Monthly Archives: September 2018

ກອງປະຊຸມ ລິເລີ່ມໂຄງການ ອະນຸລັກພັນຖຸກຳຕະກຸນໄມ້ຂະຍຸງ ເພື່ອປັບປຸງຊີວິດການເປັນຢູ່ໃນເຂດແມ່ນ້ຳຂອງ

img_0698img_0717

ໃນວັນທີ່ 10 ຫາ 14 ກັນຍາ 2018 ຢູ່ທີຫ້ອງປະຊຸມ ໂຮງແຮມ ວັນຊະນະ ລີເວີຊາຍ ສູນຄົ້ນຄວ້າປ່າໄມ້ ກໍຄືສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ເປີດກອງປະຊຸມ ລິເລີ່ມໂຄງການ ອະນຸລັກພັນຖຸກຳຕະກຸນໄມ້ຂະຍຸງ ເພື່ອປັບປຸງຊີວິດການເປັນຢູ່ໃນເຂດແມ່ນ້ຳຂອງ “Conserving Rosewood genetic diversity for resilient livelihoods in the Mekong” ໃຫ້ກຽດເປັນປະທານໂດຍທ່ານ ປອ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ່າກະສິກຳ ແລະ ພັດທະນາຊົນນະບົດ. ທ່ານ H.E. Mr Hugh EVANS ເອກອັກຄະລັດຖະທູດອັງກິດປະຈຳລາວ. ທ່ານ Dr. David Boshier ຫົວຫນ້າໂຄງການ ແລະ ມີຜູ້ແທນຈາກ ສສ ຫວຽດນາມ, ກຳປູເຈຍ, ໄທ ແລະ ບັນດາຊ່ຽວຊານຈາກມະຫາລິທະຍາໄລ ອອກຟອດ ປະເທດອັງກິດ ແລະ ກົມອ້ອມຂ້າງກະຊວງກະສິກຳ ແລະ ປ່າໄມ້ເຂົ້້າຮ່ວມຢ່າງພ້ອມພຽງ.

ສູນຄົ້ນຄວ້າປ່າໄມ້ ກໍຄືສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ຮັບການອະນຸມັດຈາກລັດຖະມົນຕີກະຊວງກະສິກໍາ ແລະປ່າໄມ້ (ຂໍ້ຕົກລົງສະບັບເລກທີ 2078/ກປ ລົງວັນທີ 07 ກັນຍາ 2018) ວ່າດ້ວຍການອະນຸມັດ ການຈັດກອງປະຊຸມລິເລີ່ມໂຄງການ “Conserving Rosewood genetic diversity for resilient livelihoods in the Mekong”; ໃນນາມທີ່ ສູນຄົ້ນຄວ້າປ່າໄມ້, ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ຈະເປັນຄູ່ຮ່ວມຈັດຕັ້ງປະຕິບັດໂຄງການ ແລະ ຈະໄດ້ຈັດຕັ້ງປະຕິບັດຮ່ວມກັບບັນດາສະມາຊິກປະເທດອື່ນໆຄື: ສສ ຫວຽດນາມ, ກຳປູເຈຍ, ໄທ ແລະ ບັນດາຊ່ຽວຊານຈາກມະຫາລິທະຍາໄລ ອອກຟອດ ປະເທດອັງກິດ ເປັນເວລາ 2.5 ປີ ຄືແຕ່ປີ 2018 ຫາ 2021.

ຈຸດປະສົງຂອງກອງປະຊຸມດັ່ງກ່າວແມ່ນ ເພື່ອ:

  • ປຶກສາຫາລື ກິດຈະກໍາຂອງໂຄງການ,
  • ປຶກສາຫາລື ແລະ ແຜນການຈັດຕັ້ງປະຕິບັດໂຄງການ,
  • ສ້າງຄວາມຄວາມເຊື່ອໝັ້ນ ແລະ ການພົວພັນກັນລະຫວ່າງຄູ່ຮ່ວມຈັດຕັ້ງປະຕິບັດໂຄງການ,
  • ການສ້າງເຄື່ອຂ່າຍ ແລະ ການເຊື່ອມໂຍງກັບໂຄງ ການອື່ນໆທີ່ຄ້າຍຄືກັນ ທີ່ຈັດຕັ້ງປະຕິບັດກ່ຽວກັບການອະນຸລັກພັນທຸກໍາໄມ້, ແລະ
  • ປຶກສາຫາລືກ່ຽວກັບ ລະບົບການສະຫຼຸບ-ລາຍງານການຈັດຕັ້ງປະຕິບັດໂຄງການ.

ກອງປະຊຸມດັ່ງກ່າວໄດ້ມີການປະຊຸມສະເພາະດ້ານກ່ຽວກັບການຈັດຕັ້ງປະຕິບັດໂຄງການ ຈໍານວນ 3 ວັນ ແລະ ລົງຢ້ຽມຢາມພື້ນທີ່ສວນປູກລວມພັນໄມ້ຂະຍຸງ ທີ່ສູນຄົ້ນຄວ້າປ່າໄມ້ 1 ວັນ ແລະ 1 ວັນ ແມ່ນຈັດປະຊຸມເຜີຍແຜ່ການຈັດຕັ້ງປະຕິບັດໂຄງການ ເພື່ອໃຫ້ໂຄງການອື່ນໆ ແລະ ອົງການຈັດຕັ້ງອື່ນໆ ທີ່ກໍາລັງຈັດຕັ້ງປະຕິບັດກິດຈະກໍາ ທີ່ຄ້າຍຄືກັນໄດ້ເຂົ້າໃຈ ແລະ ສາມາດແລກປ່ຽນບົດຮຽນນໍາກັນໄດ້.

ໂຄງການດັ່ງກ່າວແມ່ນຈັດຕັ້ງປະຕິບັດຜ່ານເຄືອຂ່າຍອະນຸລັກພັນທຸກໍາປ່າໄມ້ອາຊີປາຊີຟິກ ແລະ ໄດ້ຮັບທືນສະໜັບສະໜູນໂດຍ ອົງການ Darwin Initiative ປະເທດອັງກິດ ແລະ ພາກວິຊາວິທະຍາສາດພືດ ມະຫາວິທະຍາໄລອອກຟອດ ເປັນຫົວໜ້າໂຄງການ.

banner-20-yaers-for-web ເຊີນເຂົ້້າຮ່ວມງານວາງສະແດງ ແລະ ຈຳໜ່າຍສິນຄ້າກະສິກຳ-ປ່າໄມ້ 25-28 ເມສາ 2019 ມີຫຼາຍກວ່າ 150 ຮ້ານເຂົ້າຮ່ວມທາງດ້ານ ກະສິກຳ ແລະ ປ່າໄມ້ ມາຊອກຫາເລືອກຊື້ ແນວພັນ ທີ ທ່ານຕ້ອງການໄດ້ ຈາກງານນີ້ ຫຼື ທ່ານສົນໃຈຢາກຈະ ສາມາດ ເຂົ້າຮ່ວມວາງສະແດງສິຄ້າ ແລະ ຜະລິດຕະພັນກະສິກຳ ແລະ ປ່າໄມ້ໄດ້ພີໂດຍບໍ່ເສຍຄ່າໃຊ້ຈ່າຍ ສະໝັກ ແລະ ຕິດຕໍ່ພົວພັນໄດ້ຕາມດ້ານລຸ່ມນີ້ ຕິດຕໍ່ພົວພັນ: ທ່ານ. ສຸລິວົງ ກອງມະນີວົງ ໂທ: 020 59591333 E – Mail: soulivong.nk@gmail.com ທ່ານ ນ. ແສດມະນີ ພົມພັກດີ ໂທ: 020 22866226 ທ່ານ. ຈາລຸນ ບຸນອິທິພົນ ໂທ: 020 22840755 ດາວໂຫຼດແບບຟອມ Registration-form
ໂລໂກ 20 ສກປພ ປີ
nafri20y
ການປ່ຽນແປງດິນຟ້າອາກາດ
climate-change
ລະບົບຖານຂໍ້ມູນຕ່າງໆ
Apr 21, 2019 - Sun
Please add free or paid OpenWeatherMap API key in the plugin settings!