Year: 2017

ພິທີມອບຮັບແນວພັນເຂົ້າລຸ້ນ 3 ລະຫວ່າງ ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ກັບ ກົມສົ່ງເສີມເຕັກນິກ ແລະ ການປຸງແຕ່ງກະສິກໍາ

ໃນຕອນບ່າຍ 2 ໂມງຂອງວັນທີ 15 ເດືອນທັນວາ 2017 ທີ່ີ ຫ້ອງປະຊຸມ ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ໄດ້ມີພິທີມອບຮັບການຜະລິດແນວພັນເຂົ້າລຸ້ນ 3, ເປັນກຽດມອບແມ່ນທ່ານ ປອ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ ແລະ ເປັນກຽດຮັບແມ່ນ ທ່ານ ພູມີ ພູມມະນີວົງ ຫົວໜ້າກົມສົ່ງເສີມເຕັກນິກ ແລະ ການປຸງແຕ່ງກະສິກໍາ ໂດຍມີສັກຂີພິຍານຈາກຫົວໜ້າພະແນກແຜນ ຂອງກົມແຜນການ ແລະ ການເງິນ, ກະຊວງກະສິກໍາ ແລະ ປ່າໄມ້ ພ້ອມດ້ວຍຫົວໜ້າພະແນກບໍລິຫານ, ຫົວໜ້າແຜນການ, ຫົວໜ້າພະແນກຜະລິດເມັດພັນ ຂອງ ກົມສົ່ງເສີມເຕັກນິກ ແລະ ການປຸງແຕ່ງກະສິກໍາ ແລະ ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ. ກ່ອນເຊັນມອບຮັບ ທ່ານ ປອ. ນາງ ໃຈ ບຸນພະນຸໄຊ […]

ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມ ແລະ ຊີ້ນຳ-ນຳພາ ວຽກງານ ການຄົ້ນຄວ້າ ກະສິກຳ-ປ່າໄມ້

ໃນຕອນບ່າຍ ຂອງວັນທີ 22 ພະຈິກ 2017 ຜ່ານມານີ້ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ມາຢ້ຽມຢາມ ສູນຄົ້ນຄວ້າເຂົ້າ, ສະຖາບັນຄົນຄວ້າກະສິກຳ ແລະ ປ່າໄມ້ ແຫ່ງຊາດ ໃນການລົງຢ້ຽມຢາມ ຂອງພະນະທ່ານ ນາຍົກ ໃນຄັ້ງຄັ້ງນີ້ ໄດ້ໃຫ້ກຽດຕ້ອນຮັບໂດຍ ທ່ານ ປອ ຫຼ່ຽນ ທິແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້ ພ້ອມດ້ວຍຄະນະ, ນອກນີ້ ຍັງມີ ບັນດາຫົວໜ້າ ສະຖາບັນ ພ້ອມດ້ວຍຄະນະ, ຫົວໜ້າກົມ, ຮອງກົມ, ຫົວໜ້າ ສູນຄົ້ນຄວ້າ ທີ່ຂຶ້ນກັບ ສະຖາບັນຄົ້ນຄວ້າກະສິກຳ ແລະ ປ່າໄມ້ ແຫ່ງຊາດ ຕະຫຼອດຮອດພະນັກງານຫຼັກແຫຼ່ງ, ວິຊາການ, ນັກຄົ້ນຄວ້າໜຸ່ມນ້ອຍ ຈຳນວນຫຼວງຫຼາຍ ກໍໄດ້ເຂົ້າຮ່ວມຢ່າງພ້ອມພຽງ. ໃນການຢ້ຽມຢາມ ຂອງພະນະທ່ານ […]

ພິທີສະຫຼອງວັນອາຫານໂລກ ວັນສາກົນ ແລະ ສັບປະດາແຫ່ງຊາດ ເພື່ອລົບລ້າງຄວາມທຸກຍາກ

ພິທີສະຫຼອງວັນອາຫານໂລກ ວັນສາກົນ ແລະ ສັບປະດາແຫ່ງຊາດ ເພື່ອລົບລ້າງຄວາມທຸກຍາກ ວັນທີ 17 ຕຸລານີ້, ທີ່ນະຄອນຫຼວງວຽງຈັນ, ກະຊວງກະສິກໍາ ແລະ ປ່າໄມ້ ຮ່ວມກັບ ອົງການສະຫະປະຊາຊາດປະຈຳ ສປປ ລາວ ໄດ້ຈັດງານສະເຫຼີມສະຫຼອງ ສອງວັນສຳຄັນຄື ວັນອາຫານໂລກ 16 ຕຸລາ ແລະ ວັນສາກົນ ສັບປະດາແຫ່ງຊາດເພື່ອລຶບລ້າງຄວາມທຸກຍາກ 17 – 24 ຕຸລາ ພາຍໃຕ້ຫົວຂໍ້ວ່າ: “ ລົງທຶນໃສ່ການຄໍ້າປະກັນສະບຽງອາຫານ ແລະ ການພັດທະນາຊົນນະບົດ ເພື່ອແກ້ໄຂການ ເຄື່ອນຍ້າຍຖິ່ນຖານໃນອະນາຄົດ ” ແລະ “ ກ້າວໄປສູ່ ສັງຄົມ ສັນຕິສຸກ ແລະ ເພື່ອທຸກຄົນ ” ໂດຍການເຂົ້າຮ່ວມຂອງທ່ານເພັດ ພົມພິພັກ ຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ທ່ານນາງ ຄາຣີນາອິມໂມເນນຫົວໜ້າຜູ້ປະສານງານຂອງອົງການສະຫະປະຊາຊາດ (UN) ທັງເປັນຜູ້ຕາງໜ້າອົງການສະຫະປະຊາຊາດເພື່ອການພັດທະນາ (UNDP) ປະຈໍາ ສປປ ລາວ, […]

ກອງປະຊຸມສຳມະນາ ວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ

ເພື່ອປະກອບສ່ວນເຂົ້າໃນການສະເຫຼີມສະຫຼອງວັນອາຫານໂລກ, ວັນສາກົນ ແລະ ສັບປະດາແຫ່ງຊາດເພື່ອລຶບລ້າງຄວາມທຸກຍາກ ໃນວັນທີ 14-24 ຕຸລາ 2017. ສະຖາບັນ ຄົ້ນຄວ້າ ກະສິກຳປ່າໄມ້, ແລະ ພັດທະນາຊົນນະບົດ(NAFRI), ກົມສົ່ງເສີມກະສິກຳ ແລະ ສະຫະກອນ (DAEC), ກະຊວງ ກະສິກຳ ແລະ ປ່າໄມ້ ໄດ້ຮັບກຽດເປັນເຈົ້າພາບຮ່ວມກັບອົງການສະຫະປະຊາຊາດປະຈຳ ສປປ ລາວ ຮັບຜິດຊອບຈັດກອງປະຊຸມສຳມະນາ ແລະ ວາງສະແດງວັນອາຫານໂລກໃນວັນທີ 16-18 ຕຸລາ 2017. ຫົວຂໍ້ຂອງກອງປະຊຸມສຳມະນາ ວັນອາຫານໂລກ, ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ໃນປີ 2017 ນີ້ແມ່ນ “ລົງທຶນໃສ່ການຄ້ຳປະກັນຄວາມໝັ້ນຄົງດ້ານສະບຽງອາຫານ ແລະ ການພັດທະນາຊົນນະບົດ ເພື່ອແກ້ໄຂການເຄື່ຶອນຍ້າຍຖິ່ນຖານໃນອະນາຄົດ”. ຈຸດປະສົງຂອງກອງປະຊຸມສຳມະນາແມ່ນ ເພື່ອປຶກສາຫາລື, ແລກປ່ຽນຄວາມຄິດເຫັນ ແລະ ສ້າງຄວາມເຂົ້າໃຈ ກ່ຽວກັບນະວັດຕະກຳໃໝ່ທີ່ຊ່ວຍສ້າງວຽກເຮັດງານທຳຄົ່ງທີ່ໃຫ້ໄວໝຸ່ມ ແລະ ການກະສິກຳເພື່ອກຳນົດແນວທາງໃນການທັບມ້າງວົງຈອນຄວາມທຸກຍາກໃນເຂດຊົນນະບົດຂອງ ສປປ ລາວ. ກອງປະຊຸມສໍາມະນາດັ່ງກ່າວນີ້້ ແມ່ນໄດ້ຈັດຂຶ້ນໃນຕອນບ່າຍຂອງວັນທີ […]

ກອງປະຊຸມປຶກສາຫາລືແຜນພັດທະນາຕ່ອງໂສ້ການຜະລິດເມັດພັນເຂົ້າໄກ່ນ້ອຍ ແລະ ການຕະຫຼາດຢູ່ແຂວງຊຽງຂວາງ

ກອງປະຊຸມປຶກສາຫາລືແຜນພັດທະນາຕ່ອງໂສ້ການຜະລິດເມັດພັນເຂົ້າໄກ່ນ້ອຍ ແລະ ການຕະຫຼາດຢູ່ແຂວງຊຽງຂວາງໄດ້ຈັດຂຶ້ນໃນຕອນເຊົ້າຂອງວັນທີ 11 ຕຸລາ 2017 ນີ້ ຢູ່ທີ່ຫ້ອງປະຊຸມພະແນກກະສິກຳ ແລະ ປ່າໄມ້ແຂວງຊຽງຂວາງ, ໂດຍການເປັນປະທານ ແລະ ກ່າວເປີດກອງປະຊຸມຂອງທ່ານ ສົມສະໝອນ ພະລິຈັນ ຮອງຫົວໜ້າພະແນກກະສິກຳ ແລະ ປ່າໄມ້ແຂວງຊຽງຂວາງເປັນກຽດເຂົ້າຮ່ວມມີທ່ານ ນາງ ດຣ ໃຈ ບຸນພະນຸໄຊ ຮອງຫົວໜ້າສະຖາບັນຄົນຄວ້າກະສິກຳ – ປ່າໄມ້ ແລະ ພັດທະນາຊົນນະບົດ, ມີທ່ານ ໄມເຄີນ ວິກເຕີ (Michael Victor) ຫົວໜ້າຊຽວຊານ ໂຄງການຕາບີ ປະຈຳເເຂວງ ຊຽງຂວາງ, ມີບັນດາສະມາຄົມອີນຊີ ເຂົ້າໄກ່ນ້ອຍແລະຜຸ້ປະກອບການ ຕະຫຼອດຮອດວິຊາການທີ່ມາຈາກສູນທາງ 4 ເມືອງຄື: ເມືອງແປກ,ເມືອງຄູນ,ເມືອງຜາໄຊ ແລະ ເມືອງພູກູດເຂົ້າຮ່ວມ. ຈຸດປະສົງໃນການຈັດກອງປະຊຸມຄັ້ງນີ້ເເມ່ນເພື່ອສະເໜີຜົນສຳເລັດຂອງການຈັດຕັ້ງປະຕິບັດໂຄງການພັດທະນາຕ່ອງໂສ້ກາຜະລິດເມັດພັນເຂົ້າໄກ່ນ້ອຍທີ່ໄດ້ຈັດຕັ້ງປະຕິບັດມາແຕ່ປີ 2014 ເຖີງ 2017 ແລະ ປຶກສາຫາລື ຊອກຫາທິດທາງໃນການພັດທະນາຕ່ອງໂສ້ການຜະລິດແລະການຕະຫຼາດໃຫ້ເຂົ້າໄກ່ນ້ອຍມີຄວາມຍືນຍົງ, ໃນກອງປະຊູມໄດ້ຮັບຟັງການລາຍງານຜົນການຈັດຕັ້ງປະຕິບັດໂຄງການພັດທະນາຕ່ອງໂສ້ການຜະລິດເມັດພັນເຂົ້າໄກ່ນ້ອຍຢູ່ເເຂວງຊຽງຂວາງ ພ້ອມທັງລາຍງານວຽກງານສົ່ງເສີ່ມການຜະລິດເຂົ້າໄກ່ນ້ອຍອີນຊີຢູ່ເເຂວງຊຽງຂວາງ ແລະ ລາຍງານການດຳເນີນການຈັດຊື້-ຂາຍເຂົ້າເພື່ອປ້ອນໂຮງສີ […]

ກອງປະຊຸມຄະນະຊີ້ໂຄງການ TABI ຂັ້ນສູນກາງ ຄັ້ງທີ 9

ໃນຕອນບ່າຍຂອງວັນທີ 03 ຕຸລາ 2017 ທີ່ຜ່ານມານີ້, ກອງປະຊຸມຄະນະຊີ້ນຳໂຄງການຂັ້ນສູນກາງຄັ້ງທີ IX ຂອງໂຄງການພັດທະນາລະບົບນິເວດຊີວະນາໆພັນກະສິກຳຢູ່ເຂດພູດອຍພາກເໜືອ ຂອງ ສປປ ລາວ (ໂຄງການຕາບີ)ໄດ້ໄຂຂຶ້ນຢ່າງເປັນທາງການທີ່ຫ້ອງປະຊຸມສະໂມສອນໃຫຍ່ ຂອງສະຖາບັນຄົ້ນຄວ້າກະສິກຳແລະປ່າໄມ້ແຫ່ງຊາດ, ພາຍໃຕ້ການເປັນປະທານຂອງທ່ານ ປອ. ພວງປາຣິສັກ ປຣະວົງວຽງຄໍາ, ຮອງລັດຖະມົນຕີວ່າການກະຊວງກະສິກຳ ແລະ ປ່າໄມ້, ປະທານຄະນະຊີ້ນຳໂຄງການຕາບີ, ແລະການເປັນປະທານຮ່ວມຂອງ ທ່ານ ມາຕິນ ຮັດເລີ (Martin Hasler) ຮອງອົງການຮ່ວມມືເພື່ອການພັດທະນາຂອງປະເທດສະວິດເຊີແລນປະຈຳສປປລາວ ແລະ ມີບັນດາແຂກທີ່ຖືກເຊີນຈາກບັນດາກົມ ແລະ ພະແນກທີ່ກ່ຽວຂ້ອງອ້ອມຂ້າງ ທັງໝົດ 44 ທ່ານ ມາຈາກ MAF, SDC, MoNRE, NuoL, LWU, LNFC, NIRAS, CDE, PAFOs, News, PCOs/PFOs ແລະ CU/SO; ໃນນັ້ນເປັນ ເພດຍິງ 12 ທ່ານ ແລະ ຕ່າງປະເທດ […]

ກອງປະຊຸມ ແຜນງານການຄົ້ນຄວ້າ ທາງດ້ານ ພັນທຸກຳສັດ ແລະ ການສົ່ງເສີມ ນຳໃຊ້ແນວພັນພືດ ໃນພາກພື້ນອາຊີ

ກອງປະຊຸມ ແຜນງານການຄົ້ນຄວ້າ ທາງດ້ານ ພັນທຸກຳສັດ ແລະ ການສົ່ງເສີມ ນຳໃຊ້ແນວພັນພືດ ໃນພາກພື້ນອາຊີ ທີ່ນະຄອນຫລວງ ວຽງຈັນ, ສປປ ລາວ , ວັນທີ 5/09/2017. ໂດຍເປັນປະທານ ທ່ານ ປອ. ພວງປາຣິສັກ ປຣະວົງວຽງຄໍາ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ເຊິງມີຜູ້ຕ່າງໜ້າບັນດາປະເທດສະມາຊິກເຂົ້າຮ່ວມ 14 ປະເທດ. ສປປ ລາວ ໄດ້ເຂົ້າຮວ່ມເປັນສະມະສິກ ຂອງ ໂຄງການລິເລີ້ມ ການຮວ່ມມື ທາງດ້ານອາຫານ ແລະ ກະສິກຳ Asian Food and Agriculture Cooperation Initiative (AFACI) ໃນ ເດືອນ ພະຈິກ 2009, ໂຄງການດັ່ງກ່າວ ມີ 14 ປະເທດເຂົ້າຮວ່ມ ປະກອບ ປະເທດ ບູຖານ, ກຳປູເຈຍ, […]

ສູນຄົ້ນຄວ້າວີທະຍາສດປ່າໄມ້ເຂົ້າຮ່ວມງານວາງສະແດງ ແລະ ຈຳໜ່າຍ ເບັ້ຍໄມ້ ວັນປູກຕົ້ນໄມ້ແຫ່ງຊາດ 01 ມິຖຸນາ 2017

ເນື່ອງໃນໂອກາດວັນປູກຕົ້ນໄມ້ແຫ່ງຊາດ 01 ມິຖຸນາ 2017 ຕິດພັນກັບວັນເດັກນ້ອຍສາກົນ. ກະຊວງ ກະສິກຳ ແລະ ປ່າໄມ້ ໄດ້ມີງານຈັດວາງສະແດງເບັ້ຍໄມ້ ທີ່ໄດຈັດຂື້ນທີ່ ສູນການຄ້າລາວ-ໄອເຕັກ ເລີ້ມແຕ່ວັນທີ 29 ພຶດສະພາ – 04 ມິຖຸນາ 2017. ໃນງານວາງສະແດງ ແລະ ຈຳໜ່າຍເບັ້ຍໄມ້ ໄດ້ມີຫຼາຍພາກສ່ວນຖືກເຊື້ອເຊີນເຂົ້າຮ່ວມ ຈາກທັງພາກລັດ ແລະ ເອກະຊົນ,ຊຶ່ງລວມມີ ບັນດາກົມອ້ອມຂ້າງກະຊວງ, ສະຖາບັນ ແລະ ບັນດາຫົວໜ່ວຍທຸລະກິດຕ່າງໆ. ໃນພິທີເປີດງານດັ່ງກ່າວ ໄດ້ໃຫ້ກຽດເປີດງານໂດຍ ທ່ານ ສອນໄຊ ສີພັນດອນ, ຮອງນາຍົກລັດຖະມົນຕິ ແຫ່ງ ສປປ ລາວ ພອ້ມດວ້ຍ ລັດຖະມົນກຕີ ກະຊວງ ກະສິກຳ ປ່າໄມ້, ກະຊວງ ການຄ້າ ແລະ ອຸດສະຫະກຳ ແລະ ການນໍາ ຈາກ ກົມ ແລະ ຖາບັນຕ່າງໆ ເຂົ້າຮວ່ມ. […]

ການເຂົ້າຮ່ວມກອງປະຊູມ ແລະ ງານວາງສະແດງ ປະຈໍາປີ 2017 ແລະ ເຂົ້າຮ່ວມ ພິທີເຊັນບົດບັນທຶກການຮ່ວມມືວຽກງານການຄົ້ນຄ້ວາ ລະຫວ່າງ ສຄກປ ແຫ່ງຊາດ ກັບ ສໍານັກງານວິທະຍາສາດ ແລະເທັກໂນໂລຊີ ແຫ່ງຊາດ, ປະເທດໄທ

ໃນຕອນເຊົ້າຂອງ ວັນທີ  29 ເດືອນມີນາ  2017 ຜ່ານມາ ຄະນະທີມງານຂອງສະຖາບັນຄົ້ນຄວ້າກະສິກໍາ ແລະ ປ່າໄມ້ແຫ່ງຊາດນໍາໂດຍ ທ່ານ ດຣ. ບູນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກໍາ ແລະ ປ່າໄມ້ ແຫ່ງຊາດ ພ້ອມດ້ວຍຄະນະ ໄດ້ເຂົ້າຮ່ວມງານວາງສະແດງ ຜົນງານການຄົ້ນຄ້ວາ ທີ່ຕຶກອາຄານ ສໍານັກງານການວິທະຍາສາດ ແລະ ເທັກໂນໂລຊີແຫ່ງຊາດ, ແຂວງ ປະທູມຖານີ , ປະເທດໄທ, ໃນງານດັ່ງກ່າວ ແມ່ນມີບັນດານັກຄົ້ນຄ້ວາ ໄດ້ ນໍາເອົາຜົນການຄົ້ນຄ້ວາ ເຊີ່ງມີ ຫຼາກຫຼາຍ ສາຂາ, ບັນດາເຕັກນິກເທັກໂນໂລຊີທີທັນສະໃໝ ແລະ ບັນດານະວັດທະກໍາໃໝ່ໆ ເຫັນວ່າເປັນໂອກາດອັນດີ ໃຫ້ແກ່ ຄະນະທີມງານຂອງ ສະຖາບັນພວກເຮົາ ທີ່ ໄດ້ ຮຽນຮູ້ ແລະ ທອດຖອນ ບົດຮຽນ ເຊີ່ງມີຫຼາຍ ອັນ ສາມາດເອົາມາໝູນໃຊ້ ເຂົ້າໃນການວາງແຜນ ແລະ ການຄົ້ນຄ້ວາພ້ອມກັນນີ້ທີມງານຂອງສະຖາບັນພວກເຮົາຍັງໄດ້ເຂົ້າຮ່ວມເປັນເຈົ້າພາບຮ່ວມກັບສູນພັນທຸວິສະວະກໍາ ແລະ […]

National Agricultural Biodiversity Programme II

The NABP-II was prepared under the sSWG on Agro-biodiversity with inputs from five technical working groups and under the overall guidance and coordination of NAFRI. The NABP-II document explains the agro-biodiversity in a global, regional and Lao context and describes in detail the Lao agro-biodiversity of the crops, livestock, fish, NTFP, etc. Further, it defines […]