ໃນຕອນເຊົ້າຂອງວັນທີ່ 16 ພະຈິກ 2011 ຢູທີ່ສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ (NAFRI) ໄດ້ຈັດກອງປະຊຸມກ່ຽວກັບການສຳມະນາ ການຈັດຕັ້ງປະຕິບັດ ແລະ ຄຸ້ມຄອງໂຄງການປັບຕົວດ້ານກະສິກຳຕໍ່ການປ່ຽນແປງດິນຟ້າອາກາດ (IRAS/NAPAFU Project) ຂື້ນໂດຍ ໃຫ້ກຽດເປັນປະທານກອງປະຊຸມໂດຍທ່ານ ດຣ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ. ຊື່ງມີຜູ້ເຂົ້າຮ່ວມກອງປະຊຸມ ກໍ່ຄືຫົວໜ້າປະສານງານໂຄງການ, ຊ່ຽວຊານຕິດຕາມປະເມີນຜົນ, ຊ່ຽວຊານສຳຫຼວດຂໍ້ມູນ, ຜູ້ປະສານງານໂຄງການ ສອງແຂວງ(ໄຊຍະບູລີ,ສະຫວັນນະເຂດ)ໃນສີ່ເມືອງເປົ້າໜາຍ, ພະແນກ ແລະ ສູນທີ່ກ່ຽວຂອງອ້ອມຂ້າງສະຖາບັນເຂົ້າຮ່ວມເຂົ້າຮ່ວມທັງໜົດ 35 ທ່ານ. ຈະດປະສົງແມ່ນເພື່ອຢາກໄດ້ແນວຄວາມຄິດຫຼັກໃນການກະກຽມແຜນງານຂອງໂຄງການ, ການກະກຽມແຜນປີ 2012 ແລະ ແຜນງວດ1 ຂອງບັນດາແຂວງ, ເມືອງ ແລະ ກຸ່ມບ້ານເປົ້າໜາຍຂອງໂຄງການ, ກອງປະຊຸມຄັ້ງນີ້ແມ່ນໄດ້ດຳເນີນເປັນເວລາ ສອງວັນແລະປິດລົງດ້ວຍໝາກຜົນອັນຈົບງາມ.

 ສະ​ຖາ​ບັນ​ຄົ້ນຄວ້າ​ກະສິກໍາ ​ແລະ ປ່າ​ໄມ້ ມີ​ຄວາມ​ຍິນ​ດີ​ແຈ້ງ​ໃຫ້​ທ່ານ​ຊາບ​ວ່າ ​ກອງທືນການຄົ້ນຄວ້າກະສິກໍາລາວ ຊຸດທີ່ 7 (LARF-7) ຈະໄດ້ເລີ່ມຈັດຕັ້ງປະຕິບັດແລ້ວ. ຊື່ງກອງທືນດັ່ງກ່າວແນໃສ່ການສະໜັບສະໜູນບັນດານັກຄົ້ນຄວ້າຂອງລາວ ເພື່ອພັດທະນາວຽກງານການຄົ້ນຄວ້າທົດລອງ ທີ່ເປັນປະໂຫຍດແກ່ຊຸມຊົນ ກໍ່ຄື ຊາວກະສິກອນ.
ພ້ອມກັນນັ້ນ ກໍ່ເພື່ອສົ່ງເສີມການເຜີຍແຜ່ຜົນງານການຄົ້ນຄວ້າຂອງຄົນລາວ ອອກສູ່ສາຍຕາພາຍນອກ ທັງໃນປະເທດ ແລະ ເວທີສາກົນ. ກອງທືນດັ່ງກ່າວໄດ້ເປີດໂອກາດໃຫ້ບັນດານັກຄົ້ນຄວ້າໃນລະດັບຕ່າງໆ ​ເຊັ່ນ:  ກົມ, ກອງ, ສະຖາບັນ, ສູນຄົ້ນຄວ້າ, ມະຫາວິທະຍາໄລ ແລະ ລວມທັງນັກຄົ້ນຄວ້າຈາກພາກສ່ວນອົງການຈັດຕັ້ງທີ່ບໍ່ຂື້ນກັບລັດຖະບານ (NGOs), ສາມາດສົ່ງບົດສະເໜີເຂົ້າມາເພື່ອຂໍທືນນໍາໄປເຮັດການຄົ້ນຄວ້າໄດ້ອີກດ້ວຍ.

ກໍານົດ​ວັນ​ປິດ​ຮັບ​ບົດ​ສະ​ເໜີ​ການ​ຄົ້ນຄວ້າ ​ແມ່ນ​ວັນ​ທີ່ 28 ​ເດືອນ​ກຸມພາ (2) 2012. ສ່ວນລາຍລະອຽດ ແລະ ແບບຟອມການຂຽນບົດສະເໜີການຄົ້ນຄວ້າທົດລອງ ແມ່ນໄດ້ຄັດຕິດມາພ້ອມນີ້ດ້ວຍ. 

LARF is open to government agencies, universities, agricultural colleges and NGO organisations based in the Lao P.D.R, which have a mandate to undertake agricultural research. Proposals must contain a defined research project, and can be of one or two years in duration. The annual funding limit for individual projects is US$6,000 and a maximum of US$10,000 for two year projects. The grant moneys are for expenditure only within the Lao P.D.R.

The closing date for the receipt of project proposals for potential funding support will be 28 February 2012.

 Contact person ​Mr. Pasalath Kounsy Mobile: 0212412049, Email: This e-mail address is being protected from spambots. You need JavaScript enabled to view it or This e-mail address is being protected from spambots. You need JavaScript enabled to view it

ໃນວັນທີ 28 ຕຸລາ2011 ທີ່ສະຖາບັນຄົ້ນຄວ້າກະສິກຳແລະປ່າໄມ້ ໄດ້ມີການຈັດກອງປະຊຸມ ປຶກສາຫາຫລື ແລະເຈລະຈາສອງຝາຍຂຶ້ນ ໃນການຈັດຕັ້ງປະຕິບັດ ໂຄງການຄົ້ນຄວ້າກະສິກຳປ່າໄມ້ເຂດພູດອຍ ແລະພັດທະນາຄວາມອາດສາມາດ (URDP) ລະຫວາງ ສະຖາບັນຄົ້ນຄວ້າກະສິກຳແລະປ່າໄມ້ແຫ່ງຊາດ ໂດຍ ທ່ານ ດຣ. ບຸນຖອງ ບົວຫອມ ຕ່າງໜ້າຝ່າຍລາວ ແລະຜູ້ໃຫ້ທຶນ ອົງການພັດທະນາສາກົນ ແຫ່ງປະເທດສະວີເດນ (ຊີດາ) ໂດຍ ທ່ານ ນາງ ລິສເບດ ບອສເທຣນ (Lisbet Bostrand) ຫົວໜ້າຊ່ຽວຊານ ອາວຸໂສ ຫ້ອງການໃຫຍ່. ກອງປະຊຸມໃນຄັ້ງນີ້ກໍ່ເພື່ອ (1) ທົບທວນແລະປຶກສາຫາຫລື ກ່ຽວກັບການຈັດຕັ້ງປະຕິບັດກິດຈະກຳຕ່າງໆ ຂອງໂຄງການ ໃນສົກປີ 2010-2011, (2) ທົບທວນແລະເຈລະຈາກ່ຽວກັບແຜນການໃນໄລຍະທ້າຍ ຂອງໂຄງການ ທີຈດຳເນີນ ນັບຕັ້ງແຕ່ ເດືອນ ຕຸລາ 2011 ຫາເດືອນ ເມສາ 2012. (3) ປຶກສາຫາຫລື ແລະຕົກລົງໃນຂົງເຂດວຽກງານ ແລະບັນຫາໃນການຈັດຕັ້ງປະຕິບັດກ່ຽວກັບ ໂຄງການ, ການສົນທະນາປຶກສາຫາຫລືຍັງໄດ້ເນັ້ນໃສ່ການຮ່ວມມືທາງດ້ານສະຖາບັນ, ການພັດທະນາກອງທືນຄົ້ນູວ້າກະສິກຳແລະປ່າໄມ້ ແລະຍັງມີບັນຫາຕ່າງໆຂອງຂອດການບໍລິຫານ. ການປະສານງານ ຄຸ້ມຄອງໂຄງການ. ກອງປະຊຸມຄັ້ງນີ້ລວມມີ ບັນດາຫົວໜ້າໂຄງການຍ່ອຍຕ່າງໆແລະຊ່ຽວຊານປະຈຳໂຄງການ ລວມມີ ກວ່າ 10 ທ່ານເຂົ້າຮ່ວມຢ່າງພ້ອມພຽງ.

ໃນລະຫວ່າງວັນທີ 8-16 ຕຸລາ 2011, ຜ່ານມານີ້, ຄະນະຜູ້ແທນ ຈາກສະຖາບັນຄົ້ນ ຄວ້າກະສິກຳ ແລະ ປ່າໄມ້ ແຫ່ງຊາດ, ກົມປ່າໄມ້ ແລະ ໂຄງການ IUCN, ຈຳນວນ 11 ທ່ານ, ໄດ້ເດີນທາງ ໄປປະເທດ ສະວີເດັນ. ຊຶ່ງນຳພາໂດຍ ທ່ານ ດຣ. ບຸນຖອງ ບົວຫອມ ຫົວໜ້າສະຖາບັນຄົ້ນຄວ້າ ກະສິກຳ ແລະ ປ່າໄມ້ ແຫ່ງຊາດ. ການໄປໃນຄັ້ງນີ້ ແມ່ນເພື່ອເຮັດວຽກ, ຢ້ຽມຢາມ ແລະ ຊອກຫາຊ່ອງທາງການສະໜັບສະ ໜູນທາງດ້ານທຶນຮອນເຂົ້າໃນຂະແໜງການ ກະສິກຳ ແລະ ປ່າໄມ້ ຂອງປະເທດເຮົາ.ຊຶ່ງຈຸດປະສົງກໍ່ເພື່ອເຂົ້າຮ່ວມ ກອງປະຊຸມສະຫຼຸບ ແລະ ຖອດຖອນບົດຮຽນ ກ່ຽວກັບການຮ່ວມມືຊ່ວຍເຫຼືອ ດ້ານ ກະສິກຳ ແລະ ປ່າໄມ້ ໃນໄລຍະ 30 ປີ ຜ່ານມາ ທີ່ທາງລັດຖະບານ ແຫ່ງປະເທດສະວີເດັນ ໄດ້ໃຫ້ການສະໜັບສະໜູນ ຂະແໜງການກະສິກຳ ແລະ ປ່າໄມ້. ໂດຍຜ່ານ ອົງການຊີດາ.ກອງປະຊຸມສະຫຼຸບ ແລະ ວາງແຜນປະຈຳປີ 2012, ໂຄງການຄົ້ນຄວ້າເຂດພູດອຍ ແລະ ພັດທະນາຄວາມສາມາດແລະຢ້ຽມຢາມກິດຈະກຳ ການຄົ້ນຄວ້າ ແລະ ພັດທະນາ ກະສິກຳ ແລະປ່າໄມ້.