ບໍລິການດ້ານການກະເສດຫ້ວຍຊອນ – ຫ້ວຍຊົ້ວ
  3. ຫອມທ່າດອກຄຳ 8 ເຂົ້າໜຽວແນວພັນໃໝ່ ນຳສະເໜີໂດຍ ຊປປລ ຮາກຖານ ສກປພ
  4. ເຕັກນິກການປະສົມພັນທຽມປາດຸກ ນຳສະເໜີໂດຍ: ຊປປລ ສູນພັດທະນາ ແລະ ບໍລິການດ້ານການກະເສດຫ້ວຍຊອນ – ຫ້ວຍຊົ້ວ
  5. ສຶກສາການໃຫ້ອາຫານເສີມໃນການທອມງົວ ນຳສະເໜີໂດຍ ຊປປລ ຮາກຖານ ສກປພ

img_1429 img_1435 img_1489 img_1447

ພາຍຫຼັງການນຳສະເໜີບັນດາເຕັກນິກຕ່າງໆສຳເລັດແລ້ວໄດ້ມີການສົນທະນາແລກປ່ຽນບົດຮຽນກັນຢ່າງເປັນຂະບວນຟົດຟື້ນຈາກ ບັນດາຜູ້ເຂົ້າຮ່ວມ ພ້ອມກັນນັ້ນຍັງໄດ້ ຢ້ຽມຊົມບັນດາກິດຈະກຳແລະ ປະຫວັດຄວາມເປັນມາຂອງສູນພັດທະນາ ແລະ ບໍລິການດ້ານການກະເສດກະເສດຫ້ວຍຊອນ – ຫ້ວຍຊົ້ວ.

img_1471 img_1462

ການໃນຄັ້ງນີ້ສາມາດຕິລາຄາໄດ້ວ່າ ບັນດານັກສຳມະນາກອນຜູ້ເຂົ້າຮ່ວມທັງສອງຝ່າຍແມ່ນ ໃຫ້ຄວາມຄວາມສົນໃຈຕໍ່ບັນດາບົດນຳສະເໜີຕ່າງໆ ຊື່ງສະແດງອອກໃນການສົນທະນາຖາມຕອບ ແລະ ໄດ້ມີການປຶກສາຫາລືກັນໃນການຈັດສຳມະນາແລກປ່ຽນບົດຮຽນດ້ານວິຊາການໃນຄັ້ງຕໍ່ໄປ ເພາະມັນເປັນການນຳເອົານັກວິຊາທາງດ້ານການຄົ້ນຄວ້າ ແລະ ນັກວິຊາການພັດທະນາສົ່ງເສີມ ມາແລກປ່ຽນກັນໃຫ້ເຫັນແລະເຂົ້າໃຈຂອງທັງສອງວຽກງານໄດ້ຫຼາຍຂື້ນ. ຈາກນັ້ນຄະນະຈັດຕັ້ງກໍ່ໄດ້ຂື້ນກ່າວຄຳຂອບໃຈ ແລະ ປິດກອງປະຊຸມສຳມະນາແລກປ່ຽນບົດຮຽນດ້ານວິຊາການໃນເວລາ 17:20 ໂມງ.

 

ໂດຍ: ສຸລິວົງ ກອງມະນີວົງ ສູນຂໍ້ມູນຂ່າວສານກະສິກຳ ແລະ ປ່າໄມ້

ຮູບພາບໂດຍ: ຈັນທະສອນ ມະນີວົງ ສູນຂໍ້ມູນຂ່າວສານກະສິກຳ ແລະ ປ່າໄມ້

ສູນຄົ້ນຄວ້າການປະມົງຈັດພິທີສະເຫຼີມ-ສະຫຼອງວັນອະນຸລັກສັດນ້ຳ-ສັດປ່າແຫ່ງຊາດ

img_1074

ເພື່ອເປັນການສະເຫຼີມ-ສະຫຼອງວັນອະນຸລັກສັດນ້ຳ-ສັດປ່າ ແລະ ເພື່ອເປັນການສ້າງຂະບວນການຂໍ່ານັບ-ຮັບຕ້ອນວັນຄ້າຍວັນເກີດຂອງທ່ານ ປະທານ ສຸພານຸວົງ ຄົບຮອບ 111 ປີ. ໃນຕອນເຊົ້າ ວັນທີ 10 ກໍລະກົດ 2020ນີ້ ສູນຄົ້ນຄ້ວາການປະມົງ, ສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ ຈັດພິທີປ່ອຍປາ ຂຶ້ນທີ່ໜອງປາ ສູນຄົ້ນຄ້ວາການປະມົງ, ໂດຍການເຂົ້າຮ່ວມຂອງທ່ານ ປອ ຈັນສະໝອນ ພົງອຸດົມ ຮອງຫົວໜ້າສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ, ທ່ານ ສຸລິວົງ ໄຊຍະວົງ ຮອງຫົວໜ້າສະຖາບັນຄົ້ນຄ້ວາກະສິກຳ, ປ່າໄມ້ ແລະ ພັດທະນາຊົນນະບົດ, ພ້ອມດ້ວຍຫົວໜ້າສູນອ້ອມຂ້າງ, ຜູ້ຕາງໜ້າຈາກສູນພັດທະນາການກະເສດຫ້ວຍຊ້ອນ-ຫ້ວຍຊົ້ວ, ບໍລິສັດ ວີຕາຟອດ ອັກກະໂລ ເອເຊຍ, ຄະນະບ້ານອ້ອມຂ້າງ ແລະ ພະນັກງານພາຍໃນສູນຄົ້ນຄ້ວາການປະມົງເຂົ້າຮ່ວມຢ່າງພ້ອມພຽງ.
ຈຸດປະສົງໃນການປ່ອຍປາຄັ້ງນີ້ ກໍຍັງເປັນການປູກຈິດສຳນຶກໃຫ້ແກ່ອະນຸຊົນ, ເຍົາວະຊົນຂອງຊາດ ໃຫ້ມີສະຕິ ຮັກ ແລະ ຫວງແຫນ ສັດນ້ຳ ແລະ ສັດປ່າ ແລະ ຍັງເປັນການປຸກລະດົມທົ່ວປວງຊົນ ເຂົ້າຮ່ວມໃນການຄຸ້ມຄອງ, ປົກປັກຮັກສາ, ພັດທະນາ ແລະ ນຳໃຊ້ສັດນ້ຳ ແລະ ສັດປ່າ, ເຮັດໃຫ້ປະຊາກອນສັດນ້ຳ ໃຫ້ນັບມື້ມີຄວາມອຸດົມສົມບູນ ແລະ ກາຍເປັນທ່າແຮງໃນການຄ້ຳປະກັນດ້ານສະບຽງອາຫານ ແລະ ປັບປຸງຊີວິດການເປັນຢູ່ຂອງປະຊາຊົນໃຫ້ນັບມື້ດີຂຶ້ນ. ໃນແຕ່ລະປີສູນຄົ້ນຄ້ວາການປະມົງ ສາມາດຜະລິດແນວພັນປາ ເພື່ອຕອບສະໜອງໃຫ້ແກ່ສັງຄົມໄດ້ປະມານ 1-1,2 ລ້ານໂຕ, ໃນນີ້ມີປາພື້ນເມືອງປະມານ 30%, ໃນປີນີ້ກະຊວງກະສິກຳ ແລະ ປ່າໄມ້ ໄດ້ວາງຄາດ ໝາຍສູ້ຊົນ ປ່ອຍປາ ແລະ ສັດນ້ຳ ໃນທົ່ວປະເທດໃຫ້ໄດ້ 320 ລ້ານໂຕ, ສະເພາະຊ່ວງວັນປ່ອຍປາໃຫ້ໄດ້ 55 ລ້ານໂຕ. ສູນຄົ້ນຄ້ວາການປະມົງ ໄດ້ປະກອບສ່ວນໃນງານປ່ອຍປາແຫ່ງຊາດ ປະມານ 2 – 3 ແສນໂຕຕໍ່ປີ.
ສໍາລັບ ຊະນິດປາທີ່ນໍາມາປ່ອຍໃນປີນີ້ ປະກອບມີ: ປາບຶກ, ປາເຄິງ, ປາກົດ, ປາຊວາຍ, ປາເໝັ້ນ, ປາເພ້ຍ, ປາແກງ, ປາປາກ ແລະ ປາຊະນິດອື່ນໆ ຈຳນວນ 1 ແສນກວ່າໂຕ. ຍັງມີການປະກອບສ່ວນຂອງສູນພັດທະນາການກະເສດຫ້ວຍຊອນ-ຫ້ວຍຊົ້ວໃນການຮ່ວມປ່ອຍ ລູກປາບຶກຈຳນວນໜຶ່ງ ແລະ ບໍລິສັດ ວີຕາຟອດ ອັກກະໂລ ເອເຊຍ ປະກອບສ່ວນລູກປາກົດ ແລະ ປາເພ້ຍ ຈຳນວນ 5 ພັນໂຕ. ນອກຈາກນີ້ທາງສູນຄົ້ນຄວ້າປ່າໄມ້ ຍັງໄດ້ສະ ໜອງໄມ້ຂະຍຸງ ຈຳນວນ 7 ຕົ້ນ ເພື່ອປູກໃນມື້ນີ້ອີກດ້ວຍ.

ຂ່າວໂດຍ: ຈັນທະສອນ ມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້

ກວດແກ້ໂດຍ: ທ່ານ ນາງ ຂັນທະມາລີ ຈັນທະລັງສີ, ຮອງຫົວໜ້າ ສູນຂໍ້ມູນຂ່າວສານກະສິກຳ ແລະ ປ່າໄມ້

ກອງປະຊຸມຂະແໜງການຍ່ອຍວຽກງານຊີວະນາໆພັນກະສິກຳ

img_0943

ກອງປະຊຸມຂະແໜງການຍ່ອຍວຽກງານ ຊີວະນາໆພັນກະສິກຳໄດ້ຈັດຂຶ້ນທີ່ ສະໂມສອນສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດໃນວັນທີ 03 ກໍລະກົດ 2020, ໂດຍການເປັນປະທານຂອງທ່ານ ປອ. ຈັນສະໝອນ ພົງອຸດົມ ຮອງຫົວໜ້າສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ແລະ ທ່ານ ຈັນທະລາດ ພົງມາລາ ຜູ້ຕາງໜ້າຈາກອົງການ FAO, ພ້ອມດ້ວຍບັນດາແຂກທີ່ຖືກເຊີນຈາກກົມຕ່າງໆອ້ອມຂ້າງ, ຜູ້ຕາງໜ້າຈາກບັນດາອົງກອນພາກລັດ, ເອກະຊົນ ຜູ້ປະກອບການ ອົງການຈັດຕັ້ງທາງສັງຄົມ ທີ່ກ່ຽວຂ້ອງ ກັບວຽກງານບັນດາຜະລິດຕະພັນຊີວະນາໆພັນ ກະສິກຳ ຈຳນວນທັງໝົດ 67 ທ່ານ.
ການຈັດກອງປະຊຸມຄັ້ງນີ້ກໍ່ເພື່ອເປັນການທົບທວນ ແລະ ສ້າງຄວາມເຂົ້າໃຈເພີ່ມເຕີມກ່ຽວກັບ ວຽກງານທາງດ້ານນະໂຍບາຍກະສິກຳສີຂຽວແບບຍືນຍົງ ທີ່ກຳລັງຮ່ວມກັນຈາກຫຼາຍພາກສ່ວນເພື່ອເປັນການປັບປຸ່ງແຜນວຽກງານດັ່ງກ່າວມີຄວາມສົມບູນ ແລະ ຄົບຖ້ວນຂຶ້ນກວ່າເກົ່າ. ມີການນຳສະເໜີຈາກປະສົບການ ບົດຮຽນຈາກບັນດາໂຄງການ ບໍລິສັດ ຜູ້ປະກອບການ ກຸ່ມຊາວກະສິກອນ ເພື່ອມາແລກປ່ຽນບົດຮຽນ ເພື່ອໃຫ້ເຫັນຂອດສະດວກ ຄວາມຫຍຸ້ງຍາກ ຈົນໄປຮອດ ທ່າແຮງ ແລະ ໂອກາດ ຂອງວຽກງານຕ໋ອງໂສ້ການຜະລິດ ຂອງຜະລິດຕະພັນສິນຄ້າຊີວະນາໆພັນກະສິກຳ ເພື່ອເຮັດໃຫ້ວຽກງານການຄຸ້ມຄອງ ນຳໃຊ້ ຊີວະນາໆພັນກະສິກຳ ມີຄວາມຍືນຍົງສາມາດສ້າງລາຍຮັບໃຫ້ແກ່ຊາວກະສິກອນຜູ້ທີ່ດຳລົງຊີວິດ ຕິດພັນກັບຊີວະນາໆພັນໃນທ້ອງຖິ່ນ ພ້ອມຍັງເປັນການປະກອບສ່ວນເຂົ້າໃນແຜນເສດຖະກິດສັງຄົມໃນແຕ່ລະຂັ້ນອີກດ້ວຍ. ສະນັ້ນ ໃນກອງປະຊຸມ ແມ່ນຈະໄດ້ມີການ ປຶກສາຫາລື ແລະ ທົບທວນຂະບວນການບັນດາວຽກງານທີ່ກ່ຽວຂ້ອງ ເຊິ່ງໃນນີ້ກອງປະຊຸມຈຶ່ງໄດ້ເຊີນເອົາບັນດາຜູ້ປະກອບການ ຈາກ 3 ຕົວແບບຜະລິດຕະພັນຊີວະນາໆພັນກະສິກຳ ມາເປັນຕົວຢ່າງໃນການປຶກສາຫາລື ຄື: ກາເຟຫົວພັນ ທີສົ່ງອອກຕ່າງປະເທດໂດຍສະເພາະ ອີຍູ, ຊາປ່າ ກະສິກຳສະອາດ ຜົງສາລີ ສົ່ງອອກໃນເຂດພາກພື້ນ ແລະ ໄຄແຜ່ນຫຼວງພະບາງ ທີຈຳໜ່າຍພາຍໃນ ສ້າງລາຍຮັບອັນຕົ້ນຕໍ່ໃຫ້ກຸ່ມຊາວກະສິກອນຜູ້ເຂົ້າຮ່ວມ. ເຊິ່ງຜົນຂອງກອງປະຊຸມດັ່ງກ່າວແມ່ນຈະເປັນຂໍ້ມູນໜຶ່ງໃນການປະກອບເຂົາໃນບົດລາຍງານໃຫ້ແກ່ກອງປະຊຸມວຽກງານ ຂະແໜງການກະສິກຳ ແລະ ພັດທະນາຊົນນະບົດ ທີ່ຈະເປີດຂຶ້ນໃນຂັ້ນຕໍ່ໄປ.
img_0999
ໃນກອງປະຊຸມຍັງມີການວາງສະແດງ ແລະ ຈຳໜ່າຍຜະລິດຕະພັນ ຂອງກຸ່ມຊາວກະສິກອນ ກໍ່ຄືຜູ້ປະກອບການທີ່ກ່ຽວຂ້ອງ ທີ່ມາຈາກ 20 ພາກສ່ວນ ເຂົ້າຮ່ວມ.

ຂ່າວໂດຍ: ຈັນທະສອນ ມະນີວົງ, ສູນຂໍ້ມູນຂ່າວສານກະສິກຳ ແລະ ປ່າໄມ້

ກອງປະຊຸມຂະແໜ່ງການຍ່ອຍວຽກງານຊີວະນາໆພັນກະສິກຳ 03 ກໍລະກົດ 2020

Document for Sub-Sector Working Group on Agro-biodiversity Meeting 03/07/2020

 

ໂລໂກ 20 ສກປພ ປີ
nafri20y
ການປ່ຽນແປງດິນຟ້າອາກາດ
climate-change
Tags
10 ປີ ຕາບີ ACIAR AFACI MEKARN Mekong Agriculture Research Network nafri TABI tabi project ກອງປະຊຸມຂະແໜງການຍ່ອຍວຽກງານຊີວະນາໆພັນກະສິກຳ ກອງປະຊຸມ ຜົນສຳເລັດການຈັດຕັ້ງປະຕິບັດໂຄງການຕາບີ 20 ປີ ເລີ່ມແຕ່ປີ 2009-2020 ກອງປະຊຸມລິເລີ່ມ ໂຄງການສ້າງແມ່ບົດລາຍຊື່ໄມ້ໃນ ສປປ ລາວ ຂະບວນການ ຂະບວນປູກຕົ້ນໄມ້ສູນໄມ້ໃຫ້ໝາກ ຊາວໜຸ່ມ ຊາວໜຸ່ມ ສກປພແລະ ຊາວໜຸ່ມສູນພັດທະນາແລະບໍລິການດ້ານການກະເສດ ຕາບີ ພິທີປ່ອຍປາ ພິທີເປີດການກໍ່ສ້າງໂຄງການພັດທະນາ ແລະ ປັບປຸງເຕັກໂນໂລຊີການຜະລິດພືດຜັກ ຢູ່ເຂດເມືອງຫາດຊາຍຟອງ ວັນປ່ອຍປາ ສວນສາທິດ ສູນຄົ້ນຄວ້າການປະມົງ ສູນຄົ້ນຄວ້າປະມົງຈັດພິທີປ່ອຍປາ ສູນຄົ້ນຄວ້າພືດຜັກ ແລະ ໄມ້ໃຫ້ໝາກ ໂຄງການຄົ້ນຄວ້າການຈັດການດິນ ແລະ ນ້ຳ ໂຄງການຕາບີ ໂຄງການສ້າງແມ່ບົດລາຍຊື່ໄມ້ໃນ ສປປ ລາວ
ລະບົບຖານຂໍ້ມູນຕ່າງໆ
Oct 31, 2020 - Sat
Please add free or paid OpenWeatherMap API key in the plugin settings!
World Food Day

National Agriculture and Forestry Research Institute

Nongviengkham Village

Xaythany District

Vientiane Capitol

Phone:+856 21 770094,770074

Email: manoluck2005@gmail.com; luckie_2005@hotmail.com